سعودیە؛ لە هەرێم و عێراق پارە بۆ تیرۆرستان حەوالە کراوە

KURDISTANI

رۆژانە هەواڵ

دوای ئەوەی ماڵپەری دەنگی ئەمریکا “لینکی راپۆرتەکە” لە میانی راپۆرتێکیدا بڕی ئەو پارانەی ئاشکرا کرد کە بەناوی بۆرسە و حەوالەوە لە سلێمانی لە خەڵکی وەرگیراون و نازانرێ بۆ کوێ رەوانە کراوە کە بڕی ٩٨٠ملیۆن دۆلاری ئەمریکیە، هەر لەو راپۆرتەدا بەرپرسانی ئاسایشی سلێمانیش دانیان بەوە نا کە پارە رەوانەی شوێنی نادیار و موسڵ و دەوروبەری کراوە، بەڵام زانیاری زیاتریان ئاشکرا نەکرد، هاوکات ماڵپەری “العربیە” بە زمانی فارسی ئەو سەرچاوانە ئاشکرا دەکات کە لە رێگەی عێراق و باشووری کوردستان پارەیان بۆ رێکخراوە تیرۆرستیەکان رەوانە کردووە.

ماڵپەری العربیە بە زمانی فارسی لە راپۆرتێکیدا لەبارەی حەوالە کردنی پارە بۆ رێکخراوە توند ئاژۆکان لە عێراق ئاشکرای کردووە کە وڵاتی قەتەر لە رێگەی کۆمپانیاکانی و بە هاوکاری عێراق و چەند سەرکردەیەکی کورد لە باشووری کوردستان، لە رێگای فرۆکە خانەی سلێمانی و بە رێگای خزمەتگوزاریەکانی گەیاندن و مۆبایل، پارەی حەوالە کردووە بۆ گروپە توند ئاژۆکان.

لە راپرتەکەدا هاتووە کە لە %٦٥ کۆمپانیا قەتەریەکان و هەندێک بەرپرسی عیراقی و کورد لە سلێمانی دەستیان لەو تاوانە هەیە و بە هەماهەنگی ئەو پارانەیان بۆ رێکخراوە توند ئاژۆکان حەوالە کردووە.

ئەوەش هاتووە کە دوای ئەوەی حکومەتی عێراق بەم کارەی کۆمپانیاکانی قەتەر زانیوە، هەموو حساب بانقی ئەو کۆمپانیایانە و ئەو کەس و بەرپرسانەشی راگردووە کە دەستیان لەو کارەدا هەیە.

ئەمە لەکاتێکدایە کە لە دوو رۆژی رابردوو دەنگی ئەمریکا لە راپۆرتێکیدا کە لە سەرەوە لینکی راپۆرتەکەمان داناوە، ئەوەی ئاشکرا کرد کە لە شاری سلێمانی بە ناوی حەوالە و بۆرسەوە پارەیەکی زۆر لە خەڵکی وەرگیراوە و بۆ موسڵ و دەوروبەر و چەند شوێنێکی نادیار حەوالە کراوە، کە بەهۆیەوە بۆشایی زۆری ئەمنی لەو شارە دروست کردووە، هاوکات بەرپرسەکانی ئاسایشی ئەو شارەش نایشارنەوە کە بڕی ٩٨٠ملیۆن دۆلار حەوالە کراوە و کەس ئاگاداری چۆنیەتی حەوالە کردنیشی نیە.

لە راپۆرتەکەی دەنگی ئەمریکا ئەوەش هاتووە کە پێشتر دەسەلاتی دادوەری عێراق ئاماژەی بە سەرچاوە داراییەکانی تیرۆرستانی داعش کردبوو کە یەکێک لە سەرچاوەکان حەوالە کردنی پارە بووە، کە تەنها لە شاری سلێمانی نزیکەی ملیارێک دۆلار بەبێ ئاگاداری بانکی ناوەندی هەرێم حەوالە کراوە کە کەس ئاگاداری چۆنیەتی حەوالە کردنەکە و ئەو شوێنانە نیە کە بۆی حەوالە کراوە.

لە چەند هەفتەی رابردوو لەسەر هاوکاری کردنی گروپە توند ئاژۆکان و پاڵپشتی کردنی سیاسەتی ئیران کە تاوانبارە بە هاوکاری کردنی گروپە تیرۆرستیەکان لە رۆژ هەڵاتی ناوەراست، زۆربەی وڵاتانی کەنداو بە سەرۆکایەتی سعودیە هەموو پەیوەندیە بازرگانی و سیاسی و دیبلۆماسیەکانی خۆیان لەگەڵ ئەو وڵاتە پچڕاند کە بەهۆیەوە قەتەر توشی قەیرانێکی گەورەی دارایی بوو.

سه‌رچاوه‌ رۆژانە هەواڵ

درێژه‌ی بابه‌ت

Advertisements

وه‌ڵامدانه‌وه‌

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s