ئه‌م عاده‌تانه‌ ژیانی هاوسه‌رگیری تێك ده‌دات

هێمن ئه‌حمه‌د

كاتێ كه‌ باسی په‌یوه‌ندی باشی هاوسه‌رگییری ده‌كه‌ین ، واتا پاراستنی په‌یوه‌ندی نێوانیان و به‌سه‌ر بردنی ژیانێكی پڕ له‌ دڵخۆشی و كامه‌رانی پێكه‌وه‌.
به‌ڵام له‌لایه‌كی تره‌وه‌ هه‌ندێ ڕه‌فتار وعاده‌تی خراپ هه‌ن كاریگه‌ری خراپ له‌سه‌ر په‌یوه‌ندی و ژیانی هاوسه‌رگیری دروست ده‌كات كه‌ پێویسته‌ ژن و مێرده‌كان لێی دوور بكه‌ونه‌وه‌ ، له‌وانه‌:
_ پشت به‌ستن به‌ ته‌كنه‌لۆجیا : یه‌كێك له‌ كێشه‌كانی ئێستای نێوان هاوسه‌ره‌كان بریتیه‌ له‌ سه‌رقاڵ بون و به‌سه‌ر بردنی كاتێكی زۆر به‌ ئامێره‌كانی وه‌كو مۆبایل و كۆمپیوته‌ر و…له‌ جیاتی ئه‌وه‌ ئه‌و كاتانه‌ له‌گه‌ڵ یه‌كتری به‌سه‌ر ببه‌ن و گفتوگۆی خۆشه‌ویستانه‌ ئه‌نجام بده‌ن . بۆیه‌ ئاگادار بن ئه‌م ئامێرانه‌ ژیانی هاوسه‌ره‌كان له‌ ناو ده‌بات و خۆشه‌ویستیش كه‌م ده‌كاته‌وه‌ ، هه‌ول بده‌ن كه‌م به‌كاری بێنن .
_ نازانن چۆن په‌یوه‌ندی و گفتوگۆ له‌گه‌ڵ یه‌كتری ئه‌نجام بده‌ن به‌ڵكو توانای ئه‌وه‌یان نیه‌ كێشه‌و ناخۆشیه‌كانی نێوانیشیان چاره‌سه‌ر بكه‌ن ، دیاره‌ هۆكاری سه‌ره‌كی ئه‌مه‌ش به‌هۆی بڵاوبونه‌وه‌ی ئه‌م بواری ته‌كنه‌لۆجیاو پێشه‌كه‌وتنی ئامێره‌كانه‌ له‌ ماڵ ، كه‌ كه‌س شت ناخوێنێته‌وه‌ یان خۆی زیره‌ك و لێهاتوو بكات له‌م بوارانه‌دا .
_ هه‌میشه‌ به‌ دوای باشترین و نوێترین ده‌گه‌رێی : ئافره‌ت و پیاو له‌ ژیانی هاوسه‌رگیری دا زیاتر ده‌بێ ته‌ركیزیان له‌سه‌ر كێشه‌ و چاره‌سه‌ریه‌كانی بن ، نه‌وه‌كو هه‌میشه‌ بیانه‌وێ به‌ شێوه‌یه‌كی ئاماده‌ كه‌سی به‌رامبه‌ری ببێته‌ باشترین و كه‌سێكی بێ هیچ كه‌م كوڕیه‌ك ، چونكه‌ به‌مه‌ كه‌سانێكی له‌ خۆیایی و ڕۆح گه‌وره‌یان لێ ده‌رده‌چێ .
_ بڕیاردانی ژیانی كه‌سانی تر له‌ بینینی وێنه‌ی سه‌ر فێیسبووك و ئیستاگرام : پێویسته‌ واز له‌م ڕه‌فتاره‌ بهێنی ، چونكه‌ مه‌رج نیه‌ ئه‌و وێنانی سه‌ر ئه‌م لاپه‌ڕانه‌ ڕووی راسته‌قینه‌ی هاوسه‌ره‌كان بێت .

سه‌رچاوه‌ Rojana.Net

درێژه‌ی بابه‌ت

ئه‌م خواردنانه‌ پێش وه‌رزش ئه‌نجام دان بخۆ …بۆ ئه‌وه‌ی توانای وه‌رزش كردنت هه‌بێ

هێمن ئه‌حمه‌د

ئه‌گه‌ر ده‌ته‌وێ بچی بۆ هۆڵه‌كانی وه‌رزش بۆ دابه‌زینی هه‌ندێ كێش ، ئه‌وا پێویسته‌ پێش ئه‌و كات هه‌ندێ جۆری خواردن بخۆیت بۆ ئه‌وه‌ی وزه‌یه‌كی باشت بداتێ .
بۆ ئه‌م مه‌به‌سته‌ش پێگه‌ی بۆڵد سكای ئاماژه‌ به‌ هه‌ندێ جۆری خواردن كردوه‌ كه‌ دوورن له‌ چه‌وری و یارمه‌تی بوونی وزه‌یه‌كی باشی ده‌دات بۆ جه‌سته‌ له‌ پێش وه‌رزش كردن :
_ مۆز : ڕێژه‌یه‌كی زۆری له‌ كاربۆهیدرایت تێدایه‌ كه‌ وزه‌یه‌كی باش به‌ جه‌سته‌ ده‌دات ، هه‌روه‌ها ڕێژه‌ی پۆتاسیۆم له‌ جه‌سته‌ زیاد ده‌كات كه‌ پارێزگاری له‌ چاڵاكی ماسوڵكه‌و مێشك ده‌كات .
_ كافاین : یارمه‌تی توانه‌وه‌ی چه‌وری ده‌دات و هه‌روه‌ها له‌ توانای دا هه‌یه‌ ئه‌و سوته‌مه‌نیه‌ بتاوێنێته‌وه‌ كه‌ كه‌سه‌كان له‌ كاتی ڕاهێنان له‌ ده‌ستی ده‌ده‌ن .
_ نۆك: یه‌كێكه‌ له‌ ژه‌مه‌ سوكه‌كان پڕه‌ له‌ ڕۆتین و كاربۆهیدرایت ، وه‌ له‌ توانای دا هه‌یه‌ وزه‌یه‌كی زۆر به‌ جه‌سته‌ بدات ئه‌مه‌ش له‌به‌ر ئه‌وه‌ی ڕێژه‌یه‌كی زۆری له‌ كاربۆهیدایت و پڕۆتین و ڕیشاڵ تێدایه‌.

سه‌رچاوه‌ Rojana.Net

درێژه‌ی بابه‌ت

واسواسی و دوودڵی …هۆكار و نیشانه‌و چاره‌سه‌ریه‌كانی

هێمن ئه‌حمه‌د

واسواسی یه‌كێكه‌ له‌ نه‌خۆشیه‌ ده‌روونیه‌كان و زۆرێك له‌ خه‌ڵكی تووشی بوونه‌ به‌ جۆڕێك كه‌سه‌كه‌ تووشی ڕه‌فتار و كاردانه‌وه‌ی جیاواز و سه‌یر ده‌بێ ، بۆ نمونه خاوێن كردنه‌وه‌ی شوێنه‌ بڵنده‌كان …
هۆكاره‌كانی واسواسی …
له‌گه‌ڵ ئه‌وه‌ی هۆكاره‌كانی واس واسی دیارنیه‌و ناتوانی لێی تێبگه‌ی ، به‌ڵام لێكۆڵینه‌وه‌كان باسیان له‌ كۆمه‌لێك هۆكار كردوه‌ بۆ ئه‌م نه‌خۆشیه‌ ده‌روونیه‌ :
_ ئه‌نجامی ماندوبون و بێزاری و خه‌وی به‌رده‌وام .
_ گۆڕانگاری له‌ جۆری ئیش و كار ، بۆ نموونه‌ گۆڕینی شوێنی كار یاخوت گۆڕانكاری له‌ چۆنیه‌تی كار كردن .
_ كاریگه‌ری نه‌خۆشیه‌كی دیاری كراو .
_ مردنی كه‌سێكی نزیكی خانه‌واده‌ .
_ بوونی كێشه‌ و ناخۆشیه‌ له‌ قوتابخانه‌ یان شوێنی كار كردن .
_ نرس له‌ په‌یوه‌ندی سۆزداری یاخوت هاورێیه‌تی ، یانیش دوور كه‌وتنه‌وه‌ له‌ دروست كردنی په‌یوه‌ندی نوێ .

نیشانه‌كانی واسواسی :
_ ترس له‌ بوونی پیسی و به‌كتریا له‌ هه‌موو شوێنێك .
_ ترس له‌ زیان گه‌یاندن به‌ كه‌سانی دیكه‌ .
_ ترس له‌ ئه‌نجام دانی هه‌ڵه‌ .
_ ترس له‌ بیركردنه‌وه‌ و بیرۆكه‌ هه‌ڵه‌كان .
_ گومانی زۆر و هه‌میشه‌ دوپات كردنه‌وه‌ی كاره‌كان .
_ خۆشوشتن به‌به‌رده‌وامی و زۆر ده‌ست شووشتن .
_ ڕه‌ت كردنه‌وه‌ی ته‌وقه‌ كردن و ده‌ست لێدان له‌ ده‌رگاو په‌نجه‌ره‌كان .
_ پشكنینی به‌رده‌وامی قفلی ده‌رگاو غازه‌كان ، تا بزانتی قه‌پاته‌ یان كراوه‌یه‌ .
_ ڕێكخستنی كه‌ل و په‌ل و شته‌كان هه‌میشه‌ و به‌به‌رده‌وامی .
_ زۆر دوباره‌ كردنه‌وه‌ی وشه‌ و ده‌سته‌واژه‌كان .

چاره‌سه‌ری واس واسی :
_ چاره‌سه‌ی سلوكی ، فێركردنی ئه‌و كه‌سانه‌ی كه‌ ده‌ناڵێنن به‌ واس واسی به‌وه‌ی چۆن به‌ره‌نگاری ترس و دڵه‌ ڕاوكێ و قه‌له‌قی ده‌بنه‌وه‌ .
_ هه‌ندێ جۆر هه‌ندێ جۆری ده‌رمانیش له‌وانه‌یه‌ ببێته‌ چاره‌سه‌ر بۆ ئه‌م مه‌به‌سته‌ به‌لام ده‌بێ به‌ ڕاوێژی دكتۆر بێت .
_ چاره‌سه‌ری كاره‌بایی : ئه‌مه‌ بۆ ئه‌م حاله‌تانه‌یه‌ گه‌ ئه‌گه‌ر كه‌سه‌كه‌ نه‌ به‌ ده‌رمان و نه‌ به‌ چاره‌سه‌ری سلوكیش كێشه‌ی حه‌ل نه‌بوو .

سه‌رچاوه‌ Rojana.Net

درێژه‌ی بابه‌ت

چه‌ند ئامۆژگاریه‌ك بۆ پاش ڕه‌مه‌زان

هێمن ئه‌حمه‌د

مانگی ڕه‌مه‌زان یه‌كێكه‌ له‌و مانگانه‌ی كه‌ جۆری خواردن و سیسته‌می خواردن لای خه‌ڵكی ده‌گۆڕێ ، بۆیه‌ پسپۆڕان ئامۆژگاری خه‌ڵكی ده‌كه‌ن به‌ په‌یڕه‌و كردنی جۆره‌ سیسته‌مێكی دیاری كراو له‌ خواردن به‌ كۆتایی هاتنی ئه‌م مانگه‌ .
له‌لایه‌كی تره‌وه‌ دكتۆران به‌ خه‌ڵكی ڕاده‌گه‌یه‌نن كه‌ زیاده‌ ڕه‌وی نه‌كه‌ن له‌ خواردنی شیرینی پاش ڕه‌مه‌زان بۆ ئه‌وه‌ی گه‌ده‌ توشی هه‌وكردن و ئازار نه‌یه‌ت .
له‌ خواره‌وه‌ هه‌ندێ ئامۆژگاری زۆر ئاماژه‌ پێ ده‌كه‌ین كه‌ پێویسته‌ خه‌ڵكی پاش ڕه‌مه‌زان په‌یڕه‌ویان بكات :
_ گرنگی دان به‌ خواردنی ژه‌می به‌یانی سوك و ئاسان بۆ هه‌رس .
_ زۆر گرنگه‌ به‌ شێوه‌یه‌كی ته‌دریجی له‌ به‌یانیان ده‌ست بكرێت به‌ خواردن بۆ ئه‌وه‌ی ئامێری هه‌رس و گه‌ده‌ بتوانێ دوباره‌ ڕێڕه‌وی خۆی بگه‌ڕێنێته‌وه‌ .
_ زۆر نه‌خواردنه‌وه‌ی قاوه‌ بۆ ئه‌وه‌ گه‌ده‌ تووشی ترشان و سوتانه‌وه‌ نه‌یه‌ت .
_ خواردنی ژه‌می بچووك .
_ به‌رده‌وام بوون له‌سه‌ر خواردنی شۆربا و زه‌ڵاته‌.
_ ئه‌نجام دانی وه‌رزش ڕۆژانه‌ .
_ زۆر خواردنی زه‌نجه‌فل بۆ نه‌هێشتنی غازات و ترشانی گه‌ده‌ .
_ دابه‌ش كردنی ژه‌مه‌كان بۆ 5 تاكو 6 ژه‌می بچووك .

سه‌رچاوه‌ Rojana.Net

درێژه‌ی بابه‌ت

بۆ ئافره‌تان…… له‌م حاڵه‌تانه‌ به‌ گوێ ی هاوسه‌ره‌كه‌ت مه‌كه‌

هێمن ئه‌حمه‌د

ژیانی هاوسه‌رگیری و خێزانی ته‌ندروست وه‌كو بناغه‌یه‌كه‌ بۆ بوونی كۆمه‌ڵگه‌یه‌كی سه‌ركه‌وتوو و بێ كێشه‌ . وه‌ كاتێك كه‌ باسی په‌یوه‌ندی هاوسه‌رگیری سه‌ركه‌وتوو ده‌كه‌ین مه‌به‌ستمان له‌ تێگه‌یشتنی نێوان هاوسه‌ره‌كان و ڕۆحی هاوكاریكردنه‌ له‌ نێوانیان .
دیاره‌ به‌ گوێ كردنی هاوسه‌ر و گوێڕایه‌لی كارێكی زۆر باش و پێویستیشه‌، به‌ڵام له‌ هه‌ندێ حاڵه‌تدا نابێ به‌ هاوسه‌ره‌كه‌ت بڵێی ( به‌ڵێ):
_ من یان كه‌سو كاره‌كه‌ت : له‌م حاڵه‌ته‌دا نابێ به‌ گوێی پیاوه‌كه‌ت بكه‌ی به‌ڵكو هه‌وڵ بده‌ به‌ قسه‌ كردن و گفتوگۆ قه‌ناعه‌ت به‌ هاوسه‌ره‌كه‌ت بكه‌ی كه‌ هه‌ردوو لا بۆمن گرنگه‌و نابێ فه‌رامۆشیان بكه‌م .
_ كاتێ كه‌ حه‌زت به‌ په‌یوه‌ندی سۆزداری وسێكسی نه‌بوو ، ناتوانێ زۆری له‌ خۆت بكه‌ی بۆ ئه‌نجام دانی و به‌ گوێ كردنی هاوسه‌ره‌كه‌ت .
_ بڕیار ته‌نها لای منه‌ : زۆر گرنگه‌ هاوسه‌ره‌كان هه‌ماهه‌نگیان پێكه‌وه‌ هه‌بێ بۆ به‌ڕێ كردنی ژیان و جێ به‌ جێ كردنی كاره‌كانی ڕۆژانه‌ ، به‌ڵام بڕیار دانی تاك لایه‌نه‌ جێگای قبوڵ نیه‌ و ده‌بێ قسه‌ی له‌سه‌ر بكرێ .
_ واز له‌ هاوڕێكانت بێنه‌ : كاتێ پیاو ئه‌م قسه‌یه‌ به‌ خێزانه‌كه‌ی ده‌ڵێت ، به‌ڕاستی بڕیارێكی قوڕسه‌ بۆ ئافره‌ته‌كه‌و نابێ به‌ گوێی بكات .
_ واز له‌ هیواو ئاره‌زوو و خۆشیه‌كانی خۆت بێنه‌ : هه‌ر كه‌سه‌و هیواو حه‌ز و خۆشیه‌كی هه‌یه‌ ، بۆه‌ی كاتێ ئه‌م هیوایه‌تانه‌ كاریگه‌ری له‌سه‌ر كه‌سی به‌رامبه‌ر نابێت پێویست ناكات پیاو ته‌داخولی بكات و وا له‌ خێزانه‌كه‌ی بكات وازی لێ بێنێ .

سه‌رچاوه‌ Rojana.Net

درێژه‌ی بابه‌ت

ئاگاداری ئه‌م ڕه‌فتارانه‌ به‌ …هۆكاری له‌ناو بردنی گورچیله‌كانته‌

هێمن ئه‌حمه‌د

دیاره‌ گورچیله‌كان به‌ یه‌كێك له‌ ئه‌ندامه‌ گرنگه‌كانی جه‌سته‌ داده‌نرێت بۆ ته‌ندروستی و هه‌روه‌ها شوێنێكیشه‌ بۆ پاڵاوتنی خوێن ، وه‌ به‌رهه‌م هێنانی هۆڕمۆنه‌كان ، ميز دروست كردن و ڕزگاربوون له‌ ژه‌هر .
به‌ڵام ده‌بێ ئاگاداری ئه‌وه‌ بین كه‌ گورچیله‌كان هه‌ندێ جار تووشی ئه‌ستوربوون و له‌ ده‌ست دانی چاڵاكیه‌كانی خۆی ده‌بێت ، بێ ئه‌وه‌ی خاوه‌نه‌كه‌ی هه‌ستی پێ بكات .
بۆیه‌ نه‌خۆشیه‌كانی گورچیله‌ به‌ نه‌خۆشی بێ ده‌نگ ناسراون ، له‌به‌ر ئه‌وه‌ له‌ خواره‌وه‌ هه‌ندێ له‌و هۆكارانه‌ به‌ كورتی ئاماژه‌ پێ ده‌كه‌ین كه‌ زیان به‌ گورچیله‌كان ده‌گه‌یه‌نن :
_ زۆر خواردنی خوێ له‌ناو خواردنه‌كان .
_ نه‌خواردنه‌وه‌ی ڕێژه‌ی ته‌واوی ئاو .
_ دره‌نگ چوونه‌ ئاوده‌ست بۆ میز كردن .
_ كه‌می ڤیتامین و پێكهاته‌كانی جه‌سته‌ .
_ زۆر خواردنی شه‌كر .
_ كه‌م خه‌وتن .
_ زۆر خواردنه‌وه‌ی قاوه‌.
_ خواردنه‌وه‌ی مادده‌ كحولیه‌كان .
_ زۆر به‌كارهێنانی ده‌رمانه‌ هێوركه‌ره‌وه‌كان .

سه‌رچاوه‌ Rojana.Net

درێژه‌ی بابه‌ت

ئه‌گه‌ر هه‌فتانه‌ دوو جار ماسی بخۆیت چی ڕووده‌دات ؟

هێمن ئه‌حمه‌د

به‌ گوێره‌ی لێكۆڵینه‌وه‌یه‌كی نوێ كه‌ له‌ گۆڤاری (زی) هیندی بڵاوكرایته‌وه‌ ، باس له‌وه‌ ده‌كات پێویسته‌ هه‌فتانه‌ دوو جار ماسی بخورێت ئه‌ویش له‌به‌ر ئه‌وه‌ی زۆر ته‌ندروسته‌و وه‌ هه‌روه‌ها یارمه‌تی كه‌م كردنه‌وه‌ی تووش بوون به‌ نیشانه‌ و ئازاره‌كانی هه‌وكردنی جومگه‌كان ده‌دات .
ئه‌نجامه‌كانی ئه‌م لێكۆڵینه‌وه‌یه‌ ئه‌وه‌ ده‌رده‌خه‌ن كه‌ ئه‌و كه‌سانه‌ی هه‌فتانه‌ دوو جار ماسیان خواردوه‌ دوور بوونه‌ له‌ تووش بوون به‌ هه‌وكردن و ئه‌ستور بوونی جومگه‌كان به‌به‌راورد له‌گه‌ڵ ئه‌وانه‌ی كه‌ ماسی ناخۆن .
وه‌ به‌ گوێره‌ی ڕاپۆرتێكیش كه‌ له‌ گۆڤاری (ده‌یلی مه‌یل ) بڵاوكرایته‌وه‌ ، ئه‌و كه‌سانه‌ی هه‌فتانه‌ دوو ژه‌میان بریتیه‌ له‌ ماسی كه‌متر تووشی هه‌وكردنی جومگه‌ی روماتویدی بووینه‌ .
له‌و جۆری ئه‌و ماسیانه‌ش كه‌ ڕێژه‌یه‌كی زۆری له‌ ئۆمێگا 3 تێدایه‌ بریتیه له‌ : ماسی سه‌له‌مۆن ، تونه‌ ، سه‌ردین …
به‌ڵام لێكۆڵینه‌وه‌كان ئاماژه‌ به‌وه‌ ده‌كه‌ن كه‌ سوور كردنه‌وه‌ی ماسی ڕێژه‌ی ئۆمێگا 3 له‌ناو ماسی كه‌متر ده‌كاته‌وه‌ .

سه‌رچاوه‌ Rojana.Net

درێژه‌ی بابه‌ت