ده وله تی ئاکه په ده ستی کرد به پاکسازی گشتی له ده زگاکانی تورکیا

kdn@kurdaneku.com (kurdane-ku)

ده وله تی ئاکه په  ده ستی کرد به پاکسازی گشتی له ده زگاکانی تورکیا
وه‌زاره‌تی‌ ناوخۆی‌ توركیا هه‌شت هه‌زارو 777 كارمه‌ندی‌ له‌ناو شاره‌كان و ده‌وروبه‌ریان له‌كاره‌كانیان دورخسته‌وه‌، كه‌ 30 كه‌سیان پارێزگارن، ئه‌وه‌ش له‌چوارچێوه‌ی‌ ئه‌و رێوشوێنانه‌ی‌ گیراوه‌ته‌ به‌ر دوای‌ هه‌وڵی‌ كوده‌تا شكستخواردووه‌كه‌.
به‌پێی ئاژانسی‌ ئه‌نادۆڵی‌ توركی‌، ئه‌مڕۆ دوشه‌ممه‌ وه‌زاره‌تی‌ ناوخۆی‌ توركیا، فه‌رمانی‌ ده‌ركردووه‌ بۆ دورخستنه‌وه‌ی‌ هه‌شت هه‌زارو 777 كارمه‌ند، كه‌ له‌ناویاندا 30 پارێزگارو 47 قایمقام و 21 ئه‌فسه‌ر و 7744 پۆلیس بونیان هه‌یه‌.

ئه‌مڕۆش بەتۆمەتی تێوەگلان لە هەوڵی ئەنجامدانی کودەتا، ١٠٣ جەنەراڵ و ئەدمیراڵ له‌لایه‌ن  پۆلیس و ده‌زگا ئه‌منییه‌كانی‌ توركیاوه‌ ده‌ستگیركراون.

ئەو جەنەراڵانەی کە لەچوارچێوەی لێکۆڵینەوەکانی سەرۆکایەتی داواکاری گشتیی ئیستانبوڵ دەستبەسەرکرابوون، دوای تەواوبوونی لێکۆڵینەوە لەگەڵیاندا، رەوانەی دادگا کران.

درەنگانی‌ شەوی‌ 15ی‌ ئەم مانگە، ژمارەیەك فەرماندەی‌ سەربازی‌ توركیا كودەتایان بەسەر تەواوی‌ جومگەكانی‌ دەسەڵاتدا دەستیپێكرد‌و دوای‌ چەند كاتژمێرێك، دەسەڵاتی‌ توركیا بەسەرۆكایەتی‌ رەجەب تەیب ئەردۆغانی سەرۆك كۆمار، شكستپێهێنانی‌ ئەو هەوڵەی‌ راگەیەند.
له لایه کی تره وه 

هەوڵی‌ ئەنجامدانی‌ كودەتا لەتوركیا، كوژرانی‌ زیاتر لە 200 كەس‌ و برینداربوونی‌ نزیكەی‌ دوو هەزار كەسی‌ لێكەوتەوە.

سه‌رچاوه‌ فید کردانه

درێژه‌ی بابه‌ت

جەنگیز چاندار: “كودەتاكەی توركیا تەنها فێڵێكی پلانبۆداڕێژراوی ئەردۆغان بوو

kdn@kurdaneku.com (kurdane-ku)

جەنگیز چاندار، رۆژنامەنووس و لێكۆڵەری توركی لە وتارێكی نوێدا بەناونیشانی “كودەتاكەی توركیا تەنها فێڵێكی پلانبۆداڕێژراوی ئەردۆغان بوو؟” بڵاوكردووەتەوە و تێیدا دەڵێت هەوڵی كودەتاكەی توركیا لەژێر پرسیاردایە.
چاندار لە میانی وتارەكەیدا لە سایتی مۆنیتەر ئاماژە دەكات بە كودەتاکانی پێشووتری توركیا و دەڵێت: “وەكو چاودێرێكی دێرینی كودەتا سەربازییەكان و هەوڵەكانی كودەتاكانی توركیا، هەرگیز هەوڵی كودەتای ئاوا نامۆ و پڕ پشێویم نەبینیوە.”

ڕوونیشیدەكاتەوە سەبارەت بە كودەتاكەی شەوی هەینی ڕابردوو، تووشی سەرسوڕمان بووە، چونكە دەڵێت ئەو خۆی كودەتاكان و هەوڵە شكستخواردووەكانی كودەتای ساڵانی شەستەكان و حەفتاكان و هەشتاكانی بینیوە و هیچ یەكێك لەو كودەتایانە هێندەی ئەم هەوڵی كودەتایەی رۆژی هەینی بە ناپرۆفێشناڵی جێبەجێ نەكراوە و هێندە نامۆ نەبوون.

ئاماژەشیكردووە بەوەی “هەموو ئەو كەسانەی چاودێری ئەم هەوڵیی كودەتایەی دوایی دەكەن تەنها دەتوانن بپرسن “ئەمە چییە؟ كێ لە پشتییەوەیە؟ ئەوان چی دەكەن؟ بۆچی؟”

روونیشیكردووەتەوە لە هیچ كودەتایەكی سەربازی یان هەوڵی كودەتای پێشووتردا پەرلەمان لەلایەن فڕۆكە و هەلیكۆپتەرە جەنگییەكانەوە بۆردوومان نەكراوە.

هەروەها چەند پرسیارێكی جەوهەری ورووژاندووە لەسەر هەوڵی كودەتاكە لەوانەش “بۆچی هەوڵی كودەتاكە بە قەدەغەكردنی هاتوچۆ لەیەك لای پردی ئەستانبوڵ دەستیپێكرد؟ بۆچی رێگای ئاسیا بەرەو ئەوروپا داخرا لەكاتێكدا رێگای ئەوروپا بەرەو ئاسیا دانەخرابوو؟ بۆچی كودەتاچییەكان – كە دەیانزانی ئەردۆغان نە لە ئەنقەرە و نە لە ئەستەنبوڵە، بەڵام لەبری ئەوە پشووی خۆی لە شارۆچكەی مەڕمەڕەی كەناری دەریای ناوەڕاست بەسەردەبرد- نەچوون بۆ ئەوەی دەستبەسەری بكەن؟ ئەوان ڕێگایان پێداوە  لە مەڕمەڕەوە بۆ فڕۆكەخانەی نزیكی دالامان بڕوات و دواتر بە گەشتێكی ئاسمانی یەك كاتژمێری بگاتە ئەستەنبوڵ؟”

ئەوەشی خستووەتەڕوو: “بۆچی كودەتاچییەكان كەناڵە تەلەفزیۆنییە سەرەكییەكانیان كۆنترۆڵ نەكرد و لەبری ئەوەی كاتی بەنرخی خۆیان لە كەناڵی تەلەفزیۆنی (TRT) – كە كەمترین بینەری هەیە- بەفیڕۆدا و بەوەش بواریان بۆ ئامانجەكانیان كردەوە كە خۆیان كۆبكەنەوە و كەناڵی بەناوبانگتر و سۆسیال میدیا بەشێویەكی كاریگەر بەكاربهێنن بۆ ئەوەی ئاستەنگی بۆ هەوڵی كودەتاكە دروستبكەن؟ بینالی یەڵدرم سەرەتا لە كەناڵیNTV ەوە قسەی كرد و ڕایگەیاند ئەوە كودەتا نییە، بەڵكو یاخیبوونێكە لەلایەن گرووپێكی بچووكی ناو سوپاوە ئەنجامدراوە.

دواتر ئەردۆغان لە رێگای كەناڵی CNN-Turk ەوە بەهۆی بەرنامەی فەیس تایمەوە قسەی كرد و داوای لە لایەنگرانی خۆی كرد بڕژێنە سەر شەقامەكان”.

چاندار لە بەشێكی دیكەی وتارەكەیدا دەڵێت: “وادیارە هەوڵی كودەتا شڵەژاو و بێ سەرەوبەرەكە دوای چەند كاتژمێرێك شكستیهێنا، لەئامانجدا 265 كەس كوژران و نزیكەی (1440) کەسیش برینداربوون، لانیكەم (2839) كەسی سەربازی دەستگیركران، هەوڵە شكستخواردووەكە ژمارەیەكی زۆرتر پرسیاری بەجێهێشت لە وەڵامی باوەڕپێكراو دەربارەی ئەوەی كێ لە پشت هەوڵی كودەتاكەوە بو و بۆچی ئەوەندە بەبێ سەرەوبەرەیی جێبەجێ كرا؟”

سەبارەت بە زیانەكانی هەوڵی كودەتاكە، چاندار جەختیكردووەتەوە: زیانەكان زۆر گەورەن، سەرەتا ناوبانگی توركیا كۆتاییهات وەكو پشتیوانێكی سەقامگیری لەو ناوچە پڕ كێشەی كە تیایدا كودەتای سەربازی بۆ ماوەیەكی ڕابردووە. وێنەی وڵات تەڵخ بووە و هیچ كەس ناتوانێت زامنی ڕوونەدانی ئەگەری كودەتا و هەوڵی كودەتا لە داهاتوودا بكات.

سەبارەت بە تۆمەتەكانی ئەردۆغان لە دژی فەتحوڵڵا گولەن بەوەی لەپشت هەوڵی كودەتاكەوەیە، چاندار دەڵێت: “شتێكی زۆر باوەڕپێكراو نییە كە چەندین پۆست و پێگەی گرنگی سوپای توركیا- دووەمین هێزی سەربازی رێكخراوی ناتۆ دوای ئەمریكا كە واباوەڕدەكرێت دامەزراوەیەكی پتەوبێت- لەلایەن گرووپێكی ئیسلامییەوە كۆنترۆڵ كرابێت.”

هەروەها ئاشكرایكردووە ئەو مەسەلانە چاوەڕوانی وەڵامی ڕازیكەرن و بەشێوەیەكی سروشتی تیرۆری موئامەرە دەورووژێنێت، بەتایبەتی مەسەلەیەكی سەرنجڕاكێش ئەوەیە: ئەو شێوازەی تۆ كودەتایەك ئەنجامدەدەیت ئەوەیە زۆر ئاشكرایە: سەرەتا تۆ سەركردەكە دەستگیردەكەیت و دواتر دەزگاكانی ڕاگەیاندن كۆنترۆڵ دەكەیت، دواتریش سەركردە بێ دەسەڵاتەكە لە ڕاگەیاندن نیشان دەدەیت، بەڵام لەجیاتی ئەوە كودەتاچییەكانی توركیا بڕیاریاندا كودەتاكەیان فڕێدا لەكاتێكدا ئەردۆغان لە پشوودابو و تەنانەت هەوڵیشیان نەدا دەستگیری بكەن و لەكاتی كودەتاكەدا پێشتر برابوو بۆ شوێنێكی نهێنی.

دواتر هەموو ڕەوشەكە بەخێرایی بەرەو دۆزەخ ڕۆیشت، كودەتاچییەكان بە خەڵكیان ڕاگەیاند لەماڵ نەیەنە دەرەوە، لەكاتێكدا ئەردۆغان داوای لە خەڵك كرد بڕژێنە سەر شەقامەكان، بۆیە لایەنگرانی كودەتاکە لەماڵەوەبوون و لایەنگرانی ئەردۆغانیش لەسەر شەقامەكان بوون. بەپێی ڕاپۆرتەكان، كودەتاچییەكان تەقەیان لە هاوڵاتیان كردووە ئەوەش شتێكە  وا لەو خەڵكانە دەكات پشتگیری كودەتاكەیان كردووە لەدژی كودەتاچییەكان بوەستنەوە. بەكورتی هەموو شتەكە ئەوەندە باشتر ڕێكنەدەخرا بۆ خودی ئەردۆغان، ئێستا وەكو پاڵەوانێكی خەڵك دەردەكەوێت.

لەكۆتایی وتارەكەیدا چاندار بە چڕی و بە كورتی دەڵێت: “بەمشێوەیە، بەلای منەوە ئەو ئەگەرەی زۆر ڕێگای تێدەچێت ئەوەیە كە ئەردۆغان ڕەنگە بە یارمەتی هێزە ڕۆژئاواییەكان لەگەڵ هەندێك لە خەڵكی خۆیدا لەناو سوپادا كاریكردووە بۆ ڕێكخستنی ئەو فێڵی كودەتایە”.

جەنگیز چاندار: لە ساڵی 1976ەوە كاری رۆژنامەنووسی دەكات و حەوت كتێبی بە زمانی توركی نووسیوە لەسەر كێشەكانی رۆژهەڵاتی ناوەڕاست و ئێستا نووسەرە لە بەشی توركیا لە سایتی مۆنیتەر و لەپەیمانگای زانكۆی ستۆكهۆڵم سەبارەت بە لێكۆڵینەوەكانی سەبارەت بە توركیا لێكۆڵەرێكی دیارە.

سه‌رچاوه‌ فید کردانه

درێژه‌ی بابه‌ت

ڕێبه‌رانی کووده‌تای سه‌ربازی تورکیا ده ستگیرکران

kdn@kurdaneku.com (kurdane-ku)

ڕێبه‌رانی کووده‌تای سه‌ربازی تورکیا ده ستگیرکران
دوو ژێنڕاڵی لایه‌نگری جه‌ماعه‌تی گوله‌ن به‌ ناوه‌کانی ئاکین ئۆزتورک و مه‌تین ئیدیل له‌لایه‌ن سوپای تورکیا وه‌کوو ئه‌نجامده‌رانی کووده‌تا ناسێندران و ده‌ستگیر کران.
ژێنڕاڵ ئاکین ئۆزتورک فه‌رمانده‌ی پێشووی هێزه‌ ئاسمانییه‌کانی تورکیا و مه‌تین ئیدیل فه‌رمانده‌ی ناوه‌ندی مه‌شقپێکردن و دوکتۆرینی هێزه‌ زه‌وینییه‌کانی سوپای تورکیا (EDOK) ڕێبه‌رانی کووده‌تای سه‌ربازی شه‌وی ڕابردوو له‌ تورکیا بوون.

سه‌رچاوه‌ سه‌ربازییه‌کانی تورکیا ڕایانگه‌یاند که‌ ئه‌م که‌سانه‌ له‌ هێزه‌ پایه‌به‌رزه‌کانی نزیک له‌ جه‌ماعه‌تی گوله‌ن له‌ تورکیان که‌ شه‌وی ڕابردوو ده‌یانه‌ویست به‌ کووده‌تای سه‌ربازی ده‌وڵه‌تی ڕه‌وای تورکیا بڕووخێنن.
به‌ڵام دوای ئه‌وه‌ی که‌ هێزه‌ ئه‌منییه‌کانی تورکیا توانیان کووده‌تاکه‌ کۆنتڕۆڵ بکه‌ن؛ 1300 که‌سی هاوپه‌یوه‌ند به‌ جه‌ماعه‌تی گوله‌نیان ده‌ستگیر کرد. ئه‌م دوو فه‌رمانده‌ سه‌ربازییه‌ی تورکیا له‌ نێوان ده‌ستگیرکراواندان.

سه‌رچاوه‌ فید کردانه

درێژه‌ی بابه‌ت

161 کوژراو و 1440 بریندار له‌ نێوان خه‌ڵک و سوپای ڕه‌وای تورکیا/ 20 کوژراو و سه‌دان بریندار له‌ کووده‌تاچیان

kdn@kurdaneku.com (kurdane-ku)

161 کوژراو و 1440 بریندار له‌ نێوان خه‌ڵک و سوپای ڕه‌وای تورکیا/ 20 کوژراو و سه‌دان بریندار له‌ کووده‌تاچیان
کووده‌تای سه‌ربازیی شه‌وی ڕابردوو له‌ تورکیا کوژرانی 161 خه‌ڵکی سڤیل و هێزی سه‌ربازی له‌ دژی کووده‌تای به‌دواوه‌ بوو و 1440 که‌سی برینداریشی لێکه‌وته‌وه‌. له‌م کووده‌تایه‌دا 20 که‌س له‌ کووده‌تاچیان کوژراون.
به‌پێی دوایین هه‌واڵه‌ بڵاوکراوه‌کان له‌ ئاماری کوژراوانی کووده‌تای سه‌ربازی شه‌وی ڕابردوو له‌ تورکیا، بینالی ییڵدیریم سه‌رۆک وه‌زیرانی ئه‌و وڵاته‌ ڕایگه‌یاند: تاکوو ئێستا ئاماری کوژراوانی کووده‌تای سه‌ربازی شه‌وی ڕابردوو به‌ 161 که‌س و 1440 بریندار ڕاپۆرت کراوه‌. هێزه‌ تایبه‌ته‌کانی پۆلیسی تورکیا و خه‌ڵکی سڤیل سه‌ر به‌ بزاڤه‌ مه‌ده‌نییه‌کان له‌گه‌ڵ هێزه‌ کووده‌تاچییه‌کان شه‌ڕیان کردووه‌، زیاترین کوژراوانی ئه‌م ڕووداوه‌ن.

هه‌روه‌ها ئۆمید دۆندار، سه‌رۆکی کاتی ئه‌رکانی فه‌رمانده‌یی هێزه‌ چه‌کداره‌کانی تورکیا له‌ لێدوانێکدا ڕایگه‌یاند: تاکوو ئێستا دوو هه‌زار و 839 که‌س له‌ کووده‌تاچیان که‌ له‌ نێوانیاندا به‌رپرسانی پله‌به‌رزی سه‌ربازی ده‌بینرێت، قۆڵبه‌ست کراون. که‌سانێک وه‌کوو ژێنڕاڵ سادق کوور ئۆغڵۆ فه‌رمانده‌ی فێرگه‌کانی جه‌نده‌رمه‌ی ئه‌نقه‌ره‌ و ژێنڕاڵ ئۆزکان ئایدۆغان فه‌رمانده‌ی تیپی زرێپۆشی 2. ئه‌نقه‌ره‌ ده‌ستگیر کراون.
ناوبراو جه‌ختی کرد که‌ له‌م پێکدادانه‌ 20 کووده‌تاچی کوژراون و ده‌یان که‌سیش بریندار بوونه‌.

سه‌رچاوه‌ فید کردانه

درێژه‌ی بابه‌ت

داعش به‌رپرسیارێتیی خۆی له‌هێرشه‌كه‌ی‌ فه‌ره‌نسا راگه‌یاند

kdn@kurdaneku.com (kurdane-ku)

داعش به‌رپرسیارێتیی خۆی له‌هێرشه‌كه‌ی‌ فه‌ره‌نسا راگه‌یاند
رێكخراوی داعش، كه‌مێك له‌مه‌وبه‌ر رایگه‌یاند كه‌ هێرشه‌كه‌ی شاری‌ نیس له‌فه‌ڕه‌نسا له‌لایه‌ن چه‌كدارێكی ئه‌وانه‌وه‌ ئه‌نجامدراوه‌.
ئاژانسی ئه‌عماقی داعش، له‌ سه‌رچاوه‌یه‌كی ئه‌منیی نزیك له‌ رێكخراوه‌كه‌وه‌ بڵاویكردووه‌ته‌وه‌، كه‌ هێرشه‌كه‌ی شاری نیس-ی فه‌ڕه‌نسا له‌لایه‌ن “یه‌كێك له‌ سه‌ربازانی ده‌وڵه‌تی ئیسلامییه‌وه‌” ئه‌نجامدراوه‌.

به‌پێی راگه‌یه‌ندراوه‌كه‌ی داعش، له‌ تۆڕی كۆمه‌ڵایه‌تیی تویته‌ردا، هێرشه‌كه‌ له‌ وه‌ڵامی ئه‌و داوایانه‌ی رێكخراوه‌كه‌دا بووه‌، كه‌ بۆ به‌ ئامانجكردن‌و هێرش كردنه‌سه‌ر هاوڵاتیانی وڵاتانی ئه‌ندام له‌ هاوپه‌یمانی نێوده‌وڵه‌تی دژی داعش هه‌یبووه‌.

دوێنێ هه‌ینی، میدیاكانی فه‌ره‌نسا رایانگه‌یاند، ئه‌نجامده‌ری په‌لاماره‌ خوێناوییه‌كه‌ی شاری نیس، به‌ڕه‌چه‌ڵك تونسییه‌ و هه‌ڵگری كارتی نیشته‌جێی فه‌ره‌نسایه‌ و له‌لایه‌ن پۆلیسه‌وه‌ پێشینه‌ی كاریی توندوتیژی له‌نێو ماڵ و خێزانی هه‌بووه‌.

به‌پێی هه‌واڵێكی ماڵپه‌ڕی بی بی سی، ئه‌و كه‌سه‌ ته‌مه‌نی 31 ساڵه‌ و له‌ تونس له‌ دایك بووه‌، له‌ ده‌موده‌ستی ئه‌وه‌دا بووه‌ له‌ ژنه‌كه‌ی جیاببێته‌ كه‌ 3 منداڵی لێی هه‌یه‌ و له‌م ماوه‌یه‌شدا دووچاری خه‌مۆكی بووه‌.

به‌گوێره‌ی هه‌واڵه‌كه‌، دراوسێكانی باسیان له‌و ناكۆكییه‌ به‌رده‌وامانه‌ كردووه‌ كه‌ له‌گه‌ڵ ژنه‌كه‌یدا هه‌یبووه‌ و به‌و هۆیه‌وه‌ سكاڵای زۆری لای پۆلیس له‌سه‌ر تۆماركراوه‌، دوایین سكاڵاش چه‌ند رۆژێك به‌ر له‌ ئه‌نجامدانی كاره‌ تیرۆریستییه‌كه‌ بووه‌.


وه‌ك ناسنامه‌ی ئه‌نجامده‌ری په‌لاماره‌كه‌ی نیس، له‌لایه‌ن ماڵپه‌ڕی میره‌ری به‌ریتانیاوه‌ بڵاوكراوه‌ته‌وه‌

دوای كوژرانی له‌لایه‌ن پۆلیسه‌وه‌، ده‌سه‌ڵاتدارانی فه‌ره‌نسا له‌نێو بارهه‌ڵگركه‌دا ناسنامه‌كه‌ی و مۆڵه‌تی شۆفێری و كارتی بانكی و مۆبایلێكیان دۆزیوه‌ته‌وه‌.

به‌هۆی په‌لاماره‌كه‌ی شه‌وی ڕابردووی شاری نیس له‌فه‌ڕه‌نسا لانی كه‌م 84 كه‌س كوژران و 202 ی دیكه‌ برینداربوون، هه‌ر به‌وهۆیه‌وه‌ ئه‌و وڵاته‌ باری نائاسایی بۆ ماوه‌ی 2 مانگی دیكه‌ درێژكرده‌وه‌و ماته‌مینی گشتیی بۆ ماوه‌ی 3 رۆژ راگه‌یاند.

په‌لاماره‌كه‌ له‌ڕێی ئۆتۆمبێلێكی بارهه‌ڵگره‌وه‌ ئه‌نجامدرا كه‌ كۆبوونه‌وه‌یه‌كی جه‌ماوه‌ریی خه‌ڵكی شاری نیس-ی له‌ باشوری فه‌ڕه‌نسا كرده‌ ئامانج كه‌ به‌بۆنه‌ی رۆژی نیشتیمانی فه‌ره‌نساوه‌ ئاهه‌نگیان ده‌گێڕا.

سه‌رچاوه‌ فید کردانه

درێژه‌ی بابه‌ت

نیگه‌رانی له‌ کورده‌کان، تورکیای به‌ره‌و سووریا بردووه‌

kdn@kurdaneku.com (kurdane-ku)

نیگه‌رانی له‌ کورده‌کان، تورکیای به‌ره‌و سووریا بردووه‌
به‌ نووسینی ڕۆژنامه‌ی تێلێگراف، ئامێزی کراوه‌ی تورکیا بۆ ڕووسیا، ئیسرائیل و له‌مدواییانه‌ سووریا ته‌نیا هۆکارێکی هه‌یه‌ و ئه‌وه‌ش ترس و نیگه‌رانی له‌ کورده‌کانه‌.
ده‌وڵه‌تی تورکیا به‌ دوای تێپه‌ڕبوونی 9 مانگ له‌ داکه‌وتنی فڕۆکه‌ی شه‌ڕکه‌ری ڕووسیا به‌ ده‌ربڕینی په‌شیمانی له‌م کاره‌ خوازیاری باشتربوونه‌وه‌ی په‌یوه‌ندی له‌گه‌ڵ ئه‌و وڵاته‌ بووه‌. هه‌روه‌ها ئه‌نقه‌ره‌ به‌ دوای چه‌ندین ساڵ په‌یوه‌ندی خۆی له‌گه‌ڵ ئیسرائیلی باشتر کردووه‌ته‌وه‌.

بینالی ییڵدریم، سه‌رۆک وه‌زیرانی نوێ تورکیا که‌ به‌ دروشمی دۆستانی زیاتر و دوژمنانی که‌متر بۆ تورکیا، پرۆسه‌یێکی گۆڕانکاری سیاسه‌تی ده‌ره‌وه‌ی ئه‌و وڵاته‌ی ده‌ستپێکردووه‌، ڕایگه‌یاند: من دڵنیام که‌ په‌یوه‌ندی ئێمه‌ له‌گه‌ڵ سووریاش باشتر ده‌بێته‌وه‌.
ڕۆژنامه‌ی تێلێگراف هۆکاری گۆڕانی به‌په‌له‌ی ئه‌م  سیاسه‌ته‌ی تورکیا‌ له‌ به‌رانبه‌ر ئه‌و وڵاتانه‌ی که‌ پێشتر دوژمنی له‌گه‌ڵیان ده‌کرد و ته‌نانه‌ت له‌سه‌ر چوونه‌ده‌ره‌وه‌ی به‌شار ئه‌سه‌د له‌بازنه‌ی ده‌سه‌ڵات جه‌ختی ده‌کرد، ته‌نیا به‌ یه‌ک بابه‌ت زانیوه‌ و ئه‌وه‌ش ترس و نیگه‌رانی له‌ کورده‌کانه‌.
ئه‌م ڕۆژنامه‌ پێیوایه‌ که‌ باشتربوونه‌وه‌ی په‌یوه‌ندی نێوان تورکیا و سووریا تا ماوه‌یه‌ک له‌مه‌وپێش جێگه‌ی باوه‌ڕکردن نه‌بوو و که‌مترین داواکاریی تورکیا وازهێنانی به‌شار ئه‌سه‌د له‌ ده‌سه‌ڵات بوو و ئه‌مڕۆ ئه‌م وڵاته‌ ئاماده‌یه‌ به‌ بۆنه‌ی لاوازکردنی کورده‌کان، سیاسه‌تی ده‌ره‌وه‌ی خۆی به‌ ته‌واوه‌تی بگۆڕێت.

سه‌رچاوه‌ فید کردانه

درێژه‌ی بابه‌ت

ئەگەر تووڕە بین هیچ ئاسەوارێک لە ئالی سعوود ناهێڵین

kdn@kurdaneku.com (kurdane-ku)

ئەگەر تووڕە بین هیچ ئاسەوارێک لە ئالی سعوود ناهێڵین
موحسین ڕەزایی، فەرماندەی پێشووی سوپای پاسدارانی کۆماری ئیسلامی و سەرۆکی ئێستای کۆڕی دیاریکردنی بەرژەوەندییەکانی ئێران، ڕایگەیاندووە، ئاگاداری دانیشتنی کۆمەڵە و دیموکرات لەگەڵ سعوودیە لە هەولێر هەین و ئەگەر تووڕە بین، هیچ ئاسەوارێک لە سعوودیە ناهێڵین.

لەم بارەوە ماڵپەڕی تەسنیمی سەر بە سوپای پاسداران بڵاوی کردووەتەوە، موحسن ڕەزایی، لە لاپەڕەی ئیسنتاگرامی خۆی لە بەرانبەر لێدوانی ئەمدوایانەی سەرۆکی پێشووی دەزگای هەواڵگریی سعوودیە دژکردەوەی نیشان داوە.

دەقی یادداشتەکەی موحسێن ڕەزایی بەم چەشنەیە:

“تورکی فەیسەڵ شاهزادی سعوودی و سەرۆکی پێشووی دەزگای زانیاریی سعوودیە لە کۆنفرانسی مونافقیندا بەشداریی کرد و داوای لێیان کرد کە تیرۆرەکان لە ئێران دەست پێ بکەن، پشتیوانیی فەرمیی سعوودیە لە موجاهدینی خەلق، ئەوە نیشان دەدات کە هەموو ئەو تیرۆرانەی کە ئەو گرووپە لە ساڵانی ڕابردوودا ئەندامی داوە، بە پاڵپشتیی سعوودیە بووە.”

هەروەها دەنووسێت “چەند مانگ لەمەوبەر سعوودیە هەمان ئەو کۆبوونەوانەی لەگەڵ دیموکرات و کۆمەڵە و پەژاک لە هەولێر بەڕێوە بردووە و هەتا ئێستا چەند تیرۆر لە کوردستانی ئێراق ڕووی داوە.”

لە کۆتاییدا دەڵێت :پەیامی ئێمە بۆ ئال سعوود ئەوەیە “کە ئێمە دێر تووڕە دەبین، بەڵام ئەگەر بێت و تووڕە بین، هیچ ئاسەوارێک لە ئال سعوود لەسەر زەوین ناهێڵین، حکوومەتی سعوودیە بە بەرپرسیاری سەرەکیی تیرۆرەکانی موجاهدین و دژە شۆڕش دەزانین و بەڵگەکانیانمان کۆ کردووەتەوە.”

ڕۆژی یەکشەممەی پێشوو تورکی ئەلفەیسەڵ لە کۆنفرانسی ئۆپۆزسیۆنی ئێران لە پاریس هێرشی کردە سەر کۆماری ئیسلامی و بە سەرچاوەی تیرۆریزم و ناسەقامگیریی ناوچەکە نادێری کرد و گوتی “ئێران دەڕووخێت.”

ماوەیەک لەمەوبەر و پش دەسپێکی خەباتی چەکداری لەلایەن حدکا لە کوردستانی ڕۆژهەڵات و چەندین تێکهەڵچوون لەگەڵ سوپای پاسداران، موحسن ڕەزایی لە لێدوانێکی دیکەدا گوتی “بە فەرمان و لەژێر چاودێریی سەرکونسووڵگەریی سعوودیە لە شاری هەولێر دوو تیمی تیرۆریستی بۆ خاکی کوردستانی ڕۆژهەڵات نیردراون.”

دواتر لە بەیاننامەیەکدا کونسوولگەریی سعوودیە ئەو تۆمەتانەی ئێرانی ڕەت کردەوە و گوتی ئەو قسانەی ئێران تۆمەتن و داتاشراون و ئێمە ئاگامان لەو باسانە نییە و هەموویاندرۆن.

هاوکات بەرپرسانی حزبی دیموکراتی کوردستانی ئێرانیش لە ڕاگەیەنەکانەوە ئەو تۆمەتانەی کۆماری ئیسلامییان ڕەت کردووەتەوە رایانگەیاندووە “ئێمە حزبێکی سەربەخۆین و خاوەنی سیاسەت و ستراتیژی و بەرنامەی خۆمانین و تەنیا بەپێی توانایی خۆمان و پالپشتیی خەڵک ڕۆژهەڵات و هەلومەرجی لەبار کار دەکەین.”

سه‌رچاوه‌ فید کردانه

درێژه‌ی بابه‌ت