سالار مەحمود: عەتا ئەحمەد كاریگەرییەكی زۆری لەسەر من و كەمال محەمەدو زۆربەی گۆرانیبێژەكان هەیە

jwtyar12@gmail.com (بەڕێوبەری ماڵپەڕ)

سالار مەحمود: عەتا ئەحمەد كاریگەرییەكی زۆری لەسەر من و كەمال محەمەدو زۆربەی گۆرانیبێژەكان هەیە

سالار مەحمود لەدایكبووی گەڕەكی (سەرشەقام)ی شاری سلێمانییە، خوێندنی سەرەتایی و قۆناغی ناوەندی لەو شارەدا تەواو كردووە. بەمنداڵی خولیای گۆرانیوتن و وەرزشی هەبووە، سەرەتا لاسایی گۆرانیبێژە ڕەسەنەكانی كردۆتەوە، سەرەتای كاری هونەری لەگەڵ تیپی زانكۆی سلێمانی بووە، هەر لە سەرەتاوە بەشێوازی پۆپی رۆژئاوایی گۆرانی گوتووە، یەكەم گۆرانی كە تۆماری كرد (قەت لۆمەم مەكەن یاران) بوو، لەگەڵ هونەرمەند كەمال محەمەد یەكەم كاسێتیان لەساڵی 1985 بڵاوكردەوە، ئەندامی تیپی مۆسیقای هاوناز بووە. ئیستاش بەردەوامە لەگۆرانیوتن. لەم دیمانەیەشدا وەڵامی چەند پرسیارێكی تایبەت بە ژیانی هونەری خۆی دەداتەوە.

 


دیمانە/ زیاد کەریم

* لە تەمەنی منداڵیدا چ گۆرانیەكت دەگوتەوەو كاریگەری دەنگی چ هونەرمەندێكی ڕەسەنت لەسەر بووە؟
– ئەو كاتەی منداڵ بووم ئەو گۆرانییانەی ئەو سەردەمە لەسەر شاشەی تەلەفزیۆنی كەركووك دەردەچوون، لاساییم دەكردەوەو بەیانی لەقوتابخانە دەمگوتنەوە.
* ئەی سەرەتای كاری هونەریت بۆ كەی دەگەڕێتەوە؟
– سەرەتای كاری هونەریم دەگەڕێتەوە بۆ سەرەتای هەشتاكان، لەگەڵ تیپی زانكۆی سلێمانی بە ستایلی پۆپی مۆسیقای ڕۆژئاوایی كە مامۆستایان هۆمەری دزەیی و قادر دیلان بە هەمان ستایل گۆرانییان دەوت، بەڵام بە شێوازێكی كوردی و جوان چڕیویانە.
* باسی ئەو ساتانەمان بۆ بكە كە یەكەم گۆرانیت تۆماركرد، لەگەل چ تیپێك بوو؟
– لەسەرەتای ساڵی 1983 تیپی (هاوناز) مان هەبوو، من و كاك كەمال و كاك میدیا، گۆرانیبێژی تیپی هاوناز بووین، لەگەڵ كۆمەڵێك برادەری خۆشەویست وەك كاك هێرش فەوزی و دلێر ئیبراهیم، لە زانكۆی سلێمانی كاسێتێكمان تۆماركرد، من دوو گۆرانیم وت، كاك كەمال و كاك میدیا چەند گۆرانییەكیان وت، من یەكەم گۆرانی كە وتم (قەت لۆمەم مەكەن یاران) بوو، ئەوەی لەگەڵ كاك كەمال وتوومەتەوە، دوای ئەوە من چوومە تیپی دەریا، لەو تیپە ساڵی 1984 دوو گۆرانیم وت، گۆرانی (ئەرێ هۆ لەیلی و لەپاش تۆوە) ئیتر كە ئەو دوو گۆرانییەم تۆمار كرد بۆ تەلەفزیۆن، منیان بەخەڵك ناساند.
* ساڵی 1985 لەگەڵ كاك كەمال كاسێتێكی گۆرانیتان بڵاوكردەوە، باسی ئەو ساتانەمان بۆ بكە؟
– ئەو گۆرانییانەی من و كاك كەمال ئاوازەكانی هی ئاوازدانەر (سالار سەلمانە)، تەنیا ئاوازێكیان هی كاك كەمال خۆیەتی كە لەساڵی 1985 بڵاومان كردەوە، گۆرانییەكانیش بریتین لە (شەوێكە و ئەمشەوی تر، عەرزوحالی ژین بەبێ خەم، ئۆف بریندارە، كۆتری سپی و یەك دوو گۆرانی تر هی كاك كەمال خۆی) كە توانیمان ئەو كاسێتە بۆ یەكەمجار لەشاری سلێمانی بڵاوبكەینەوە، بەناوی كەمال و سالارەوە. دەنگدانەوەیەكی باشی هەبوو، دەمێك بوو لەسەر ئەو ستایلە گۆرانی نەگوترابوو، هەرچەند پێشتر تیپی زانكۆی سلێمانی بەو ستایلە گۆرانییان گوتبوو، پاش چەند ساڵێك ئەوان بێدەنگ بوون، زیاتر گۆرانی رۆژهەڵاتی و میللی هەبوو ئەو كات، ئیتر كە ئێمە ئەو كاسێتەمان خستە بازاڕەوە، خەڵك زۆریان پێخۆش بوو، پێشوازییەكی باشی لێ كرا.
* باسی ستایلت كرد، تۆ پێشتر لەسەر ئەو ستایلە ئیشت كردبوو، یان كاك كەمال محەمەد؟
– رێزو خۆشەویستیم بۆ كەمال هەیە، لەبەر ئەوەی تەمەنێك بەیەكەوە بووین، بەڵام وابزانم ئەو ستایلە من دەستپێشخەریم كردووەو زۆر پێش كاك كەمال لەسەر ئەو ستایلە گۆرانیم گوتووە، واتە كاك كەمال لەگەڵ كاك میدیا گۆرانییان دەوت، ئێمە تیپی ڕۆژئاوایی بووین، لە بۆنەیەكدا ئەوان هاتن، لەو بۆنەكە گۆرانییان وت، ئەوان لەگەڵ تیپێكی ڕۆژهەڵاتیدا گۆرانییان وت، ئێمە تیپێكی رۆژئاوایی بووین، ئیتر یەكترمان ناسی و داوامان كرد كاك كەمال بێتە تیپەكەمانەوە، بەڵام بە میدیامان نەگوت.
*بۆ بە میدیاتان نەگوت؟
– چونكە دەنگی كاك میدیا زیاتر میللی و ڕۆژهەڵاتی بوو، بەڵام دەنگی كاك كەمال لەگەڵ شێوازی پۆپدا زۆر ڕێكدەكەوت و گونجاو بوو، پێمان خۆش بوو كە كاك كەمال لەگەڵ ئێمە بێت، بیرمە من و كاك هێرش فەوزی پێمان وت، ئەوە بوو هاتە تیپەكەمانەوە، پاش ساڵێك زیاتر كاك میدیاشی هێنا تیپەكەوە، ئیتر وەك باسم كرد تیپەكەمان ناونا هاوناز.
* پێوەندی تۆو هونەرمەندی كۆچكردوو كاروان عوسمان چۆن بوو؟ ئایا كاری هونەریتان بەیەكەوە كردووە؟
– هونەرمەندی كۆچكردوو كاروان عوسمان تەمەنی هونەری كەم بوو، سێ چوارساڵێ بوو، من لەگەڵ كاروان عوسمان هاوڕێیەتی و دانیشتمان هەبوو، بەڵام كاری هونەریمان پێكەوە نەبوو، چونكە ئەو لەتەمەنێكی زۆر كورتدا بەجێی هێشتین، فریای ئەوە نەكەوتین كە پێكەوە كارێكی هونەری بكەین.
* ئەی پێوەندی كاروان عوسمان لەگەڵ كەمال محەمەد چۆن بوو؟
– وابزانم كاسێتێكیان بەیەكەوە بڵاوكردەوە، چەند گۆرانییەكیان وت، كاروان هونەرمەندێكی بەتوانا بوو، وەك میوزیكژەن، ئاوازدانەر وخاوەن دەنگێكی خۆش بوو، بەداخەوە زوو بەجێی هێشتین.
*لەدوای لەسێداردانی هونەرمەند كاروان عوسمان، پێوەندیت لەگەڵ كەمال محەمەد بە چ ئاراستەیەك چوو؟
– كە دوو هونەرمەند دەبن بە هاوڕێی یەكتری، كۆمەڵێك ئیش دەكەن بەیەكەوە، مەرج نییە تاسەر بەیەكەوە بن، چونكە لەوانەیە یەكیان حەزبكا بەتەنیا گۆرانی بڵێ، یان حەزبكا لەگەڵ كەسێكی دیكەدا بێ، ئیتر شێوازەكە دەگۆڕێ، واتە هەتا هەتایە هەر بەیەكەوە نابن، خۆ لەپێش ئێمەشدا ئەو شتانە هەر هەبووە، هەتا سەر دوو كەس بەیەكەوە گۆرانییان نەوتووە، بۆ من و كاك كەمالیش هەمان شتە، ئێستا ئەو لە سوید دەژی، من لە سلێمانی دەژیم، پێوەندییەكان كەمتر بۆتەوە، ئەگەر بە سەفەرێكیش بێتەوە فریای ئەوە ناكەوین كاری هونەری بەیەكەوە بكەین، ئێستا ئیشەكانی من لەگەڵ كاك عەتایە.
* پێشتر تۆ و كەمال و عەتا وەك سێكوچكەیەك وابوون، هەمیشە بەیەكەوەبوون، بەیەكەوە كاری هونەریتان دەكرد، بەڵام كاتێك ئەو پێوەندییە لەنێوان تۆ و كەمال محەمەد دەپچڕێ، پێوەندی كەمال و عەتاش دەپچڕێ، ئێستا وەك سێ هونەرمەندی شاری سلێمانی بە پێوەندیەكی زۆر سارددا گوزەر دەكەن، قسە لەگەڵ یەك ناكەن، تەنیا تۆ و عەتا قسە لەگەڵ یەك دەكەن، هۆكاری ئەم دابڕانە چی بوو؟
_ كاك عەتا ئاوازدانەرە، تێكستی گۆرانی دەنووسێ، مۆسیقاژەنەو گۆرانیش دەڵێ، ئێستاش بۆتە گۆرانیبێژێكی رەسمی، ئیستا گۆرانییەكانی زیاتر بۆ خۆیەتی، بەپێی دەرفەت و ئارەزووی خۆی لەگەڵ منیشدا ئیش دەكات، بەنیسبەت كاك عەتاو كاك كەمالەوە، ئێستا پێوەندییان نەماوەو عەتا ئیشەكانی خۆی نادات بە كاك كەمال، ئەمەش هیچ پێوەندی بەمنەوە نییە.
* ئەی پێوەندی تۆ لەگەڵ كەمال محەمەد لەسەر چی تێكچوو؟
– ئێستا كاك كەمال لە سوید دەژی، منیش لە سلێمانیم، كارە هونەرییەكانی من لێرە ئەڕوا، نە من ئاوازدانەرێكی باشم، نە كاك كەمالیش ئاوازدانەرێكە بتوانێ بە بەردەوامی ئاواز دابنێ و یارمەتی منیش بدات، ئیشیش بۆخۆی بكا، ئەوەی ئیشەكانی ئێمە دەكا كاك عەتا ئەحمەدە.
* چەندین گۆرانیت لەلایەن كەمال محەمەدەوە وتراوەتەوە بێ ئەوەی كاردانەویەكت هەبێ و بێدەنگیت لێ نواندووە، بۆ بێدەنگ بوویت؟
– خۆی من هەر چ گۆرانییەكم وتبێت دوای من یەكسەر كەمال گوتوویەتیەوە، بەم دواییەش لە بەرنامەی شەقام، گۆرانی (دڵە با بەس بێ)ی گوت، بێ ئەوەی ئاماژە بەوە بكات، كە من لە ساڵی 1986 ئەو گۆرانییەم گوتووە، زۆر لەو گۆرانییانەی من كە كاك كەمال گوتوویەتیەوە، بە دەنگی كاك كەمال ڕۆیشتووە، كە لە سەرەتا من وتوومە، بەڵام لەگەڵ ئەوەشدا من هەرخۆشحاڵم، چونكە هونەرمەندێكی بەرزەو دەنگێكی خۆشی هەیە، دڵگران نیم كە كاك كەمال گۆرانییەكانی من دەڵێتەوە.

سه‌رچاوه‌ بەشەکانی هەواڵ

درێژه‌ی بابه‌ت

زیانەکانی خواردنی خێرا بۆ منداڵ

jwtyar12@gmail.com (بەڕێوبەری ماڵپەڕ)

زیانەکانی خواردنی خێرا بۆ منداڵ

خواردنە خێراکان لەم سەردەمەی ئێستادا بەشێوەیەکی یەکجار زۆر دەخورێت بەتایبەتی لەلایەن منداڵەوە، لەکاتێکدا یەکێکە لە خراپترین جۆری خواردنەکان بۆ تەندروستی مرۆڤ.

توێژینەوە پزیشکیەک نوێیەکان جەخت لە مەترسیەکانی خواردنی خێرا دەکەنەوە بۆ تەندروستی منداڵ، چونکە بڕێکی زۆر چەوری زیان بەخشی تێدایە کەدەبێتە هۆی لەناوبردنی خانە و خڕۆکەکانی لەش.

زیانەکانی خواردنی خێرا لەسەر تەندروستی منداڵ:

تووشبوون بە قەڵەوی و زیادبوونی کێشی، زیادبوونی ئەگەری تووشبوون بە نەخۆشیەکانی دڵ بەهۆی بەرزبوونەوەی کۆلیسترۆڵ، یان نەخۆشیەکانی شەکرە و هەندێک لە نەخۆشیەکانی دیکە قەڵەوی.

زیادبوونی ئەگەری تووشبوون بە تەنگەنەفەسی بەتایبەتی لەکاتی خەودا.

ئەگەری دروستبوونی بەردی زەرداوی تاڵ و تووشبوون بە نەخۆشیەکانی جگەر هەیە.

ڕۆڵی هەیە لە تووشبوون بە هەوکردنی ئێسک لەتەمەنێکی زۆر کەمدا.

بەهۆی زۆری چەوریەوە و بڵاوبوونەوەی بەناو لەشدا، دەمارەخانەکان تووشی گیران دەبن کە خوێن دەگوازنەوە بۆ دڵ و مێشک، ئەمەش ئەگەری زیادبوونی جەڵتەی دڵ و مێشک زیاد دەکات لەتەمەنێکی کەمدا.

بەهۆی زۆری بەکارهێنانی ڕێژەی خوێ زیانی هەیە بۆ گورچیلە، چونکە تەنها لە یەکەم ژەمی خواردنی خێرادا بڕی 1800ملیگرام خوێ هەیە، لەکاتێکدا منداڵ دەبێت لەڕۆژێکدا بڕی 1500 ملیگیرام خوێ وەربگرێت.

یەکێکی تر لە مەترسیەکان زیادبوونی ئەگەری تووشبوونە بە نەخۆشیەکانی شێرپەنجە، توێژینەوە پزیشکیەکانیش جەخت لەم بابەتە دەکەنەوە و هۆشداری دەدەن.

خواردنی خێرا دەبێتە هۆی لاوازکردنی ئامێری بەرگری لەش، چونکە ماددە بەسوودەکان هەڵدەمژێت.

توێژینەوەیەکی ئەمریکی پاش تاقیکردنەوەیەکی زانستی دەیسەلمێنێت کە خواردنی خێرا کاریگەری لەسەر مێشک هەیە و توانای زیرەکی و سەرنجی کەمدەکاتەوە و زیان بە تاقیکردنەوەکانی دەگەیەنێت بەهۆی بیرچوونەوە.

هەموو ئەمانە هۆشداریە بۆ دایکان و باوکان کە بەپێی توانا هەوڵبدەن منداڵەکانیان لە خواردنی خێرا دووربخەنەوە کە پێکهاتووە لە پیتزا و هەمبەرگر و فینگەر و جۆرەکانی.

سه‌رچاوه‌ بەشەکانی هەواڵ

درێژه‌ی بابه‌ت

دڵنیا ڕەزازی زیاتر لە 100 هەزار بینەری کۆکردەوە

jwtyar12@gmail.com (بەڕێوبەری ماڵپەڕ)

دڵنیا ڕەزازی زیاتر لە 100 هەزار بینەری کۆکردەوە

خانمە هونەرمەندی ناسراو دڵنیا ڕەزازی پاش دیارنەمانی بۆ ماوەیەکی زۆر لەنێو دنیای هونەری گۆرانی و  بڵاوکردنەوەی بەرهەمێکی نوێ بەناوی “کە شەو دادێت”، توانی سەرکەوتنێکی بەرچاو بەدەستدێنێت.


بەپێی زانیاریەکان ڤیدیۆ کلیپە نوێیەکی له‌ماوه‌ی ته‌نیا 10 رۆژ دا زیاتر له‌ 100 هه‌زار بینه‌ری هه‌بووه‌، له‌كورته‌ په‌یامێكیدا كه‌ له‌پێگه‌ی تایبه‌تی خۆی له‌تۆری كۆمه‌ڵایه‌تی ئینستاگرام بڵاویكردۆته‌وه‌ دڵنیا رایگه‌یاندووه‌ كلیپی” كه‌ شه‌و دادێت ” رێژه‌ی بینه‌رانی له‌پێگه‌ تایبه‌تیه‌كه‌ی له‌یوتیوب  100  هه‌زاری  بینه‌ی تێپه‌ر كردووه‌،
ئاشكرایه‌ ئه‌و رێژه‌یه‌ له‌هونه‌ری كوردیدا بۆ ماوه‌یه‌كی كورت به‌ ئاستێكی  به‌رز تۆمار ده‌كرێت.

لەئێستاشدا هونەرمەند دڵنیا ڕەزازی  کار بۆ  بەرهەمێکی نوێی  تری دەکات بە زاراوەی بادینی، کەلە  هۆنراوەی هونەرمەند” ناسری رەزازیە”.

 

سه‌رچاوه‌ بەشەکانی هەواڵ

درێژه‌ی بابه‌ت

كچه‌ هونه‌رمه‌ندێكى كورد نه‌شته‌رگه‌رى بۆ ده‌كرێت

jwtyar12@gmail.com (بەڕێوبەری ماڵپەڕ)

كچه‌ هونه‌رمه‌ندێكى كورد نه‌شته‌رگه‌رى بۆ ده‌كرێت

كچه‌ هونه‌رمه‌ند دڵسۆز ماوه‌تى ئاشكراى كرد ماوه‌ى چه‌ند  رۆێكه‌ دۆخى ته‌ندروستى جێگیر نییه‌ و به‌نیازه‌ نه‌شته‌رگه‌رى بكات.

 

 

دڵسۆز ماوه‌تى  له‌ رێگه‌ى  تۆڕى  كۆمه‌ڵایه‌تى فه‌یبووكى تایبه‌ت به‌  خۆى رایگه‌یاندووه‌ ” سڵاو هاورێیانم بمبورن به هۆى ئه‌وه‌ى بارى ته‌ندروستیم ته‌واو نیه به‌یانى نه‌شته‌رگه‌ریم بۆ ده‌كرێت له سلێمانى بۆ ماوه‌یه‌ك دوور ده‌كه‌ومه‌وه لێتان هیوادارم هه‌مووتان له‌ش ساخ بن”.

هه‌ر چه‌نده‌  دڵسۆز  ئاماژه‌ى به‌ هۆكار و جۆرى  نه‌شته‌رگه‌رییه‌كه‌ى  نه‌داوه‌، به‌ڵام دواى بڵاوكردنه‌وه‌ى هه‌واڵه‌كه‌ى هه‌وادارانى ئه‌و هونه‌رمه‌ندى هیواى ته‌ندروستییه‌كى باشى بۆ  ده‌خوازن  و هیوادارن نه‌شته‌رگه‌رییه‌كه‌ى سه‌ركه‌وت و بێت.

دڵسۆز ماوه‌تى  له‌دایكبووى ساڵى ١٩٨٥، به‌شدارى چه‌ندین فیلمى و دراماى  كۆمیدى كردووه‌، خاوه‌نى  چه‌ندین خه‌ڵاتە له‌ فێستیڤاڵه‌كانى ناوخۆدا،  دواین كارى هونه‌رى به‌شداریبوو له‌ فیلمى (مه‌مله‌كه‌تى مێروله‌كان).

سه‌رچاوه‌ بەشەکانی هەواڵ

درێژه‌ی بابه‌ت

بورجەکان.. بەختی ئەمڕۆت

jwtyar12@gmail.com (بەڕێوبەری ماڵپەڕ)

بورجەکان.. بەختی ئەمڕۆت

كاور 21/3 – 19/4

لەلاى هاوڕێکانت خوویەکى خراپ نیشاندەدەیت بەخۆ گەورە زانینت وە لەلایەکی تریشەوە پێویستە وردى کارەکانت بخەیتە سەر جێبەجێکردنى کارەکانتە تاوەکو نەکەویتە کێشەوە، دووچارى کۆمەڵێک گرفت و کێشە دەبیتەوە ئەوەش بەهۆى ئەوەى کە چەند زانیارییەک دەکەونە بەردەستت و دەبنە هۆى دروستبوونی دڵەڕاوکێ لەپەیوەندیتان، تەمەڵى بەتەواوى کۆنتڕۆڵت دەکات ئەوەش دەبێتە هۆى ئەوەی کە نەتوانیت کە وەرزش بکەیت بۆیە باشتر وایە کە زیاتر خرۆشیت هەبێت بۆ ئەنجامدانی وەرزش.

گا 20/4 – 20/5

لەمڕۆدا دووچاری هەلى نوێ دەبیتەوە بۆیە نابێت بەکەم بڕوانیتە ئەرکەکانت بەڵکو پێویستە خۆت لەپەلە کردن و هەڵچوون بەدووربگریت، ڕۆژێکى زۆر خۆش بەسەر دەبەیت لەڕووى سۆزدارییەوە کە دووچارى سوپڕایزێک دەبیتەوە، تۆ بەرپرسیاریت لە ناجێگیرى تەندروستیت بۆیە ئەگەر بەوردى بەخۆتدا بچیتەوە دەزانیت هۆکارەکەى چییە.

دووانە 21/5 – 21/6

جیاوازى نێوان دوێنێ و ئەمڕۆ تەنها بۆ ڕێژەى باشى ڕۆژەکە دەگەڕێتەوە و پێشڕەویش بۆ ئەو ڕۆژەیان دەبێت کە چارەسەرى تێدا بکرێت، هەموو بەردەستەکان ماناى ئەوە دەگەیەنن کە هاوژینەکەت لەبەر تۆ بەرگەى زۆر شتى گرتووە، کە ئەوەش دەبێتە هۆى ئەوەى کە زیاتر لەگەڵی بیت لەهەر کاتێکى تر، بڕیار دەدەیت لەگەڵ هاوژینەکەت بۆ گەشتکردن سەردانى یەکێک لەکەناراوەکان بدەیت و کۆمەڵێک گەشتى خۆش بەسەر دەبەن.

قرژاڵ 22/6 – 22/7

پێویستە هەڵسوکەوتت بگۆڕیت لەکاتى هەستکردنت بەمەترسی، پێویستە وریا بیت لەجەنگێکی کراوە کە لەوانەیە چاوەڕوانت بێت بەهۆى بوونى ڕۆژێکى گوماناوییە، نیشانەکانى غیرە کردن لەلاى هاوژینەکەت دروست دەبێت کە ئەوەش دەبێتە هۆى دڵخۆشى تۆ  و دڵنیا دەبیتەوە لەخۆشەویستى بۆت، بەڵام پێویستە بەهەمان شێوە هەڵسوکەوت بکەیت لەگەڵیدا، جۆرە وەرزشێکی سادە ئەنجامدەدەیت کە بۆ ماسولکەکانى دڵت زۆر بەسوودە.

شێر 23/7 – 22/8

بەهۆى خێراییتەوە تواناى بەڕێکردنى کارەکانت هەیە بەشێوەیەکی زۆر سەرکەوتوو و خێرا، کۆمەڵێک یادەوەرى لەگەڵ هاوژینەکەت کە لەئێستادا دەبنە مایەى پێکەنین و یادەوەرى خۆش، هەست بە دوودڵی دڵەڕاوکێى دەکەیت کە دەبێتە هۆى کەمکردنەوەى بارى تەندروستیت بۆیە باشتر وایە کە واز لەتووڕە بوونت بهێنیت بەسەر کەسانى تردا.

فەریك 23/8 – 22/9

یەکێک لەهاوێکانى پیشەکەت یارمەتى باشکردنى لایەنى داراییت دەدات، بەڵام پێویستە کۆمەڵێک مەرجی گونجاو ئامادە بکەیت تاوەکو پێشکەشى لایەنى پەیوەندیداریان بکەیت، چەند هەواڵێکى خۆشت پێدەگات کە ئەوەش یارمەتى باشبوونەوەى پەیوەندیت دەدات لەباشبوونەوەى پەیوەندیت لەگەڵ هاوژینەکەت بەو جۆرەى کە گونجاوە بۆتان، هەوڵدان بەدواى گرفت و کێشەکاندا دەبێتە هۆى ماندووبوونی دەروونت بۆیە باشتر وایە کە وریابیتەوە لەڕۆژانی داهاتوودا چونکە کۆمەڵێک سوپڕایز لەگەڵ خۆیان دەهێنن.

تەرازوو 23/9 – 22/10

لەمڕۆوە ئامادەباشى بۆ گەڕانەوەى متمانە بەخۆت بوونت دەکەیت هەروەها تواناى ڕووبەڕووبونەوە و کۆمەڵێک کاغەزى ونبوو دەگەڕێنیتەوە و دەگەیت بەچارەسەرى گونجاو، کەشوهەوایەکی زۆر باش دەورى خۆت و هاوژینەکەت دەدات لەهەموو لایەنێکەوە، ئەوەش دەبێتە هۆى کردنەوەى ڕێگا بەڕووى هەردووکتاندا بەرەو داهاتوویەکی باشتر، کەمتەرخەمی مەکە لەئەنجامدانى ئەو وەرزشانەى کە یارمەتى دەرن بۆ داەبەزینى کێش و چەورى لەشت.

دووپشك 23/ 10-21/11

بابەتێکى دارایى دێتە ئاراوە کە پەیوەستە بەکۆمەڵێک دەستکەوت کە پێشتر نەتزانیوە پێیان ئەوەش دەبێتە هۆى ئەوەى توڕە بوون و دروستکردنى گرفتا بۆت، لەگەڵ هاوژینەکەت بەشێوەیەکى دۆبلۆماتى هەڵسوکەوت بکە و هەوڵبدە کارەکان وەرگریت بەبێ تووڕە بوون و هیچ بوارێک بۆ گومان مەهێڵەرەوە، لەوانەیە دووچارى گرفتێکى تەندروستى بیتەوە بەڵام پسپۆڕەکان چارەسەرى گرفتەکان دەکەن.

كەوان 22/11 – 21/12

ئەو گرفت و ئاڵۆزیانە تێدەپەڕێنیت و بۆ هەموو لایەکى دەسەلمێنیت کە تۆ دەتوانیت داهێنان و بەرەوپێشچوون ئەنجامبدەیت، بیرۆکەکانت زۆر ڕوونن و تواناى بەدەستهێنانى ئەوەت هەیە کە دەتەوێت، بۆ گەیشتن بە دۆخێکى تەندروست تەنها ڕێنماییەکانى پسپۆڕەکان جێبەجێبکە.

گیسك 22/12 – 19/1

لەمڕۆدا داواى بڕێک پارەى زیاتر دەکەیت بەڵام ئەو داوایەت بۆ جێبەجێ ناکرێت کە ئەوەش دەبێتە هۆى بێزاربوونت، داواکارییەکانى هاوژینەکەت بێزارت دەکەن بەڵام دڵت نایەت بۆى جێبەجێ نەکەیت، بڕى زیاتر لە سەوزەمەنى دەخۆیت و خواردنى نان و گۆشت کەمتر دەکەیتەوە کە ئەوەش زۆر باشە بۆت.

سەتڵ 20/1 – 18/2

لەمڕۆدا کۆمەڵێک شتى نوێ تاقیدەکەیتەوە لەکارەکەتدا کە ئەوەش دەبێتە هۆى فێربوونت لەکۆمەڵێک شتى نوێ، هاوژینەکەت بەڕێز و پایەدارییەوە تەماشات دەکات بۆیە پێویستە تۆش بەهەمان شێوە تەماشاى بکەیت، پێویستە وەرزش ئەنجامبدەیت بەتایبەت دواى ئەو دۆخە تەندروستییەى کە تووشت بوو.

نەهەنگ 19/2 – 20/3

خاوبوونەوە لەبەڕێوەبردنى هەندێک کاردا دەکەیت بەهۆى پارێزگاریکردن لەپۆستەکەت یان بەرەوپێشبردنى کارێک ئەنجامدەدەیت، هیچ کارێک ئەنجامبدەن کە لەوانەیە ببێتە هۆى خراپى بۆ هاوژینەکەت چونکە ئەو زۆر هەستیارە و بەرگەى گومان ناگرێت لەنیازەکانى، پێویستە زۆر خواردنت بۆ خواردنە بەتامەکان کەمبکەیتەوە ئەوەش بۆ پارێزگاریکردن لەتەندروستیت.

م.ح

سه‌رچاوه‌ بەشەکانی هەواڵ

درێژه‌ی بابه‌ت

چۆنیەتى ئامادەکردنى زەڵاتەى خەیار بەشێوازى یۆنانى

jwtyar12@gmail.com (بەڕێوبەری ماڵپەڕ)

چۆنیەتى ئامادەکردنى زەڵاتەى خەیار بەشێوازى یۆنانى

بەشێوەیەکى گشتى دەتوانرێت چەندەها جۆر زەڵاتە دروستبکرێت بەپێى ئارەزووى کەسەکان، لێرەدا باس لەچۆنیەتى دروستکردنى زەڵاتەى خەیار دەکەین بەشێوازى یۆنانى.

 

لەخوارەوە پێکهاتەکان و چۆنیەتى ئامادەکردنى ئەم جۆرە زەڵاتەیە دەخەینەروو.

پێداویستییەکان :

٢ دانە خەیار

١/٢ ى کوپێک ماست

١ کەوچکى گەورەى شەربەتى لیمۆ

٢ کەوچک سیرى لەتکراو

١ کەوچک بابریکاى شیرین”جۆرە تامێکە وەک بەهارات”

١ کەوچک خەردەل

١ پیازى سپى

خوێ و بیبەر

چۆنیەتى ئامادەکردن :

خەیارەکە پاک بکەن و پارچە پارچەى بکەن و ناوەکەى لابەرى و بیکەنە نێو قاپێکەوە.

پیازەکە بخەنە نێو تێکەڵکەرێکەوە یان تەماتە خۆشکەرێکەوە.

سیرەکە بشۆن و دواتر وشکى بکەنەوە.

ماستەکە تێکبدەن تاوەک ببێتە وەک کرێم.

پاشان هەموو پێکهاتەکانى وەک شەربەتى لیمۆ، خەردەلەکە، بابریکا، بیبەرى لەتکراوەکە و پیازە هاڕاوەکە تێکەڵبکەن.

تێکەڵەکەى سەرەوە لەدواى تێکدانى بەجوانى خوێ و بیبەرى تێبکەن.

دواتر تێکەڵەکە بکەنە سەر خەیارەکە و لەگەڵیدا تێکى بدەن.

لەکۆتاییدا بەسیرى لەتکراو بیڕازێننەوە.

م.ح

سه‌رچاوه‌ بەشەکانی هەواڵ

درێژه‌ی بابه‌ت

به‌ وێنه‌.. هاوسه‌رى هونه‌رمه‌نده‌ عه‌ره‌به‌كان ببینه‌

jwtyar12@gmail.com (بەڕێوبەری ماڵپەڕ)

به‌ وێنه‌.. هاوسه‌رى هونه‌رمه‌نده‌ عه‌ره‌به‌كان ببینه‌

هونه‌رمه‌ندان هه‌میشه‌  جێگه‌ى گرنگیپێدانن به‌تایبه‌تى ئه‌و ده‌ركه‌تنانه‌ى له‌گه‌ڵ هاوسه‌ر یاخود  منداڵه‌كانیان كه‌به‌رده‌وام ده‌بێته‌ جێگه‌ى  گرگیپێدانى هه‌وادار  و میدیاكان.
له‌  ماوه‌ى  رابردوو وێنه‌ى چه‌ند هونه‌رمه‌ندێكى عه‌ره‌بى بڵاوكرایه‌وه‌ كه‌ لاى هه‌وادار  و بینه‌رى تۆڕه‌  كۆمه‌ڵایه‌تیه‌كان جێگه‌ى بایه‌خن به‌ جۆرێك به‌شێك له‌وانه‌ى وێنه‌كانیان دیوه‌  پێیان  وایه‌  هاوسه‌رى به‌شێك  له‌ هونه‌رمه‌نده‌كان  هاوشێوه‌ى باڕبین.

  ئه‌وه‌ جگه‌ له‌وه‌ى هه‌وادارانى ئه‌و هونه‌رمه‌ندانه‌ پێیان وایه‌  كوڕه‌ هونه‌رمه‌نده‌كان به‌ شێوه‌یه‌كى گشتى  هاوسه‌ره‌كاینان  جوانترن ئه‌وه‌یش  له‌وانیه‌ هۆكارى به‌ ناوباگ بووینان بێت یاخود، حه‌ز كردنه‌ به‌ ده‌نگیان كه‌ ئه‌وه‌ش له‌وانه‌یه‌ به‌شێك بێت له‌ هۆكارى هاوسه‌رگیرى یان كه‌وتنه‌  داوى  خۆشه‌ویستى ئه‌و هونه‌رمه‌ندانه‌یه‌.

 

 

 

 

 

 

 

 

 

 

سه‌رچاوه‌ بەشەکانی هەواڵ

درێژه‌ی بابه‌ت