نان یا ئازادی؟

asinger

Camus-freedom-is-not-a-gift-received-wist_info-quote

 
نان یا ئازادی؟

پرسیارێكە دەمێكە سەری وەدەرناوە بەڵام لەسەدەی ڕابردوو لە دوای سەر هەڵدانی كۆمەنیست زیاتر پەرەی سەندووە

 

لە زۆربەی ئەو ووڵاتانی ئازادن و بە ئازادی خەڵك ڕای خۆیان دەردەبڕێ، ئابووریان بە جوانی ڕێكخراوە و چارەسەری كێشەی نان و شوێنی ژیان كردنی تێدا حەلكراوە.

لە مۆسكۆی قەدیم و پەكینی ئێستا و زۆربەی ووڵاتە سۆشیالیستەكانی قەدیم و ئێستا ئەگەر مابن ، ئەگەر لە خەڵگ بپرسی نان یا جیگای حەوانەوە ؟ دەڵێت هەر دووكیان.

لینینی مەزن خەونی بە هەنگوین و شیرەوە بۆ هاووڵاتیان دەبینی. سەركردە كۆمەنیستەكانی تریش كەمیان خەبات نەكردووە بۆ ژیانێكی فەنتازی بۆ میللەتەكەیان. ئێستاش زۆربەی پارتە سۆشیالیستەكان یا سوشیالیست دیموكراتەكان لە ووڵاتە سەرمایەدارەكان داكۆكی لە باشتر كردنی بژێوی خەڵك دەكەن.

لە زۆربەی ئەو ووڵاتانەی كە نەك هەر سەرمایەدارەكان بەڵكو (پادشا یا مەلیك) باڵاترین دەسەڵاتن،
ئازادی و زەمینە سازی زیاتر تێدا ڕەخساوە بۆ هەڵبژاردن و ڕێفڕاندۆم  بۆ جۆری ئەو سیستەمەی كە وویستی زۆرینەیە. لەو كۆمەڵگایانە چونكا ووشیارن، گرنگ نیە سیستەمەكە مەلەكی یا پاشا نشینە وەك (بەریتانیا، هۆڵندا، سوید…..هتد)
گرنگ  لای هاووڵاتیان باشتر ڕێكخستنی ئابووری ووڵات و شێوازی ئیدارەدانی خەڵكە بە دادوەرانەیە.

بۆیە پێویستە نوخبە و ڕۆشنبیری كورد، هەتا چەپ و كۆمەنیستە كوردستانیەكان لەم قۆناغەدا گرەو لەسەر شێوازی حوكمی ئاییندەی كوردستان نەكەن، بەڵكو پیشبڕكێ لەسەر ئازادی بۆ گەلی جینۆسایدكراوی كوردستان لە ووڵاتێكی سەربەخۆدا بكەن. چونكا ئەگەر ئازادی ڕادەربڕین هەبوو هەر جۆرە سیستەمێك بێتە سەر كار، ئەركی سەرەكی و ڕاستەوخۆ باشتركردنی ئابووری ووڵات و ئیدارەدانی دادوەرانە و دابینكردنی پێداویستیەكانی ڕۆژانەی خەڵك دەبێت. وەك نموونە ووڵاتانی خەلیج و ئیسرائیل كە بڕێك زیاتر لەدەوروبەریان ئازادی ڕادەربڕینیان تێدا بەرجەستەیە.

تكا لە لاوان و ڕۆشنبیرانی كوردستان دەكەین ; لەداخی خراپ بەڕێوەبردنی حزبەكان لەڕابردوودا و مللملانێی بەردەوامیان لەگەڵ یەكتر، لە سەربەخۆبوونی ووڵات و ئازادی مرۆڤەكانی ڕا نەكەن و لوتی لێ با نەدەن.

دڵنیابن سەربەخۆیی كوردستان واتا ئازادی ڕادەربرین و دادوەری لەبەڕێوەبردنی ، حوكمی یاسا و ڕێسا كە خەونی گەورە و بچوكمانە و (كەمتر لەگەڵ عەنتەریاتی حزبەكان یەك دێتەوە)
بۆیە پێویستە هەموومان بەبێ دوو دڵی بڵێین:
بەڵێ بۆ ئازادی
بەڵێ بۆ باش ڕێكخستنی ئابووری
بەڵێ بۆ خۆبەڕێوەبردن بە دادوەرانە

هەر شاد و شكۆمەند بن
براتان
خالید ئاسنگەر
لەندەن، ١٦ جونی  ٢٠١٧

 

 

Bread or Freedom?

by Minoo Masani

Economic prosperity goes hand-in-hand with freedom. We needn’t pick one or the other.

“Is it better to have elections now or a stable economy?” we are asked these days.

When some of us joined Jawaharlal Nehru, Vallabhbhai Patel and B. R. Ambedkar in framing the Constitution of the Republic, we thought we had answered that question by enacting a Constitution which assured both elections and economic stability. In fact, we enjoyed both for twenty-five years from 26th January 1950 when our Republic was established.

Now, stability is not necessarily a good thing. Stability can be good or bad–it can be at a high level of freedom or a low level of slavery. It can be the stability of prosperity or the stability of poverty. So what is obviously wanted is economic progress and prosperity along with stability.

It is not a new question that is being put to us. The Communists and Fascists have posed this question for a long time to justify their dictatorship. ‘Do you want bread or freedom?’ is the way Stalin, then Hitler and then Mao posed this question.

Lenin and Trotsky said to the Russian people: “Just endure our dictatorship for ten years, put up with all the hardships, tighten your belts, and then what will happen? The millennium will arise. The State will wither away; the land will flow with milk and honey.” That was the dream of Lenin and Trotsky: Today we are fifty-five years away from the time when Lenin and Trotsky asked for a few years’ sacrifice so that a beautiful future would emerge. But the Russian people do not find the State withering away. Today in Moscow people are still without homes; today they are getting by without enough clothes; the bread queues in Moscow in recent years have often been longer than they have been any time since the Revolution.

Ask a man: ‘Do you want a bed to sleep on or a table to eat on?’ Being simple enough not to see the antithesis between bed and table, he will say ‘both’. Ask a woman whether she wants a choli or a sari, and she too will say: “Why, of course, both”. Ask a man whether he wants a home or an office or shop and once again the answer will be: ‘But why must I choose? Naturally, I want both a place to live in and a place to work in.” Of course, our common man or woman would be right.

This choice that is offered between bread and freedom is an altogether false antithesis. There is no clash between bread and freedom or between elections and economic prosperity. On the contrary, by and large, they go together. If by bread is understood consumer goods in general, ask yourself which are the countries where ‘the consumer is king’, where his numerous daily wants and needs are met best, and the answer will be the United States of America, Canada, Australia, New Zealand, Switzerland, Sweden, West Germany, and, in our own continent, Japan and Israel. These are obviously the countries with functioning democracies, a free press, considerable dissent and periodic elections.

And which are the countries where there is the greatest poverty and privation for the man in the street, the greatest shortages and the worst quality of consumer goods? They are the Soviet Union and Communist China which do not have elections or the rule of law or a free press. So the record shows that countries that have elections have economic prosperity while countries that do not have elections have, by and large, people starving for the needs of life.

Now, need this be a matter for surprise? Is it not obvious that it is only men who can change their government from time to time whose needs have to be attended to, because if they are not met they will change their government? On the other hand, is there any earthly reason why a slave should be well fed or looked after? Prison and concentration camps are not places celebrated for the quality of their food or the style of their clothes or amenities in housing. This is obvious again, for the wretched slave who cannot change his government does not have to be looked after. He or she has no alternative–short of revolution–but to put up with starvation, lack of clothing and shelter and the needs of life. Those who built the Egyptian pyramids by slave labour died by the thousand in the process. Those who built Stalin’s forced labour canals died by the thousands on the job.

I had a hand in the drafting, from 1948 to 1950 of the Constitution of the Republic and I still think it is the best one the Indian people could give themselves. I was, however, early to see the dangers by which the Constitution was threatened. Speaking at a Seminar in Coonoor from October 20 to 27, 1968, I had observed: “Mrs. Indira Gandhi is reported to have said that Parliamentary Democracy in India is there for keeps and there is no danger of any kind of upset or military dictatorship. I hope she is right. As a democrat, I would like that to be true, but I can’t share her optimism. Neither on economic grounds nor non-economic grounds can we say that parliamentary democracy is secure in India. The prevailing disgust with the politician, good and bad alike, is a very real thing.” Those fears have, alas, now become grim facts.

My reply to the question which we started therefore is: “It is best to have both elections and economic progress. We want both Bread and Freedom. We want Bread in and through Freedom.

This piece originally appeared in the January 1977 issue of Freedom First, an Indian liberal magazine that was established in 1952 to spread the ideas of an open society, minimum government and individual liberty. It was selected for publication on Libertarianism.org by Indian Liberals.

IndianLiberals.in is an online library of all Indian liberal writings, lectures and other materials in English and other Indian regional languages. The material that has been collected so far contains liberal commentary dating from the early 19th century till the present. The portal shall help preserve an often unknown but very rich Indian liberal tradition and explain the relevance of the writings in today’s context.

https://www.libertarianism.org/publications/essays/bread-or-freedom

سه‌رچاوه‌ Asinger

درێژه‌ی بابه‌ت

به‌رنامه‌ی تایبه‌ت به‌ کۆچی به‌ڕێز نه‌وشیروان مسته‌فا ئه‌مین

asinger

 

له ناوبڕی کۆبوونه‌وه‌ی دیوانی گشتی کۆنگره‌ی نه‌ته‌وه‌ی کوردستان
به‌شداریمان کرد له‌ به‌رنامه‌ی تایبه‌ت به‌ کۆچی به‌ڕێز نه‌وشیروان مسته‌فا ئه‌مین
له‌ ئاماده‌کردنی به‌ڕێز هه‌ندرێن هه‌ورامی پێشکه‌شکاری ته‌له‌فزێۆنی ڕوناهی
بڕوکسل، 20 مه‌ی 2017

سه‌رچاوه‌ Asinger

درێژه‌ی بابه‌ت

بانگه‌واز بۆ ئاشتی و ئاسایش له‌ کوردستان

asinger

بانگه‌واز بۆ ئاشتی و ئاسایش له‌ کوردستان
له‌ مانگی ڕه‌مه‌زان که‌ قورئانی تێدا دابه‌زی بۆ هیدایه‌تدانی خه‌ڵک وه ڕوونکه‌ره‌وه له ڕێنمایی و لێک جیا کردنه‌وه‌ی هه‌ق له‌ نا هه‌ق
که‌س و کاری شه‌هیدان و جینۆساید کراوانی کوردستان
بۆ خۆلادان له‌ به‌ڵای تورکیا له‌ دوای داعش
ڕێگری کردن له‌ خوشک و برا فه‌یلی و یه‌زیدی و چین و توێژه‌کانی تری کوردستان که‌ ببن به‌ حه‌شدی شه‌عبی
ڕێکخستنه‌وه‌ی نێو ماڵی کورده‌واری
داوا له‌ هه‌موو حزبه‌کان به‌ تایبه‌تی پارتی، یه‌کیه‌تی و په‌که‌که ده‌که‌ین که به‌ زووترین کات ڕێکه‌وتنی مه‌یدانی بکه‌ن له‌ پێناو نه‌بوونه‌ هۆکار یا به‌شێک له‌ تاوانی دووباره‌ بوونه‌وه‌ی هه‌ڵه‌بجه، ئه‌نفال و شه‌نگاڵێکی تر
هاوڵاتیانی کوردستان به‌ جیاوازی بیر و ڕا و ئایین و ئینتمای حزبیان به‌ یه‌ک ڕیز و به‌یه‌ک نه‌فه‌س ڕوو به‌رووی دڕه‌نده‌ترین و مه‌ترسیدارترین گروپی تیرۆریستی له‌ دنیا بوونه‌وه‌ و تێکیان شکاند. به‌ پشتیوانی خوا له‌ مانگی ڕه‌مه‌زان بانگه‌وازی کۆتایی هاتنیان ده‌درێت به‌ گوێ‌ی جیهاندا. ئه‌رکی مرۆڤ دۆستی، ئایینی و ئه‌خلاقی هه‌موو لایه‌کمانه که‌ ڕێگری بکه‌ین له‌ سوپای تورکیا و هه‌ر هێزێکی ده‌ره‌کی تر له‌ ژێر ئالای ناتو یا مه‌زهه‌ب و ئایین و هه‌ر ناوێکی تر زات بکات کوردستان بکاته‌ مه‌یدانی جه‌نگ
به‌ ئه‌رکی ئه‌خلاقی و کوردایه‌تی یه‌کیه‌تی و پارتی ده‌زانین
١- هاوکاری بزووتنه‌وه‌ی گۆڕان بکه‌ن بۆ خۆڕێکخستنه‌وه له‌ دوای مه‌رگی ڕێکخه‌ری بزووتنه‌وه‌که‌یان
٢- هاوکار و پشتیوانی په‌که‌که‌ بکه‌ن بۆ ئه‌وه‌ی له‌ لیستی تیرۆر ده‌ربهێندرێ هه‌روه‌ک چۆن ناوی خۆیان ده‌رهێنا به‌ر له‌ چه‌ند ساڵێک
٣- گومانی تێدا نیه په‌که‌که‌ وه‌ک عاده‌ت و خوڕه‌وشتی خۆیان ده‌بێت برای ئاشتی و ته‌بایی بن و له‌ کوێ مه‌ترسی له‌سه‌ر کوردستان بێت له‌وێ ئاماده‌ بن
٤- باری له‌ هه‌موان قورستر ده‌که‌وێته‌ سه‌ر ئه‌ستۆی به‌رێز کاک مه‌سعود بارزانی که‌ ڕۆڵی شێخ مه‌حمود و قازی محه‌مه‌د به‌کردار ببینێت و هه‌موو تاکێکی کورد وه‌ک خوشک و برا و منداڵه‌کانی خۆی به‌پشتیوانی ڕیفڕاندۆم و سه‌ربه‌خۆ بوونی کوردستان بزانێت
به‌ هیوای ئایینده‌یه‌کی گه‌ش ، داوای لێبووردن و گه‌ردن ئازادی له‌ هه‌موولایه‌ک ده‌که‌ین به‌بۆنه‌ی هاتنی مانگی عیباده‌ت و به‌خشین و به‌خشنده‌یی
خوا نوێژ، عیباده‌ت و خێری هه‌موولایه‌کتان قبووڵ بکات
هه‌ر شاد و شکۆمه‌ند بن
براتان
خالید ئاسنگه‌ر
له‌نده‌ن، 25 مه‌یی 2017

سه‌رچاوه‌ Asinger

درێژه‌ی بابه‌ت

بانگه‌واز بۆ ئاشتی و ئاسایش له‌ کوردستان

asinger

بانگه‌واز بۆ ئاشتی و ئاسایش له‌ کوردستان

له‌ مانگی ڕه‌مه‌زان که‌ قورئانی تێدا دابه‌زی بۆ هیدایه‌تدانی خه‌ڵک وه ڕوونکه‌ره‌وه له ڕێنمایی و لێک جیا کردنه‌وه‌ی هه‌ق له‌ نا هه‌ق

که‌س و کاری شه‌هیدان و جینۆساید کراوانی کوردستان
بۆ خۆلادان له‌ به‌ڵای تورکیا له‌ دوای داعشڕێگری کردن له‌ خوشک و برا فه‌یلی و یه‌زیدی و چین و توێژه‌کانی تری کوردستان که‌ ببن به‌ حه‌شدی شه‌عبی
ڕێکخستنه‌وه‌ی نێو ماڵی کورده‌واری
داوا له‌ هه‌موو حزبه‌کان به‌ تایبه‌تی پارتی، یه‌کیه‌تی و په‌که‌که ده‌که‌ین که به‌ زووترین کات ڕێکه‌وتنی مه‌یدانی بکه‌ن له‌ پێناو نه‌بوونه‌ هۆکار یا به‌شێک له‌ تاوانی دووباره‌ بوونه‌وه‌ی هه‌ڵه‌بجه، ئه‌نفال و شه‌نگاڵێکی تر.

هاوڵاتیانی کوردستان به‌ جیاوازی بیر و ڕا و ئایین و ئینتمای حزبیان به‌ یه‌ک ڕیز و به‌یه‌ک نه‌فه‌س ڕوو به‌رووی دڕه‌نده‌ترین و مه‌ترسیدارترین گروپی تیرۆریستی له‌ دنیا بوونه‌وه‌ و تێکیان شکاند. به‌ پشتیوانی خوا له‌ مانگی ڕه‌مه‌زان بانگه‌وازی کۆتایی هاتنیان ده‌درێت به‌ گوێ‌ی جیهاندا. ئه‌رکی مرۆڤ دۆستی، ئایینی و ئه‌خلاقی هه‌موو لایه‌کمانه که‌ ڕێگری بکه‌ین له‌ سوپای تورکیا و هه‌ر هێزێکی ده‌ره‌کی تر له‌ ژێر ئالای ناتو یا مه‌زهه‌ب و ئایین و هه‌ر ناوێکی تر زات بکات کوردستان بکاته‌ مه‌یدانی جه‌نگ

به‌ ئه‌رکی ئه‌خلاقی و کوردایه‌تی یه‌کیه‌تی و پارتی ده‌زانین:

١- هاوکاری بزووتنه‌وه‌ی گۆڕان بکه‌ن بۆ خۆڕێکخستنه‌وه له‌ دوای مه‌رگی ڕێکخه‌ری بزووتنه‌وه‌که‌یان

٢- هاوکار و پشتیوانی په‌که‌که‌ بکه‌ن بۆ ئه‌وه‌ی له‌ لیستی تیرۆر ده‌ربهێندرێ هه‌روه‌ک چۆن ناوی خۆیان ده‌رهێنا به‌ر له‌ چه‌ند ساڵێک

٣- گومانی تێدا نیه په‌که‌که‌ وه‌ک عاده‌ت و خوڕه‌وشتی خۆیان ده‌بێت برای ئاشتی و ته‌بایی بن و له‌ کوێ مه‌ترسی له‌سه‌ر کوردستان بێت له‌وێ ئاماده‌ بن
٤- باری له‌ هه‌موان قورستر ده‌که‌وێته‌ سه‌ر ئه‌ستۆی به‌رێز کاک مه‌سعود بارزانی که‌ ڕۆڵی شێخ مه‌حمود و قازی محه‌مه‌د به‌کردار ببینێت و هه‌موو تاکێکی کورد وه‌ک خوشک و برا و منداڵه‌کانی خۆی به‌پشتیوانی ڕیفڕاندۆم و سه‌ربه‌خۆ بوونی کوردستان بزانێت.

به‌ هیوای ئایینده‌یه‌کی گه‌ش ، داوای لێبووردن و گه‌ردن ئازادی له‌ هه‌موولایه‌ک ده‌که‌ین به‌بۆنه‌ی هاتنی مانگی عیباده‌ت و به‌خشین و به‌خشنده‌یی. خوا نوێژ، عیباده‌ت و خێری هه‌موولایه‌کتان قبووڵ بکات.
هه‌ر شاد و شکۆمه‌ند بن
براتان
خالید ئاسنگه‌ر
له‌نده‌ن، 25 مه‌یی 2017

سه‌رچاوه‌ Asinger

درێژه‌ی بابه‌ت

له‌ ساڵڕۆژی ٢٤ – ٤ دوو شاهیدی بۆ مێژوو

asinger

                                                                                                       بۆ یادی ٢٤ -  ٤-  ٢٠١٧یه‌که‌م  ٢٤ – ٤ – ١٩٧٤  مه‌رگه‌ساتی به‌ کۆمه‌ڵی زانكۆی سلێمانی و خه‌ڵکی 

سڤیل له‌ قه‌ڵادزێ  

 

‌ له‌و ده‌میدا تازه‌ پێده‌گه‌یشتم، له‌ پۆلی ٣ی ناوه‌ندی بووم، وه‌ک ئێستام وه‌بیرم دێت، ئه‌وێ ڕۆژێ دوای نیوه‌ڕۆیان بووین. به‌یانیه‌که‌ی هه‌تاو و به‌هارێکی خه‌مڵیوو بوو، کش و ماتی تێکه‌ڵ به‌ بۆنی گژ و گیا و گوڵ و جریوه‌‌ی پاساری ببوو. ده‌ستم دایه‌ کتێبێک و چووم بۆ باخچه‌ی (مام ڕه‌حمان و حاجی مسته‌فای خدره‌ی) له‌ کانیه‌ شێخه‌ی له‌ نێوان گردی هه‌مزه‌ و گرده‌ چکۆلی (سه‌یده‌ غه‌ریبه)ی. له‌ گه‌رمه‌ی تێکۆشان بووم شتێک لای دابوو له‌ کاتژمێر ١٠ ، له‌ چاوتروکانێکدا ده‌نگێکی ته‌قینه‌وه‌یه‌کی زۆر به‌رز، شاری ژێره‌ و ژوور کرد، گڕ و دوکه‌ڵ به‌ری ئاسمانی گرت. به‌ڕاکردن به‌سه‌ر گرده‌ چکۆل ڕام کرد به‌ره‌و ماڵێ، به‌ به‌ر گردی هه‌ڵده‌گه‌ڕام‌، دوو ته‌یاره‌م بینی زۆر به‌نزمی له‌گه‌ڕانه‌وه‌ دابوون، ده‌نگیان هێنده‌ به‌رز بوو زه‌وی هه‌ڵده‌له‌رزاند. گه‌یشتمه‌وه‌ ماڵێ دیتم سوپاس بۆ خوا هه‌موو ئه‌ندامانی خێزانه‌که‌مان سه‌لامه‌تن. باوکم ووتی به‌ په‌له‌ بچۆ بزانه‌ چ قه‌وماوه‌ و خزم و که‌س و کار به‌ر نه‌که‌وتوون. به‌ڕاکردن گه‌یشتمه‌ سه‌ر کۆلانی گه‌رماوی تازه‌ (حاجی سه‌عید) دیتم لاشه‌یه‌کی زۆر خه‌ڵک له‌گه‌ڵ خۆڵ، خوێن و که‌لوپه‌لی دوکانه‌کان تێکه‌ڵاو ببوون. بۆنی بارووت و خوێن کاسی ده‌کردی، ترسێکی قووڵ باڵی به‌سه‌ر چۆڵ و هۆڵی ئه‌و ناوچه‌یه‌دا گرت بوو. گه‌ڕامه‌وه دوایه‌ گه‌یشتمه‌ مزگه‌وتی کاره‌با (شه‌هیدان) ده‌نگێکی زۆر به‌رز که‌متر نه‌بوو له ته‌قینه‌وه‌که‌ی پێشوو دنیایی هه‌ژاند، خۆم له‌گه‌ڵ زه‌وی ڕاکشاند. پاش که‌مێک سه‌رم به‌رز کرده‌وه دوو ته‌یاره‌ بینی زۆر به‌نزمی به‌سه‌ر که‌لاوه‌کانی شاریدا فڕکه‌یانه. جا نازانم بۆمبی تازه‌یان به‌ردایه‌وه وه‌یا هه‌ر ته‌نها ده‌نگیان کرده‌وه بۆ زیاتر ترس خستنه‌ نێو دڵی خه‌ڵکه‌ داماوه‌که‌. دوای ڕۆیشتنی ته‌یاره‌کان، به‌ره‌و حه‌وزی ئاو و تا‌ته‌ نوێژه‌کان چووم‌ به‌ چاوی خۆم بینیم کاک ئه‌حمه‌دی حاجی سابیری ، له‌سه‌ر عاره‌بانه‌ی‌ مام هۆمه‌ره‌ که‌ڕی حه‌مباڵ (خوا له‌ هه‌ر دوولایان خۆش بێت)، کۆمه‌ڵیک پارچه‌ گۆشتی که‌له‌ و پارچه‌ی به‌ده‌ستی خۆی دایده‌گرتن و پارچه‌ به‌‌ پارچه‌ ده‌یشووشتنه‌وه و به‌ خاوێنی له‌سه‌ر تاته‌ نوێژه‌که‌ی داده‌نا. له‌و لاتر بینیم کاک قوبادی کاک حه‌سه‌نی حاجی مه‌حمودی که‌ دوو پۆل له‌ پێش من بوو، جوانترین و قۆزترین لاوی ئه‌و ده‌می بوو، لایه‌ک له‌سه‌ری ڕۆیشت بوو،‌ قژه ئاڵتوونیه‌که‌ی له‌ خوێندا شه‌ڵاڵ ببوو. به‌ تاساوی گه‌ڕامه‌وه‌ ماڵێ دیتم کاک قادرم ووڵاخێکی په‌یدا کردووه‌ و به‌ردی ده‌گوازێته‌وه بۆ سه‌ر قه‌برانی گرده‌ چکۆڵی، دایکم له‌ دووره‌وه‌ هه‌رای لێده‌کرد، کوڕم جارێک زوویه‌،په‌له‌ مه‌که‌ نه‌باده‌ فڕۆکه‌کان جارێکی دیکه‌ بێنه‌وه. به‌ڵام ئه‌و گوێی نه‌دایه‌ په‌له‌ی بوو بۆ ئه‌وه‌ی هێندێک له‌ شه‌هیدانه له‌وێ بنێژرێن. دوای چه‌ند کاتژمێرێک شار چۆڵ بوو، خه‌ڵکی گونده‌کان به‌ که‌ر و باری هاتن به‌شێک له‌ لاشه‌ی شه‌هیده‌کان کۆ بکه‌نه‌وه‌ و بیان نێژن. *

به‌داخه‌وه له‌ماوه‌ی چه‌ند چركه یه‌كدا زیاتر له  ٣٩٠  ژن ، منداڵ، خویندكار زانكۆ شه‌هید و بریندار بوون. شوێنی سه‌رۆكایه‌تی زانكۆ، به‌شی ناوخۆیی، خوێندنگاكان و ماڵه‌كانی ده‌وروبه‌ری ژێرا و ژوور کرد، وه‌ک كه‌لاوه و وێرانه‌ی به‌سه‌ر هات. دڵنیا نیم به‌ڵام باوه‌ڕ ناکه‌م تا ئێستا سه‌ر ژمێریه‌کی ته‌واو به‌ وێنه‌ و به‌ ناو له‌به‌ر ده‌ست دابێت. چونکه‌ خه‌ڵکێکی زۆر که‌ به‌برینداری گوازرابوونه‌وه‌ نه‌خۆشخانه‌کانی سه‌رده‌شت و شاره‌کانی تر، وه‌یا هه‌ڵات بوون بۆ گونده‌کان، له‌ ناو خڕ و دۆڵه‌کان گیانیان دابوو. وه‌چڕی دانیشتوان له‌و ده‌میدا بێ ئه‌ژمار بوو که‌س که‌سی نه‌ده‌ناسی. له‌ دوای بۆردومانه‌که‌ زیاتر که‌س و کاری زانکۆییان له‌ شاره‌کانی تری کوردستان به‌ هاواری  کوڕ، کچ و که‌س و کاریانه‌وه‌ ڕوویان له‌و شاره‌ وێران کراوه‌ کرد. به‌شێک له‌‌و شه‌هیدانه‌یان برده‌وه‌ بۆ سلێمانی و شوینه‌کانی تر که‌ لێ‌ی هات بوون، هه‌ر بۆیه‌ سه‌ر ژمێری ته‌واو باوه‌ڕ ناکه‌م تا ئێستا کۆکرابێته‌وه به‌ڵام زۆربه‌مان کۆکین له‌سه‌ر ئه‌وه‌ی که‌ ده‌وربه‌ری ١٤٠ که‌س شه‌هید بوون و زیاتر له‌٢٥٠  که‌س بریندار بوون. له‌ دوایدا ڕۆژ له‌ دوای ڕۆژ زیاتر شار چۆڵتر ده‌بوو. شه‌وانه‌ له‌به‌ر فانۆس و چرا له‌ ده‌م چۆم و خڕه‌کان له‌ ئه‌شکه‌وتان ژیانیان به‌سه‌ر ده‌برد. دکتۆر و ستافی خه‌سته‌خانه‌‌ی قه‌ڵادزێ له‌ ده‌م ئه‌شکه‌وتێک له‌ به‌رده‌م کانیه‌ مام قاسمه‌ی به‌شه‌و ده‌وامیان ده‌کرد. له‌ دوایدا تاک تاکه‌ دوکانی خواردن و که‌لوپه‌ل شه‌وانه‌ به‌ ترسه‌وه ده‌کرایه‌وه. زۆربه‌ی خه‌ڵکه‌که‌ی ڕوویان له‌ مه‌رزی کێلێ و به‌رده‌پانی و گونده‌کانی ده‌وربه‌ر کرد. جگه‌ له‌وه‌ی که‌ به‌شێکی تریان په‌رته‌وازه‌ی سلێمانی و شاره‌کانی تری کوردستان بوون. دوای ساڵێک له‌ ژیانی ده‌ربه‌ده‌ری ژێر خێوه‌تگاکانی قۆڵتێ، ڕه‌به‌ت، سه‌ر ئاوی گه‌رم، سریاس و جه‌هروم * دوای تێک چوونی شۆڕشی ئه‌یلول وورده‌ وورده‌ خه‌ڵکه‌که‌ گه‌رانه‌وه و به‌ نه‌بوونی و نه‌داری که‌لاوه‌کانیان هه‌ڵچنیه‌وه و جارێکی تر به‌ ڕووی ده‌یان مه‌ینه‌تی و ده‌رده‌ سه‌ری تر بوونه‌وه‌ هه‌تا ئێستا.‌‌

دووه‌م: ٢٤ –  ٤ – ١٩٨٢ ڕاپه‌ڕینه مه‌زنه‌كانی ساڵانی دواتر

٢٤ –  ٤ – ١٩٨٢ ده‌مه‌و چێشته‌نگاو بوو هێشتا هیچ باس نه‌بوو به‌ڵام خه‌ڵک له‌ چاوه‌ڕوانیدا بوون. ده‌مێک بوو لاقم شکابوو و له‌گه‌چ گیرابوو بۆیه به‌ دوو شه‌قه‌وه *‌‌ به‌ره‌ و لای سه‌را هه‌ڵکشام بزانم چ خه‌به‌ره. لامدایه‌ ئۆرزدیباک له‌ پشتی باغی دائیره‌‌ی. له‌وێ چاوم به‌ هاوڕێ‌ی به‌ڕێزم (کاک ئاراسی وه‌ستا زاهیری ڕه‌سم) که‌وت. به‌ دڵسۆزیه‌وه ووتی ئه‌وه‌ چ ده‌که‌ی لێره‌ به‌و بارو دۆخه‌وه؟ بڕۆ با بچینه‌وه لای مه‌یدانێ نه‌باده‌ شتێک ڕوودا! ئه‌تۆ ناتوانی ده‌رچی! ووتم سه‌بر بگره‌ با بزانین چ ڕوو ده‌دات. ووتی ئێستا هه‌رچی ئه‌من و ئیستخبارات هه‌یه‌ به‌ چه‌که‌وه‌ به‌ بازاڕیدا شۆڕ بوونه‌وه. هه‌ڵبه‌تا چه‌ندین ساڵ بوو به‌یانیانی ڕۆژانی هه‌ینی و جه‌ژنه‌کان و    ٢٤  – ٤  سه‌ر قه‌برانی قه‌ڵادزێ ببوو به سه‌یرانگای دایک و خوشکه‌ ڕه‌ش پۆشه‌کان.  به‌ڵام له ساڵڕۆژی ٢٤ – ٤ – ١٩٨٢ فۆڕمێکی نوێ‌ی به‌رخۆدانی شارستانی به‌خۆوه‌ بینی، به‌هۆی به‌ ئاگایی و یه‌کڕیزی خه‌ڵكی ناوچه‌كه، گه‌شه‌ کردنی ڕێکخستنی هه‌موو حزبه‌کان و بوونی بارهگاکانیهێزی پێشمه‌رگه و ‌سه‌ركردایه‌تی زۆربه‌ی حزبه‌كان له‌ بناره‌کانی پشده‌ر. هه‌ر بۆیه‌ قوتابی، خوێندكار و لاوه خوێن گه‌رمه‌كان زۆر سه‌رکه‌شانه‌ و بێ باکانه قوتابخانه‌کانیان به‌جێهێشت و به‌بێ جیاوازی بیر و ڕا به‌ یه‌کڕیز له ناو شاره وه به‌ره و گڵكۆی شه‌هیدان که‌وتنه‌ ڕێ. بۆ مێژوو ده‌یڵێم پێشتر پێشبینی ده‌ست ڕه‌شی ڕژێمم ده‌کرد بۆیه‌ پێم باشتر بوو له‌ نێو شار خۆنیشاندان ده‌ستی پێکردبا نه‌ک له‌ سه‌رقه‌بران. ئێمه واتا ڕێكخستن و هه‌وادارانی به‌ره‌ی جود هه‌موو كه‌س و كارمان له‌ناو ڕێپێوانه‌كه‌ی سه‌ر قه‌براندا بوون. به‌ڵام به‌ر له‌ په‌لاماردانی خۆنیشانده‌ران به‌ په‌له‌ چووم بۆ لای مزگه‌وتی کاره‌با (شه‌هیدان)) بۆ کۆکردنه‌وه‌ی خه‌ڵک. له‌و کاته‌دا ( خوالێی خۆش بێت کاک (برایمی محه‌مه‌دی ڕه‌سوی میرانی یه‌كیه‌تی) و کاک (فه‌رهاد حه‌‌وێز مام به‌کری قه‌ساب، فه‌ره‌یدوونی وه ستا مه‌حمودی به‌ناو و چه‌ند هاوڕێ یه‌کی تر له حزبی شیوعی) هاوكات له‌گه‌ڵ به‌نده‌دا ڕێپێوانمان له‌ ناو شاردا سازدا و گه‌یاندمان به‌ تروپک. له‌به‌ر‌ده‌می مزگه‌وتی كاره‌باوه ده‌ستمان به ووتاف كێشان کرد له‌ ماوه‌ی چاو تروکانێکدا خه‌ڵكێكی زۆرمان له‌ ده‌ور كۆبۆوه، وویستمان بچینه نێو بازاڕی. گه‌یشتینه‌ لای ماڵی خوا لێیان خۆش بێت (شێخ ڕه‌زا و میرزا دڵشاد)ی، ڕووبه‌ڕوی ته‌قه‌ی دۆشكه‌ی سه‌ر قه‌ڵات و  ئینزباته‌كانی سه‌ربازی ناو بازاڕ بووینه‌وه. ڕێپێوانی ‌ناو شار زۆر سه‌ركه‌وت بوو و ئامانجی پێکا، بووه هۆی كه‌م كردنه‌وه‌ی فشار له‌سه‌ر ئه‌و خه‌ڵکه‌ سڤیله‌ بێتاوانه‌ی که‌ له‌ سه‌رقه‌بران که‌وتنه‌ به‌ر ئاگر و ئاسنی ڕژێمی داگیرکه‌ری دڵ ڕه‌ش*  به‌ گوله‌ په‌رت و بڵاوه‌یان پێکرا و به‌شێک له‌لاوه‌کان گه‌یشت بوونه‌ به‌ری سه‌رکه‌پکان و بنه‌وشان.  خۆنیشاندانه‌که‌ی ناو شار بوو به‌ هۆی هه‌ستانه‌وه‌ی خه‌ڵكه په‌رته‌وازه‌که‌ی ده‌ره‌وه‌ی شار و گه‌ڕانه‌وه‌یان بۆ ناو شار.  هێنانه‌وه‌ی شه‌هیده‌کان ( مامۆستا سنه‌وبه‌ر و دایكه ئامینه) به‌ خاک سپاردیان له‌ ناو مزگه‌وتی کاره‌با به‌شێوه‌یه‌کی کاتی هه‌ر بۆیه‌ له‌دوایدا ناو نرا مزگه‌وتی شه‌هیدان . له‌ دوای به‌ خاک سپاردنی شه‌هیده‌كان هه‌موو خه‌ڵكی شاره‌كه بێ جیاوازی له ده‌ور و به‌ری ئه‌و مزگه‌وته كۆبوونه‌وه و مانیان گرت.  شاره‌كانی تریش ده‌نگی خۆ‌یان خسته‌ پاڵ ده‌نگی خه‌ڵكی ڕاپه‌ڕیوی قه‌ڵادزێ. خوێندكار و لاوانی کورد له ‌زانکۆکانی هه‌ولێر، موسڵ و به‌غدا خوێندنیان جێهێشت و بوونه پێشه‌نگ. مانگرتن هه‌موو شاره‌كانی كوردستانی گرته‌وه‌ و  دوكان بازاڕ و خوێندنگا و دائیره‌كانیان جێ هێشت، ئاخرین شار شاری ڕانیه ده‌سته خوشكی قه‌ڵادزێ بوو مانی گرت و ده‌نگی خۆی خسته پاڵ ده‌نگی خه‌ڵكی ڕاپه‌ڕیووی كوردستان.

چۆك دادانی داگیركه‌ران بۆ ئیرادی گه‌ل و داوای گفتو گۆ

ڕژێم دڵی له‌رزی چۆكی دادا بۆ ئیراده‌ی گه‌ل،  په‌یوه‌ندیان به ڕیش سپی و پیاو ماقوڵانی شاره‌که وه كرد بۆ ئه‌وه‌ی له‌گه‌ڵ لیژنه‌ی سه‌ر‌په‌رشتكاری مانگرتنه‌كه به‌ واتایه‌کی تر به‌ناڕاسته‌وخۆ له‌گه‌ڵ نوێنه‌ری حزبه‌كان گفت و گۆ بكات. زۆر باشم له بیره به ئه‌مانه‌ته‌وه ده‌ڵێم كه كۆمیسێۆنی پیاو ماقوڵان ( مامۆستای ده‌ڵگه‌یی، حه‌مه‌ی كانه‌بی ئاغا ، ڕه‌سوی حه‌سه‌نی سێمان ئاغا و چه‌ند كه‌سێكی تر بوون) . نوێنه‌ری سه‌‌رپه‌رشتكاری مانگرتن و ڕێپێوانیش (كاك ئه‌مینی مام  قادری، خوالێ‌ی خۆشبێت مامۆستا مه‌حه‌مه‌د سوڵتان له‌ یه‌كیه‌تی)، (خوا لێ‌ی خۆش بێت مامۆستا حه‌سه‌نی مه‌لای فه‌قێ ڕه‌سوڵ له پارتی) و (به‌نده‌ له‌بری سۆسیالیست و شیوعیه‌کان)*

داواكاریه‌كانی ئێمه‌ له‌و كاتی :

١- ئازاد کردنی زیندانیانی ڕێپێوانه‌که* و هه‌موو زیندانیه سیاسیه‌كانی كوردستان

٢- گێرانه‌وه‌ی گونده‌ ڕاگوێزراوه‌کان بۆ شوێنی خۆیان

٣- ڕێگادان به ئازادی و به ڕێپێوان شه‌هیده‌كانمان به‌رین بۆ سه‌ر قه‌بران

له‌ دوایدا به‌ر پرسانی حکومه‌ت له‌ ناوچه‌که‌ له‌ ڕێگای ڕیش سپیه‌کان وه‌ڵامیان داینه‌وه، ووتیان سنووری پشده‌ر له‌ ژێر ده‌سته‌ڵاتی ئیداری ئێمه‌ دایه و ده‌توانین داواکاریه‌کانتان له‌و سنووره‌دا جێ به‌جێ بکه‌ین. به‌ڵام بۆ ئازاد کردنی زیندانیه سیاسیه‌کانی هه‌موو کوردستان و گێڕانه‌وه‌ی گونده‌کان ئه‌وه‌ ده‌بێت ئاگاداری ئه‌نجومه‌نی سه‌رکردایه‌تی شۆڕش بکه‌ین ئه‌وان ده‌سه‌ڵاتی بڕیار دانیان هه‌یه.

ئیراده‌ی گه‌ل سه‌ركه‌وت و ڕژێم هه‌ موو زیندانیه‌‌کانی قه‌ڵادزێ‌ی ئازاد کرد و ڕێگای‌دا به‌ ئازادی شه‌ هیده‌کانمان ببه‌ین بۆ سه‌ر قه‌‌بران.  ئه‌‌مه بووه هۆی شكاندی ته‌لیسمی ترس. به ڕژێمان نیشاندا كه ئێوه، ئه‌وه‌ نین كه ئێمه‌ چاوترس بکه‌ن. له‌وێ ساڵێوه یاده‌وه‌ری ٢٤ – ٤ بۆته هه‌وێنی خۆنیشاندان و ڕاپه‌ڕین.* ئه‌منیش وه‌ک عیباده‌ت کردوومه‌ته‌ ئه‌رکی سه‌ر شانی خۆم ئه‌گه‌ر به‌ ته‌نهاش بێت هه‌ر ده‌یکه‌مه‌وه، وه‌ک ڕه‌مزی ڕووبه‌روو بوونه‌وه‌ی سته‌م و داکۆکیکردن له‌ که‌س و کاری شه‌هیدان و قوربانیانی ئه‌و شاره‌ و هه‌موو کوردستان.

هه‌ر شاد و شکۆداربن

خالید ئاسنگه‌ر

له‌نده‌ن، ١٦ ی نیسانی ٢٠١٧

—————————————————————————————————————–

* دوای ئه وه‌ی حکومه‌تی عێراقی له پێش ماوه‌ی دیاری کراو له ڕێکه‌وتنی ١١ ئازار پاش گه‌ز بوونه‌وه. كورد به‌ تێکڕایی و به‌بێ جیاوازی دایانه پاڵ شۆڕش و به‌ره و ناوچه ئازاده‌كان و باره‌گاکانی پێشمه‌رگایه‌تی هه‌ڵكشانه سه‌ره‌وه. قه‌ڵادزێ له‌و ده‌میدا یه كێك بوو له و شاره ئازاد كراوان كه شۆڕش  بڕیاری دا بوو بکرێته ناوه‌ندی دامه‌‌زراوه مه‌ده‌نیه‌كان كه له ( ١٩٧٠ – ١٩٧٤) له كوردستان گه‌شه‌یان كرد بوو. له هه‌موویان گرنگ تر زانكۆی سلێمانی بوو بڕیار درا که‌ له‌ قه‌ڵادزێ درێژه‌ به‌ زانست و په‌روه‌رده‌ بدات. به‌داخه‌وه ڕژێمی داگیركه‌ره‌‌كان زانست و ڕووناکیان به ‌ڕه‌وای كورد نا‌زانن، هه‌ر بۆیه به‌ر له‌وه‌ی زانكۆییان به‌ ته‌واوی ده‌ست به‌خوێندن بكه‌ن به تازه‌ترین چه‌كی ئه‌و سه‌رده‌مه  كه سۆخۆی ٧ ڕوسی و جۆری  ته‌یاره‌ی شه‌رکه‌ری تازه‌ی تر به‌ ناپاڵمی قه‌ده‌غه كراوی نێو ده‌وڵه‌تی بۆردومانیان کرد.

له‌و باره‌وه‌ زۆرم نووسیووه‌ له‌ رۆژنامه‌و سایت و په‌یجه‌کان له‌وانه:

http://asinger.co/?p=95

*  ئێمه‌ کۆمه‌ڵێک قوتابی پۆلی ٣ی ناوه‌ندی بووین، دوای تاقیکردنه‌وه‌‌ی به‌ که‌لۆری له‌ گوندی بێوران، بردیانین بۆ ماله‌کانمان له‌ ئۆردوگای سه‌رئاوی گه‌رم له‌ نزیک شاری سه‌ر پێلی    زه‌هاو

* له‌ پایزی ١٩٨١ به‌رووداوی ته‌قینی به‌ردی کۆسه‌ره‌ی ئاسنگه‌ری لاقی ڕاستی باوکم، کاک قادر و من به‌ یه‌کجار شکا. چه‌ندین مانگ قاچم  له ‌گه‌چ دابوو تا ئه‌و ده‌میش هه‌ر به‌ دوو    شه‌قه‌ به‌ ڕێگادا ده‌رۆیشتم .

*  بۆ مێژوو به ئه‌مانه‌ته‌وه ده‌یڵێم ئه‌گه‌ر ڕێكخستنه‌كانی كۆمه‌ڵه به‌رنامه‌یه‌كیان هه‌بوو بێ حاشای لێ ناكرێت چوونکا ده‌ورێكی به‌رچاویان بینی. به‌ڵام به‌ره‌ی جود (پارتی، شیوعی،      سۆسیالیست و پاسۆک)  له ئه‌وانی كه‌متری نه‌كرد. من بۆ خۆم له‌وێ به‌شدار بووم  شاهیدی بۆ وویژدانم ده‌ده‌م

*  هه‌ڵبه‌ته من ئه‌و كات به‌رپرسی ڕێكخستنه‌كانی سۆسیالیست نه‌بووم به‌ڵام ڕێكخستنه‌كان ئه‌‌م شه‌ڕه‌فه یان به من به‌خشی سوپاسیان ده‌که‌م هه‌روه‌ها شیوعیه‌كان له‌وێ بوون به‌ڵام        له‌به‌ر باروزروفی ئاسایشی خۆیان كه‌سیان به ئاشكرا به‌شداری نه‌كرد، داوایان له‌ من کرد که‌ نوێنه‌رایه‌تیان ئه‌وانیش بکه‌م.

* ئه‌وه‌ی من ئاگام لێ یه‌تی، زیاتر له ٥٩ كچ و كوڕی خوێنكار كه‌وتنه زیندانی عه‌فله‌قیه‌كانه‌وه، یه‌ک له‌وان شه‌هید ڕزگاری برام بوو.

* ٢١ ساڵه‌ له‌ ئاواره‌یی یادی ٢٤ – ٤ م کردۆته ئه‌رکی سه‌ر شانم

سه‌رچاوه‌ Asinger

درێژه‌ی بابه‌ت

ساڵڕۆژی ٢٤ – ٤ له‌ له‌نده‌ن

asinger

24 - 04 - 2017

 

ساڵڕۆژی ٢٤ / ٤ بەبەشداری نوێنەری گەلانی جینۆساید كراوی جولەكە، ئەرمەنی، كۆنگۆ، بۆرمە، قەرەجەكانی به‌ریتانیا و ژمارەیەكی دیار لە چالاكوانانی شارستانی كوردی هەر چوار پارچە و لە بری وەزیری شەهیدان، بەڕێز كاك كاروان شەهید جەمال تاهیر / بەرپرسی نوێنەرایەتی حكومەتی هەرێم لە هۆڵی بۆنه‌کانی ئۆفیسی فیدڕاسێۆنی ئاشتی له لەندەن بەڕێوە چوو

 

لەبری كەس و كاری شەهیدانی قەڵادزێ و جینۆساید كراوانی كوردستان له‌ پێشوازی و خزمه‌تی یەكە بە یەكەی ئەو بەڕێزانە دابووم كە كار و خوێندنیان بەجێهێشت بوو بەشداریان كرد. زۆر سوپاسیان ده‌که‌م چونکا جارێكی تر هیوایەكی تریان بە كاری شارستانی و مرۆڤ دۆستی لە دەرەوەی بازنە و تۆڕەكانی پارتە سیاسیەكان بەخشی. جێگای خۆیەتی كە سوپاسی تایبەتی كاك كامەران نەورۆز بكەم كە چەندین، كیلۆمەتری بە نەخۆشی بڕی بوو و لە نوێنه‌رایه‌تی خه‌ڵکی قه‌ڵادزێ و هه‌ڵه‌بجه‌ و هه‌موو جینۆسایدكراوانی كوردستان داوای كاری هەڕەوەزی گەلانی جینۆساید كراوی كرد بۆ ڕاگرتنی جینۆساید و به‌سزا گه‌یاندنی تاوان باران

 

بەداخەوە ه‌‌ر دوو که‌ناڵی تەلەفزێۆنی (ڕوداو و ئێن ئاڕ تی) كە بە خوێنی شەهیدان و نەوتی كوڕدستان كاردەكەن و ڕۆژانەش پڕوپاگەندەی بێلایەنی و خەباتی شارستانی دەكەن بەڵام ئامادە نەبوون یادەكە بگوازنەوە ، لەگەڵ ئەوەی كە لە چەندین لاوە وادەیان لێوەرگیرا بوو

 

هەڵبەتە هیچ گله‌یی و گازنده‌مان له‌ هیچ کام له‌ که‌ناڵی تەلەفزێۆنی حزبەكان نیە چونكا خۆیان بە موڵكی میللەت و كەس و كاری شەهیدان نازانن. تایبه‌تن به‌ به‌رنامه‌ی حزبه‌که‌ی خۆیان که‌ دڵیان پێ خۆشه‌
هیوادارین بتوانین لەئاییندە، كاری هەرەوەزی گەلان  لەسەر خاكە سوتماككراوەكەمان و لەنێو قوربانیان و ڕزگاربوان لە جینۆساید لە كوردستان سازدەین

 

لەگەڵ ڕێز و سڵاوی براتان
خالید ئاسنگەر
لەندەن، ٢٠ / ٤ /  ٢٠١٧

سه‌رچاوه‌ Asinger

درێژه‌ی بابه‌ت

کۆڕه‌وی ١٩٩١ ڕیفڕاندۆم بوو

asinger

کۆڕه‌و ٣١-٣-١٩٩١.jpg - ٢

٣١ – ٣ – ١٩٩١ ئه‌و ڕۆژه‌ پڕشنگداره ‌بوو که‌ کورد به‌تێکڕا بڕیاریاندا ده‌ست له‌سه‌ر و ماڵی خۆی هه‌ڵده‌گرێ به‌‌ڵام جارێکی تر گه‌ڕانه‌وه‌ بۆ ژێر پۆستاڵی داگیرکه‌ران قبووڵ نه‌کات. ‌‌‌‌‌‌‌‌ هه‌رچه‌نده‌ بڕیاردانه‌که‌ زۆر به‌ ئازار و به‌سوێ بوو، زیاتر له‌ دوو ملیون کورد ده‌ستی له‌سه‌روه‌ت و سامانی خۆی هه‌ڵگرت و له‌ژێر لێزمه‌ی باران، به‌پێ خواسی، درشت و وورد ملی ڕیگایه‌کی نادیاریان گرته‌به‌ر

ئه‌وێ ڕۆژێ میلله‌ته‌که‌مان ئیراده‌ی ئه‌و بڕیاره‌ بوێره گشتگیریه‌‌ی له‌لا دروست بوو، بۆیه‌ فه‌رز کرا به‌سه‌ر ئه‌نجومه‌نی ئاسایشی نێو ده‌وڵه‌تیدا که‌ بڕیاری 688 ده‌ربکات بۆ پاراستنی کورد له‌ له‌به‌ین چوون له‌ سنوری هێڵی 36. که‌ ئه‌وه‌ش له‌ دوایدا ده‌رهاویشته‌ی زۆری تری به‌دوای خۆیدا هێنا، هه‌تا گه‌یشتین به‌ ئه‌مڕۆ

به‌ڵگه‌ نه‌ویسته‌ هه‌ر کاتێک، له‌ هه‌ر شوێنێک، هه‌ر میلله‌تێک تاکه‌کانی به‌رژه‌وه‌ندی خۆیان له‌به‌رژه‌وه‌ندی گشتیدا به‌دی کردبێ واقعێکیان خوڵقاندووه‌ که‌ وه‌ک ئه‌مری واقع خۆی فه‌رز کردووه به‌سه‌ر ده‌وروپشت و دنیادا که‌ هه‌موو ئه‌و مافانه‌ی که‌ له‌ به‌نده‌کانی جاڕنامه‌ی جیهانی بۆ مافه‌کانی مرۆڤ ڕاگه‌یه‌ندراون پێویسته‌ به‌ڕه‌وای ئه‌وانیش بزاندرێ

ئه‌ی ئه‌وانه‌ی که‌ هه‌تا ئێستا وویژدانتان به‌ هۆی ماڵی دنیا، پۆست و ده‌سڵات له‌ ده‌ست نه‌داوه ، شه‌رمه‌ چیتر به‌خۆمان بڵیین مرۆڤ ئه‌گه‌ر له‌سه‌ر فۆڕمێک ڕێک نه‌که‌وین که‌ شه‌ڕه‌ف، ناموس و که‌ڕامه‌تی هه‌موانمانی به‌دادوه‌رانه‌ تێدا پارێزراو بێت

سڵاو له‌گیانی پاکی ئه‌و خۆنه‌ویستانه‌ی که‌ سه‌ر و ماڵیان به‌خشی له‌ پێناوی سه‌رخستنی به‌رژه‌وه‌ندی گشتی به‌سه‌ر به‌رژه‌وه‌ندی تایبه‌تی
——————————————————————————
تێبینی: به‌سوپاسه‌وه‌ وێنه‌کان له‌ تۆڕی ئینته‌رنێت وه‌رگیراون، هه‌روه‌ها پێویسته‌ سوپاسی ئه‌و نه‌به‌ردانه‌ش بکه‌م

یه‌که‌م: له‌ خه‌بات ١ – ٤ به‌ ڕۆژی کۆڕه‌و هه‌ژمار ده‌کرێت چونکا کۆمه‌ڵێک له‌لاوی خۆبه‌خش و خۆنه‌ویستی (قه‌ڵادزێ و سه‌نگه‌سه‌ر) ڕۆژێک دوای گیرانی هه‌ولێر به‌ نابه‌دڵی له‌ ئاسکی که‌ڵه‌ک کشانه‌وه بۆ مه‌سیف سه‌لاحه‌دین
دووه‌م: له‌دوای چؤلکردنی خه‌بات له‌ مه‌سیف پێشمه‌رگه‌ به‌بێ جیاوازی سه‌نگه‌ری به‌رگریان توند کرد، جێگای ده‌ست خۆشیه‌ توانیمان له‌ نێو خه‌ڵکی حاجیاوای سه‌ربه‌رزه‌وه‌ نان و خۆراکیان پێ بگه‌یه‌نین
سێهه‌م: له‌ هیزۆپ، کۆڕێ و ئه‌زمڕ پێشمه‌رگه‌کانی به‌ره‌ی کوردستانی به‌یه‌کڕیز ڕێگریان کرد له‌ گه‌ڕانه‌وه‌ی سوپا و حکومه‌تی عیراق
چواره‌م: قۆناغی هێرشی پێچه‌وانه‌ له‌ زنجیره‌ چیای هه‌یبه‌ سوڵتان به‌ خوێنی ده‌یان لاوی کورد تۆمار کرا
پێنجه‌م: مێر منداڵ و لاوه‌کانی سلێمانی له‌ ڕزگاری و هه‌ولێر له‌ شێخ ئاڵا قڕیان له‌ جاسوس و سیخوڕه‌کانی به‌عس خست و ناچاریان کردن بکشێنه‌وه بۆ ئه‌و ئه‌ولاتر له‌ هێڵێ 36

به‌ هیوای ئایینده‌یه‌کی گه‌ش بۆ هه‌موان
براتان
خالید ئاسنگه‌ر
له‌نده‌ن ، ١ – ٤ – ٢٠١٧

سه‌رچاوه‌ Asinger

درێژه‌ی بابه‌ت