سیستمی هاتوچۆی هه‌رێم ده‌گۆڕێت

پرۆژه‌ یاسای هاتوچۆ هه‌رێمی كوردستان په‌یره‌و ده‌كرێـته‌وه‌ به‌ سود وه‌رگرتن له‌ یاسای هاتوچۆی وڵاته‌ پێشكه‌وتووه‌كان بۆ ئه‌و مه‌به‌سته‌ش، شاندێكی په‌رله‌مانی كوردستان بۆ سود وه‌رگرتن له‌ سیستمی هاتووچۆی وڵاتی سوید سه‌ردانی ئه‌و وڵاته‌یان كردووه‌.

سه‌ركه‌وت سه‌رحه‌د خه‌لیفه‌ ئه‌ندامی لیژنه‌ی ناوخۆ وئاسایش و ئه‌نجومه‌نه‌ خۆجێییه‌كانی په‌رله‌مانی كوردستان شاندێكی په‌رله‌مانی كوردستان له‌ لیژنه‌ی ناوخۆ سه‌ردانی وڵاتی سویدمان كردووه‌، به‌ مه‌به‌ستی ئاشنابوون به‌سیستمی هاتووچۆی سوید كه‌ سه‌ركه‌وتنێكی به‌رچاوی به‌ده‌ستهێناوه‌ له‌ كه‌مكردنه‌وه‌ی رێژه‌ی قوربانیانی هاتووچۆ.

رونیشكرده‌وه‌: سه‌ردانی په‌رله‌مان و به‌رێوه‌به‌رایه‌تی گشتی هاتوچۆی سویدمان كردوه‌ بۆ سود وه‌رگرتن له‌ ئه‌زمون و پرۆژه‌ یاسای هاتوچۆی ئه‌و وڵاته‌ بۆ ئه‌وه‌ی به‌پێی واقع و ئه‌زمونی ئه‌مرۆی كوردستان سود له‌و پرۆژه‌ یاساییه‌ ببینین.

ئه‌وه‌شی ئاشكراكرد: په‌رله‌مانی كوردستان هه‌نگاو بۆ هه‌مواركردنه‌وه‌ی یان دانانی یاساییه‌كی نوێ بۆ یاسای هاتوچۆی هه‌رێمی كوردستان ده‌نێـت،به‌هه‌وڵدانی له‌سود وه‌رگرتنی یاسای ئه‌و ڵاته‌”.

سه‌ركه‌وت سه‌رحه‌د وتیشی: په‌یره‌وكردنی هاتوچۆ و سیسته‌می تاقیكردنه‌وه‌ی مۆڵه‌ت ده‌رهێنان له‌ نێوان هه‌ولێر و سلێمانی و دهۆك جیاوازه‌ و ده‌مانه‌وێـت به‌ سیسته‌مێكی گۆنجاو و نوێ هه‌مووی یه‌ك بخه‌ینه‌وه‌.

ئاشكراشیكرد: ره‌وشی هاتوچۆ له‌هه‌رێمی كوردستان له‌و په‌ری خراپیدایه‌ كه‌ ساڵانه‌ زیاد له‌ هه‌زار كه‌س به‌رووداوی هاتوچۆ گیانیان له‌ده‌ستده‌ده‌ن و چه‌ندین هه‌زار كه‌سیش بریندار ده‌بن،ئه‌مه‌ش ده‌گه‌رێته‌وه‌ بۆخراپی سیسته‌می هاتوچۆ و نه‌بونی سیسته‌مێكی سه‌لامه‌تی هاتوچۆ و گواستنه‌وه‌.

سه‌رچاوه‌ kazhaw.com ||

درێژه‌ی بابه‌ت

ڤیدیۆ.. چی ڕوو ئەدا کاتێک ئەلەمنیۆم بخەیتە ناو خانووی مێرولەوە !!!

پیاوێكی چینی ماوه‌ی 30 ساڵه‌ له‌لایه‌ن دایك و باوكییه‌وه‌ به‌ندكراوه‌و تائێستاش له‌و شوێنه‌ هێڵراوه‌ته‌وه‌.
 (دۆنگ های) ته‌مه‌ن (46) ساڵان ماوه‌ی (30) ساڵه‌ له‌نێو ژوورێكی (5)مه‌تره‌دووجاییدا به‌ندكراوه‌و خواردن و خواردنه‌وه‌شی له‌نێو چه‌ند درزێكی ئه‌و ژووره‌وه‌ پێده‌درێت.
باوك و دایكی رایانگه‌یاندوه‌ كه‌ئه‌و پیاوه‌ هه‌ر له‌ته‌مه‌نی گه‌نجییه‌وه‌ به‌ده‌ست نه‌خۆشی ده‌رونییه‌وه‌ ناڵاندوییه‌تی بۆیه‌ ناچاربون له‌و ژووره‌دا به‌ندی بكه‌ن نه‌وه‌ك ئازاری كه‌سێك بدات. (دۆنگ واتۆ)ی باوك و (كیانگ هۆنگ)ی دایك له‌(لۆنگای) له‌باشوری خۆرهه‌ڵاتی هه‌رێمی (فوجیان)ی چین،
كه‌له‌ئێستادا ته‌مه‌نیان 70 ساڵانێك ده‌بێت رایانگه‌یاندوه‌ چه‌ندین جار چونه‌ته‌ نه‌خۆشخانه‌ی هه‌رێمه‌كه‌یان و نه‌یاتوانیوه‌ چاره‌سه‌ری پێویست بۆ كوڕه‌كه‌یان وه‌ربگرن،
 گرانی نرخی چاره‌سه‌ره‌كان و بارگرانی دۆخی ژیانیان هۆیه‌كی تر بوه‌، بۆیه‌ ناچاربون له‌و شوێنه‌دا بیهێڵنه‌وه‌و خواردنیشی له‌و درزانه‌وه‌ بده‌نێ و بۆ خۆشتنیش،
ناچاربون ئاوی پێدا بكه‌ن له‌دووره‌وه‌، ئه‌و خێزانه‌ رایده‌گه‌یه‌نن له‌ماوه‌ی ئه‌م 30 ساڵه‌دا ئه‌و كوڕه‌ به‌هیچ جۆرێك له‌وژووره‌ نه‌هاتۆته‌ ده‌ره‌وه‌و هه‌موو ژیانی له‌وێدا به‌سه‌ربردوه‌.

سه‌رچاوه‌ kazhaw.com ||

درێژه‌ی بابه‌ت

روخسارێكی‌ جوانتر ‌

برۆو برژانگ دووبه‌شی‌ ناسك‌و هه‌ستیاری‌ ده‌وری‌ چاون، هه‌یشه‌ به‌هۆی‌ مووه‌ لاوازه‌كانیه‌وه‌ ئه‌گه‌ری‌ هه‌ڵوه‌رینیان هه‌یه‌، ئه‌مه‌ جگه‌ له‌وه‌ی‌ به‌به‌رده‌وام پێویستیان به‌ده‌ست پێیاهێنان‌و رازاندنه‌وه‌یه‌، بۆ ئه‌وه‌ی‌ برۆو برژانگێكی‌ ته‌ندروست‌و جوانت هه‌بێت، به‌پێی‌ ئه‌و رێنماییانه‌ بجوڵێره‌وه‌.

برۆ برۆكانت به‌شێكی‌ گرنگ پێك ده‌هێنن له‌جوانكردنی‌ شێوه‌ی‌ گشتی‌ رووخسارت، بۆیه‌ باشتر وایه‌ به‌رده‌وام گرنگییان پێبده‌یت‌و فه‌رامۆشیان نه‌كه‌یت، بۆ پاراستنی‌ شێوه‌ی‌ جوانی‌ برۆكانت، لێره‌دا چه‌ند ئامۆژگاری‌‌و رێنماییه‌ك ده‌خرێته‌ روو.

برۆو شێوه‌كانی‌: برۆ چه‌ند شێوازێكی‌ زۆری‌ هه‌یه‌و هه‌ریه‌كه‌یان یارمه‌تی‌ مرۆڤ ده‌دات له‌دیاریكردنی‌ شێوه‌ی‌ گشتی‌ رووخسار‌و دیاریكردنی‌ كه‌سایه‌تی‌، به‌هۆی‌ برۆوه‌ چـــــاو سه‌رنج راكێش‌و جوانتر ده‌نوێنێت. وه‌ك بنه‌مایه‌كی‌ گشتی‌ پێویسته‌ شێوه‌ی‌ برۆ یه‌ك بگرێته‌وه‌ له‌گه‌ڵ‌ شێوه‌ی‌ گشتی‌ ده‌موچاودا.

بۆ كێشانی‌ شێوه‌ی‌ جێگیری‌ برۆ، ده‌بێت ره‌چاوی‌ شێوه‌ی‌ رووخسار بكه‌یت، ئه‌گه‌ر ده‌موچاوت لاوازبوو ئه‌وا برۆكانت به‌پڕی‌ بهێڵه‌ره‌وه‌ بۆ ئه‌وه‌ی‌ ده‌موچاویشت پڕ بنوێنێ‌، ئه‌گه‌ر رووخساریشت قه‌ڵه‌و بوو ئه‌وا برۆكانت باریك بكه‌ره‌وه‌. برۆی‌ نموونه‌یی‌ ئه‌و برۆیه‌یه‌ كه‌ پڕو درێژه‌و گونجاوه‌ له‌گه‌ڵ‌ شێوه‌ی‌ چاودا. رێگاكانی‌ گرنگیدان به‌برۆ:

1. یه‌كێك له‌هه‌ره‌ سه‌ره‌كیترین رێگاكانی‌ گرنگیدان به‌برۆ ئه‌وه‌یه‌ پارێزگاری‌ له‌به‌هێزی‌ بكه‌یت‌و هه‌میشه‌ به‌پاكوخاوێنی‌ بیهێڵیته‌وه‌.

2. ئه‌گه‌ر مووی‌ برۆكانت لاوازبوون، ئه‌وا ئێواران كه‌مێك زه‌یتی‌ زه‌یتوونی‌ لێبده‌و به‌باشی‌ بیانشێله‌، باشتره‌ ئه‌م حاڵه‌ته‌ هه‌فتانه‌ دوو تا سێ‌ جار دووباره‌ی‌ بكه‌یته‌وه‌.

رێكخستنی‌ برۆ: برۆكانت بگونجێنه‌ له‌گه‌ڵ‌ شێوه‌ی‌ گشتی‌ چاوو هه‌وڵبده‌ نزیك بێت له‌قه‌باره‌كه‌یه‌وه‌. پێش هه‌موو شتێك مووه‌كانی‌ به‌شی‌ ژێره‌وه‌ی‌ برۆ لێبكه‌ره‌وه‌و زیاده‌ڕۆیی‌ مه‌كه‌ له‌باریككردنه‌وه‌یان، هه‌وڵ‌ بده‌ به‌هه‌مان ئه‌و شێوه‌یه‌ بێت كه‌ له‌بنه‌ماوه‌ خۆی‌ نه‌خشاوه‌.

شێوه‌ی‌ برۆ له‌بچوكه‌وه‌ بۆ گه‌وره‌ ده‌كێشرێت، تا قه‌باره‌ی‌ چاو به‌گه‌وره‌تر نیشان بدات. دوای‌ كۆتایی‌ هێنان له‌لێكردنه‌وه‌ی‌ مووه‌كان فڵچه‌ی‌ تایبه‌ت به‌كاربهێنه‌ بۆ پاككردنه‌وه‌ی.

خراپ نییه‌ گه‌ر بڕێكی‌ كه‌م زه‌یتی‌ لێبده‌یت له‌رۆژدا بۆ ئه‌وه‌ی‌ ره‌ونه‌قدار بێت. چه‌ند تێبینییه‌كی‌ گرنگ پێش ئه‌وه‌ی‌ برۆكانت رێكبخه‌یت له‌رێی‌ قه‌ڵه‌مێكی‌ باریكه‌وه‌ ئه‌و شێوه‌یه‌ بكێشه‌ كه‌ ده‌ته‌وێت پاش رێكخستنی‌ برۆت پێی‌ بگه‌یت‌و له‌سه‌ری‌ بڕۆ.

ماوه‌ی‌ كه‌وانه‌یی‌ برۆ دیاریی‌ بكه‌ كه‌ له‌بنه‌مادا خۆی‌ سێ‌ شێوه‌ی‌ سه‌ره‌كی‌ هه‌یه‌ (هه‌ردوو به‌شه‌كه‌ی‌ برۆ به‌قه‌د یه‌ك بن، به‌شی‌ پێشه‌وه‌ زیاتر بێت له‌به‌شی‌ پشته‌وه‌، به‌شی‌ پشته‌وه‌ درێژتر بێت له‌به‌شی‌ پێشه‌وه‌).

زۆر گرنگه‌ ده‌ستت‌و موكێشه‌كه‌ به‌پاكی‌ رابگریت. پێش ئه‌وه‌ی‌ ده‌ست بده‌یته‌ هه‌ڵكێشانی‌ مووه‌ زیاده‌كانی‌ ده‌وری‌ برۆ، بۆ ماوه‌ی‌ دوو تا سێ‌ خوله‌ك رووخسارت بخه‌ره‌ به‌ر هه‌ڵم، چونكه‌ هه‌ڵم یارمه‌تی‌ كرانه‌وه‌ی‌ كونیله‌كانی‌ پێستی‌ ده‌مووچاو ده‌دات‌و به‌وهۆیه‌شه‌وه‌ ئازاری‌ موو هه‌ڵكێشان كه‌متر ده‌بێته‌وه‌.

ئه‌گه‌ر چاوت گه‌وره‌ بوو، به‌ئه‌ندازه‌ی‌ یه‌ك هێڵی‌ زۆر باریك له‌به‌شی‌ سه‌ره‌وه‌ی‌ برۆ لێبكه‌ره‌وه‌. ئه‌گه‌ر چاوت بچووك بوو به‌ئه‌ندازه‌ی‌ یه‌ك هێڵی‌ باریك له‌به‌شی‌ خواره‌وه‌ی‌ برۆ لێبكه‌ره‌وه‌و تا چاوت گه‌وره‌تر بنوێنێت.

برژانگ به‌هه‌مان شێوه‌ برژانگه‌كانت رۆڵێكی‌ زۆریان هه‌یه‌ له‌ده‌رخستن‌و سه‌رنج راكێشی‌ چاوه‌كانت، بۆیه‌ گرنگیان پێبداو بیان پارێزه‌، ئه‌وه‌ش بزانه‌ ته‌مه‌نی‌ هه‌ر تاڵێكی‌ مووی‌ ده‌مووچاو له‌نێوان سێ‌ بۆ پێنج مانگدایه‌و پاش ئه‌وه‌ هه‌ڵده‌وه‌رێت. باشتره‌پابه‌ندبیت به‌م رێنماییانه‌وه‌: گرنگیدان

به‌برژانگ: بۆ گرنگیدان به‌برژانه‌كانت كارێكی‌ باش ده‌كه‌یت ئه‌گه‌ر به‌رده‌وام ئه‌و خۆراكانه‌ بخۆیت كه‌ ڤیتامینه‌ جۆربه‌جۆره‌كانیان تێدایه‌، هه‌مان كات خۆت به‌دوور بگره‌ له‌به‌كارهێنانی‌ به‌رده‌وامی‌ ماسكارا، هه‌رگیز پێت وانه‌بێت بڕینی‌ به‌شێكی‌ مووی‌ برژانگ یارمه‌تی‌ ده‌دات بۆ ئه‌وه‌ی‌ گه‌شه‌ی‌ زیاتر بكات، به‌پێچه‌وانه‌وه‌ به‌ته‌واوی‌ لاوازی‌ ده‌كات. چاره‌سه‌ر بۆ رێگه‌گرتن له‌هه‌ڵوه‌رینی‌ مووی‌ برژانگ: شه‌وانه‌ به‌زه‌یتی‌ باده‌م برژانگه‌كانت چه‌ور بكه‌و بۆ خواره‌وه‌و سه‌ره‌وه‌ به‌فڵچه‌یه‌ك بیانجوڵێنه‌.

ئه‌و ماسكارایه‌ هه‌ڵبژێره‌ كه‌ ماده‌ی‌ ڤیتامینی‌ تێدایه‌‌و برژانگ به‌ته‌ڕی‌ ده‌هێڵێته‌وه‌. چاویلكه‌ی‌ دژه‌ خۆر به‌كاربهێنه‌ بۆ ئه‌وه‌ی‌ تیشكی‌ هه‌تاو كاریگه‌ری‌ نه‌خاته‌ سه‌ر برژانگه‌كانت. كه‌ ماسكارات به‌كارهێنا سێ‌ تا چوار چین له‌برۆكانتی‌ بده‌، با لێدانی‌ هه‌رجارێك بۆ جارێكی‌ تر ماوه‌ی‌ له‌نێواندا هه‌بێت تا تاڵه‌كانی‌ برژانگت وشك ببنه‌وه‌و پێكه‌وه‌ نه‌نوسێن، پاشان به‌فڵچه‌یه‌كی‌ بچووكی‌ تایبه‌ت دایبهێنه‌. پاش ته‌واوبوونی‌ ئه‌و هه‌نگاوه‌ی‌ پێشوو، قه‌ڵه‌مێكی‌ چاو به‌هێواشی‌ به‌سه‌ر به‌شی‌ بنچینه‌ی‌ برژانگدا بهێنه‌و له‌گۆشه‌ی‌ نزیك لوته‌وه‌ ده‌ست پێبكه‌ بۆ به‌شی‌ ده‌ره‌وه‌ی‌ چاو، ئه‌م هه‌نگاوه‌ برژانگه‌كانت رێك‌و جوانتر ده‌كات.

سه‌رچاوه‌ kazhaw.com ||

درێژه‌ی بابه‌ت

ئۆتۆمبێلە كۆنەكان سەلامەتتر بوون لە ئۆتۆمبێلەكانی كە ئێستا هەن؟

زۆرێك لە خەڵكی باوەڕیان وایە، ئەو ئۆتۆمبیلانەی كە ئێستا دروستدەكرێن زۆر ناسكن و وەكو قوتووی خواردنە گازییەكان وەهان، بە پێچەواونەی ئۆتۆمبیلەكانی جاران كە لە ئاسن و پۆڵای بەهێز دروستدەكران، پرسیارەكە لەوەدایە ئاخۆ ئۆتۆمبیلەكانی جاران لە رووی سەلامەتییەوە باشتر بوون، یان ئەوانەی ئێستا. وەڵامی ئەم پرسیارە لە دیزاین و چۆنێتی دروستكردنی ئۆتۆمبیلەكاندا دەبینینەوە، راستە ئۆتۆمبیلەكانی جاران لە ئاسن و پۆڵای بەهێز دروستدەكران و لە رووداوە بچووكەكاندا خۆ راگرتر بوون، بەڵام هیچ كات وەكو ئۆتۆمبیلە نوێیەكان حسابی سەلامەتی شۆفێر و سەرنشینەكانی دیكەیان تیا نەكراوە وەك ئەوەی ئێستا لە ئۆتۆمبیلە نوێیەكان دەیبینین.

تا كۆتایی حەفتاكانیش دروشمی ئۆتۆمبیلی باش و كۆمپانیاكانی دروستكردنی ئۆتۆمبێل (گەورەترین و بەهێزترین) بوو، بەڵام ئێستا دروشمی (سەلامەتی) یەكەم و كۆتا دروشمی كۆمپانیاكانە، ئەگەر تەنها بۆ راگەیاندنیش بێت، هەرچەندە داهێنانی گەورەشیان لەو بوارەدا كردووە. ئەو ئۆتۆمبیلانەی پێش ساڵی (1973) دروستكراون تەنانەت قایشی سەلامەتییان تیا نەبووە، سیستمی رۆشتنی هاوسەنگ و وەستانەوەشیان باش نەبووە، كۆمپانیاكان لە ئێستادا بە ملیۆنەها دۆلار خەرج دەكەن تا ئۆتۆمبیلەكانیان لە مەرجەكانی سەلامەتی دەزگا پەیوەندیدارەكاندا دەربچێت.

لەدیزاینی نوێی ئۆتۆمبیلەكاندا دەیبینین كە زۆرینەیان شێوەیەكی چەماوەیان هەیە، ئەمە جگە لەوەی دینامیكیی هەوا باشتر دەكات و بەرگرییەكەی كەم دەكاتەوە، بۆ پێكدادانە قورسەكانیش بە سوودە، چونكە ناوچەی لاواز و ناوچەی بەهێزی هەیە و هێزی پیاكێشانەكە لە شوێنی شوفێر و سەرنشینەكان دوور دەخاتەوە، بە شێوەی گریمانەیی ئەگەر دابنێن سەرنشینەكان قایشی سەلامەتییان بەستووە و ئۆتۆمبیلەكەش ئێرباگی تێدایە، ئەوا رێژەی مردن لە رووداوێكی هاوشێوەدا (80%) كەمدەكات بەرامبەر ب ئۆتۆمبیلێكی ساڵانی پەنجاكان كە لە پۆڵای پوخت دروستكراون.

ئەم ڤیدیۆیەش ئەوە رووندەكاتەوە، سەرەڕای ئەوەی ئۆتۆمبیلە نوێیەكان لە رووی بۆدییەوە ناسكترن لە كۆنەكان، بەڵام لە رووی دیزاینەوە باشترن و لە كاتی رووداویشدا (دوور بێت لە هەموومان) سەلامەتترن. ئەم تاقیكرنەوەیە لە نێوان ئۆتۆمبیلێكی (شێڤرۆلێ بێڵ ئێر) مۆدیل (1959) كە لە پۆڵا دروستكراوە و ئۆتۆمبێلێكی (شێڤرۆلێ مالیبۆ) مۆدێل (2009) دروستكراوە، بۆ زانینی رادەی سەلامەتی بەراوردی ئاستی خۆگریی ئۆتۆمبیلەكان لە كاتی رووداوە قورسەكاندا، كە دەیبینین رێژەی رزگاربوونی ئۆتۆمبیلە كۆنەكە لە (سفر) نزیكە و شۆفێری ئۆتۆمبیلە نوێیەكەش گریمانەی مردنی لێناكرێت.



سه‌رچاوه‌ kazhaw.com ||

درێژه‌ی بابه‌ت

چۆن بۆنی ناخۆشی كۆئه‌ندامی زاوزێ ناهێڵیت؟

زۆرجار خانمان كێشه‌ی دروستبونی بۆنی ناخۆشیان له‌ كۆئه‌ندامی زاوزێدا هه‌یه‌، كه‌ئه‌وه‌ش كێشه‌یه‌كه‌ به‌هۆی چه‌ند هۆكارێكه‌وه‌ دروستده‌بێت و چاره‌سه‌ری سروشتیشی هه‌یه‌، بۆ دروستنه‌بونی ئه‌و كێشه‌یه‌ش پێویسته‌ خۆت له‌ كۆمه‌ڵێك خواردن به‌ دور بگریت و هه‌وڵیشبده‌یت كۆمه‌ڵێكی دیكه‌ بخۆیت.

ئه‌و خواردانانه‌ی كه‌ ده‌بنه‌ هۆی دروستبونی بۆنی ناخۆش له‌ كۆئه‌ندامی زاوزێدا بریتین له‌ خواردنی رێژه‌یه‌كی زۆر له‌ شه‌كر و شیرینی و گۆشتی سور و پیاز و سیر و هه‌روه‌ها جگه‌ره‌ كیشان. هاوكات ئه‌و خواردنانه‌ش كه‌ به‌ پێچه‌وانه‌وه‌ واده‌كات ئه‌و بۆنه‌ ناخۆشه‌ نه‌مێنێت و بۆنی كۆئه‌ندامی زاوزێ ئاسایی ده‌كات بریتیه‌ له‌ سه‌وزه‌و میوه‌ به‌تایبه‌تیش ئه‌نه‌ناس و خه‌یار و مانگۆ، هه‌روه‌ها خواردنه‌وه‌ی شیر و ئاو ئه‌و ناوچه‌یه‌ له‌ وشكبونه‌وه‌ ده‌پارێزێت كه‌ هۆكارێكه‌ بۆ دروستبونی بۆنی ناخۆش.

سه‌رچاوه‌ kazhaw.com ||

درێژه‌ی بابه‌ت

27 شوێنی لەشفرۆشی لە هەولێر داخران

سەرۆكی لیژنەی تەندروستی و ژینگە لە پەرلەمانی كوردستان رایدەگەیەنێت، كە لە ماوەی رابردوودا نزیكەی 27 شوێنی گشتی داخراون، كە بۆ لەشفرۆشی بەكارهێنراون و لیژنە تایبەتمەندەكانی پەرلەمان و حكومەتیش بەردەوام دەبن بۆ داخستنی شوێنەكانی تریش. زولفا مەحمود بۆ (خەڵك) ئاماژەی بەوەكرد، دوای بە دواداچوون بۆیان دەركەوتووە، كە زۆربەی شوێنەكانی مەساج و هەندێك لە هۆتیلە بەناوبانگەكانی هەولێر بۆ كاری لەشفرۆشی بەكاردەهێنرێن و دواتر لەلایەن هێزە ئەمنییەكانەوە 27 شوێنیان داخراون، كە هۆتێلی پێنج ئەستێرەیشیان تێیدابووە.

وتیشی:” خاوەنی ئەو شوێنانە بەرپرسی باڵان و لەناو حكومەت و حزبە دەسەڵاتدارەكاندا پێگەی سیاسی و ئابوری گەورەیان هەیە، بۆیە بەردەوام هەڕەشە لەو كەسانە دەكەن كە دەیانەوێت هاوكاربن بۆ داخستنی ئەو شوێنانە”. زولفا مەحمود باسی لەوەشكرد، جگە لە مەساج و هۆتیلەكان هەندێك لە كافتریاكانیش بۆ لەشفرۆشی بەكاردەهێنرێن و بەزۆری لەلایەن عەرەبەوە سەرپەرشتی دەكرێن.

سەرۆكی لیژنەی تەندروستی و ژینگە ئەوەیشی خستەڕوو، زۆربەی ئەو ئافرەتانەی لە مەساجەكاندا كاردەكەن، ئێرانین و هەڵگری نەخۆشی مەترسیدارن، كە ئەگەر رێگریان لێنەكرێت مەترسی گەورە رووبەڕووی گەنجانی هەرێمی كوردستان دەكەنەوە.

پێشتر توڕی میدیای خەڵك لە بەدواداچوونێكی تایبەتدا ئەوەی سەلماند رۆژانە لە رێگەی مەرزەكان و فڕۆكەخانەكانی هەرێمی كوردستانەوە چەندین ئافرەت بۆ لەشفرۆشی دەهێنرێنە هەرێمی كوردستان و لە چەند شوێنێكی گشتیدا ئەو كارە دەكەن.

سه‌رچاوه‌ kazhaw.com ||

درێژه‌ی بابه‌ت

گۆڕانكاری ریشه‌یی له‌ بلوتوز ده‌كرێت

وابڕیاره‌ له‌گه‌ڵ هاتنی ساڵی نوێی 2016 خزمه‌تگوزاری بلوتوز به‌هێزترو كاریگه‌رتر ده‌ربكه‌وێته‌وه‌، هه‌روه‌ها خێراتریش بێت له‌وه‌ی كه‌ ئێستا هه‌یه‌، ئه‌مه‌ش به‌پێی ئه‌و نه‌خشه‌ رێگه‌یه‌ی كه‌ دانراوه‌ بۆ گۆڕانكاری ریشه‌یی تێیدا.
به‌كارهێنانی ته‌كنه‌لۆژیای بلوتوز ده‌گه‌ڕێته‌وه‌ بۆ ساڵی نه‌وه‌ده‌كان، بۆ باشتر به‌كارهێنانی و كاریگه‌ری زیاتری له‌جیهانی ته‌كنه‌لۆژیادا بڕیاردراوه‌ مه‌ودای بلوتوز زیادبكرێت، به‌شێوه‌یه‌ك بگه‌یه‌نرێته‌ چوار ئه‌وه‌نده‌ی كه‌ ئێستا هه‌یه‌ به‌بێ زیادكردن له‌سه‌رفكردنی وزه‌دا، هه‌روه‌ها بڕیار له‌سه‌ر زیادكردنی خێراییه‌كه‌ی دراوه‌ كه‌ بتوانرێت به‌شێوه‌یه‌كی خێراتر هه‌موو مه‌له‌ف و به‌رنامه‌كان زووتر بگات به‌ئامێری به‌رامبه‌ری،

ئه‌مكاره‌ش به‌هۆی پێخستنی ئه‌پڵیكه‌یشنێكی زیره‌كی تایبه‌ت به‌خۆیه‌وه‌ ده‌بێت، هه‌روه‌ها بڕیار له‌سه‌ر بنیاتنانی چه‌ند تۆڕێك دراوه‌، كه‌ ده‌بێته‌ هۆی ئه‌وه‌ی په‌یوه‌ندی له‌گه‌ڵ چه‌ند ئامێرێك ببه‌سترێت له‌یه‌ك كاتدا. جێگه‌ی باسه‌، ئه‌م هه‌نگاوانه‌ ته‌نها نه‌خشه‌ڕێگایه‌كه‌ كه‌ له‌ساڵی داهاتوودا كاری له‌سه‌ر ده‌كرێت.

سه‌رچاوه‌ kazhaw.com ||

درێژه‌ی بابه‌ت