وردەکارى هێرشى داعش بۆ سەر پێشمەرگە لە زەرگە

KURDISTANI

رۆژانە هەواڵ

پاش ئەوەی شەوى ڕابردوو، تیرۆرستانی داعش لە میحوەرى زەرگە لەنزیک خورماتوو هێرشێکى فراوانى کردە سەر پێشمەرگەی کوردستان،  لە ئەنجامدا لەلایەن هێزی پێشمەرگە هێرشەکەیان تێکشکێنراو زیانیکی زۆریشیان بەرکەوتووە.

 سەید لوقمان، یەکێک لە فەرماندەکانى پێشمەرگە و جێگرى لیواى پێنجى پێشمەرگە لە زەرگە بە میدیاکانی ڕاگەیاند “شەوى ڕابردوو لە کاتژمێر ١١ەوە داعش هێرشێکى فراوانى کردە سەر سەنگەرەکانى پێشمەرگە  لەزەرگە و دواى سێ کاتژمێر بەردەوامى لەشەڕ توانیمان داعش تێکبشکێنین”.

هەروەها وتى “لەشەڕەکەدا فڕۆکەکانى هاوپەیمانان بەشدارییان کردووە و چەند هامەرێکى سەربازى داعشیان تێکشکاندووە”.

هەروەها وتیشی، چەکدارەکان لە دەشتاییەکەی حەوزی حەمرین ئەو هێڵەی میحوەرەکە دەبەستێتەوە بە حەویجەوە هێرشیان کردووە  و ژمارەیەکیان لێ کوژراوە و بریندار بووەو تەرمی دوو چەکداریش کەوتووەتە دەست هێزەکانی پێشمەرگە.

جێگرى لیواى پێنجى پێشمەرگە لە زەرگە ئاماژەى بۆ ئەوەشکرد، لەشەڕەکەدا پێشمەرگەیەک شەهید بووە و یەکێکى تریش بریندار بووە، لەگەڵ بریندار بوونى سێ خۆبەخش.

هاوکات عەبدوڵا بۆر فەرماندەی میحوەری دوزخورماتووی هێزەکانی پێشمەرگە رەتیکردەوە لە روبەڕوبوونەوەکەدا هیچ پێشمەرگەیەک بەدیل گیرابێت.

دوای کشانەوەی هێزێکی زۆری حەشدی سەعبی لە دوزخورماتوو و دەوروبەری بە تایبەت هێزی لیوای “ئیمام عەلی”، ئەمە جاری چوارەمە تیرۆرستانی داعش هێرش دەکەنە سەر هێزەکانی پێشمەرگەی کوردستان، بەڵام لەلایەن پێشمەرگەوە بە توندی وەڵامیان دراوەتەوە و گورزی کەمەر شکێنیشیان لێدراوە.

چاودێرانی سیاسیش دەلێن: ئامانج لە کشاندنەوەی هیزە میلیشیاکانی حەشد لەلایەن سوپای پاسدارانی ئێران، بۆ رێگە خۆشکردنە بۆ تیرۆرستانی داعش تاوەکو پەلاماری هیزی پێشمەرگە و ناوچە کوردستانیەکان بدەن، بە تایبەت لەم کاتەی ئێستادا کە کوردستان لەبەردەم ریفراندۆم دایە بە هەموو ناوچە کوردستانیەکانیشەوە.

سه‌رچاوه‌ رۆژانە هەواڵ

درێژه‌ی بابه‌ت

Advertisements

وه‌ڵامدانه‌وه‌

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s