کەریم سنجاری،چۆن زمانی”کەریم عوسمان”ی بڕی،با هی”مەسعود عبدولخالق”یش ببڕێ!!..ئارام ئەحمەد

chawigal

سەرەتا پێویستە هەرکەس ئەو راستیە بزانێت،کەریم سنجاری مێژویەکی قێزەون و چەپەڵی لە پشت سەری خۆیەوە بەجێهێشتوە،ئەوەی ئەم کابرایە لە کورد کوشتن،تیرۆر،خیانەت، تاوان، جاسوسی،کاری مافیایی، کردویەتی،شەیتانترین ئەفرادی بنەمالەی بارزانی پەییان پێنەبردوە.

کەریم سنجاری بەدناوترین وچنگ خوێناویترین کەسە لە مێژوی پەنجا ساڵی رابردودا،کە هیچ دایكیک بێزی نەهاتوە نامەردی وەک ئەمە لە داوێنی خۆیەوە بخاتە خوارەوە،ئەگەر خوێندنەوەی بۆ بکەین ئەوا لەقوتابخانەکەی عۆجەوە بیگرە،تا ئەوانەی هیتلەرو مۆسۆلۆنی، ئینسانی ئاوا خوێنخۆریان بەرهەم نەهێناوە.

“کەریم عوسمان”م چۆن ناسی؟!

ئێوارەیەکی هاوینەو لە شەقامی گۆرانەوە بەرەو سەرا دەڕۆم،پانتۆڵێکی ڕەش وکراسێکی سپیم لەبەردایە، لەبەرسەراو لای کتێب فرۆشیەکان، تاوێ دەوەستم و تێدەکێشم بۆ چاخانەی شەعب،لەوێ چایەک دەخۆمەوەو خۆم دەکەم بە بازاڕەکەی ئەوبەریدا،لەوێ راستەوڕاست دەچمە نوسینگەکەی شەهید” علی بۆسکانی”.

ئەویش بە خۆی و بالاو چاکەت و پانتۆڵێکی کەشخەوە،لە پشت مێزەکەیەوە لەبەرم هەڵدەستێ،تەوقەیەکم لەگەڵ دەکات و لە پەنا خۆیدا فەرموم لێدەکات بۆ دانیشتن،دو چا بانگ دەکات،ئێمە خەریکی قسەکردنو چا خواردنەوەین، خۆوڕاست دو پیاوی گەنج خۆیان دەکەن بە ژوردا،یەکیان بالایەکی بەرز،قژێکی کاڵی خاو،گەنجێکی قۆز،کاک علی بە”کەریم عوسمان” بانگی دەکات و بۆ یەکەم جارلەوێدا دەزانم کە ئەمە کەریم عوسمانی هونەرمەندە، لەبەریان هەڵدەستم،تەوقەیان لەگەڵ دەکەم،زیاتر لە نیو سەعات قسەوباسی دنیاو سیاسەت،پاشان من هەڵدەستم و ماڵئاوایی دەکەم،ئەوان هەرلەوێدا بەجێدەهێڵم،ئەوە یەکەمین جارو دواهەمین جار دەبێت کەریم عوسمان ببینم.

لە سیو یەکی ئاب،خیانەتە گەورەکەی بنەماڵەی بارزانیدا،”کەریم عوسمان”لە رادوێی یەنک لە هەولێر،هاواری دەکرد کە هەولێر مەدەنە دەست بەعسیەکان و جامانە سورەکانی بنەمالەی بارزانی،بەداخەوە دەیان هەزار گاردی کۆماری وسەربازی بەعس و بە سەدان دەبابەو کۆپتەر هەولێریان بۆ جامانە سورەکانی خێڵی مەلا مستەفا گرتەوە،لەوکاتەوە هەولێر دیلی بنەمالەی مافیای بارزانیەو ئازادی تێیدا وێران بوەو وتنی”نا” دەبێتە بایسی سەر.

دوای ئەوەی “کەریم عوسمان”لەو شەرەدا بە دیلی دەکەوێتتە دەست بنەماڵەی بارزانی،دەیبەنە سەری ڕەش،ئەو شەوە زمانی دەبڕن ،کە دژی بنەمالەی بارزانی وبەعسیەکان هاواری پێکردوە،بۆ بەیانیا بەرلەوەی زەنگی کەنیسەو بانگی بەیانی بونی هەبێت،کەریم سنجاری پیاو کوژ،”کەریم عوسمان” دەهێنیتە دەرەوەو لەپاڵ دیوارێکدا بە زمانی بڕاویەوە شەهیدی دەکات.

ئەوشەرەی”کەریم سنجاری” و بنەمالەی بارزانی بە”مەسعود عبدولخالق” ی دەفرۆشن،تەنها لەبەر هەڵویست و راستی وتنەکانیەتی،تەنها لەبەر ئەوەیە،دونیا بە جۆرێکیتر دەبینێت،نەک وەک بنەمالەی بارزانی چەتەکانی.

بنەمالەی بارزانی دەمێکە لە کەمیندان بۆ ئەم پیاوە،دەمێکە دەیانەوێ دەمی دابخەن،ئاخر بنەمالەی بارزانی وتفەنگچیەکانی ئازادی و کارو نان وژیانی ئەو خەڵکە دیلەیان بە بارمتە گرتوە،هەردەنگێکی ئازاد بونی هەبێت دەیانەوێ نەمێنیت وهەرزمانێ بێتە گۆ دەیانەوێت بیبڕن.

بەڵێ”مەسعود عبدولخالق”باجی ڕای جیاوازو تێگەیشتن و دنیا بینی جیاواز دەدات و هیچیتر.

ئارام ئەحمەد

سه‌رچاوه‌ چاوی گەل

درێژه‌ی بابه‌ت

Advertisements

وه‌ڵامدانه‌وه‌

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s