مەلا بەختیار: هێرۆ خان پێیوابوو هەلومەرج بۆ یەكخستنی فراکسیۆنەکانی یەکێتی و گۆڕان لەبار نییە

nuche.net

نوچەنێت

مەلا بەختیار لەروونكردنه‌وه‌یه‌كدا رایدەگەیەنێت، هێرۆ ئیبراهیم ئەحمەد تاوەکو کۆبوونەوەی ئەنجومەنی سەرکردایەتی یەکێتی نیشتمانی کوردستانیش بۆچوونی وابووە هەلومەرج بۆ یەكخستنی فراکسیۆنەکانی یەکێتی و گۆڕان لەبار نییە. 

رۆژی یەکشەممە 18-6-2017، پاش كۆبوونه‌وه‌ی‌ ئه‌نجومه‌نی‌ سه‌ركردایه‌تی‌ یەکێتی نیشتمانی کوردستان، نوسینگه‌ی‌ تایبەتی هێرۆ ئیبراهیم ئه‌حمه‌د، ئه‌ندامی‌ مه‌كته‌بی سیاسی ئەو حزبە، روونكردنه‌وه‌یه‌كی‌ بڵاوكرده‌وه‌ و رایدەگەیاند، دژی‌ یه‌كگرتنی‌ فراكسیۆنه‌كانی‌ گۆڕان‌ و یه‌كێتی نییە و پێداگری‌ جێبه‌جێكردنی‌ رێكکه‌وتننامه‌ی‌ یه‌كێتی‌‌ و گۆڕان ده‌كات.  

ئەمڕۆ دووشەممە لە وەڵامی روونکردنەوەکەی هێرۆ ئیبراهیم ئەحمەد، مەلا بەختیار، به‌رپرسی‌ ده‌سته‌ی‌ كارگێری‌ مه‌كته‌بی‌ سیاسی‌ یه‌كێتی‌ ‌روونكردنه‌وه‌یه‌كی‌ بڵاوكردۆته‌وه‌ و رایگەیاند “لە كۆبوونەوەی ئەنجومەنی سەركردایەتی یەكێتی (2017/4/26) كاتێك مشتومڕ لەسەر چۆنیەتی رێكخستنی فراكسیۆنەكانی یەكێتی‌ و گۆڕان كرا، هەڤاڵ هێرۆ بۆچونی وا بو كە، هەلومەرجەكە لەبار نییە بۆ ئەو یەكخستنە”.

مەلابەختیار ئاماژەی بۆ ئه‌وه‌شکردووە، كه‌ دوابەدوای ئەو كۆبوونەوەیە، كۆبوونەوەی سەركردایەتی هاوبەشی یەكێتی‌ و گۆڕان كرا، هەڤاڵ هێرۆ بەراشكاویی هەمان بۆچونی دوپاتكردبوەوە، كە كاتی نییە فراكسیۆنەكان یەكبخرێ‌.

وەک لە روونکردنەوەکەی مه‌لا به‌ختیاردا هاتووە” رۆژی (2016/6/15) سەعات (5)ی ئێوارە، لە دانیشتنێكدا، بە ئامادەبوونی هەڤاڵ پاڤێڵ تاڵەبانی، دۆخی كوردستان‌ و دۆخی ناو یەكێتیمان لەگەڵ هەڤاڵ هێرۆ تاوتوێكرد، بۆچوونەكانی سەبارەت بەهەمان مەبەست‌ و چارەسەركردنی كێشەكان لەگەڵ هەموو لایەنە سیاسییەكان، كە بگونجێ‌ لەگەڵ بارودۆخی كوردستان‌ و یەكێتی‌ و چۆنیەتی كاراكردنەوەی پەرلەمان‌ و ریفراندۆم، هیچ ئاڵوگۆڕێكی بەسەردا نەهاتبوو. بەڵكو گەیشتینە ئەو ئەنجامەی، كە لە كوردستان‌ و لەناو یەكێتیشدا و لەگەڵ تەواوی هەڤاڵانی مەكتەبی سیاسی‌ و جێگرانی سكرتێری گشتیدا نەرمتر، هەنگاوی چارەسەر بنرێ‌”.

لە کۆتایشدا به‌رپرسی‌ ده‌سته‌ی‌ كارگێری‌ مه‌كته‌بی‌ ساسی‌ یه‌كێتی‌ دەپرسێت “ئایە، باشتر نەبوو، هەڤاڵ هێرۆ پێش تەوابوونی كۆبوونەوەكەی‌ دوێنێی‌ ئه‌نجومه‌نی‌ سه‌ركردایه‌تی‌ بە تەلەفۆن ئەزیەتی كێشابا و گوتبای: بیروڕام گۆڕیوە”.

ده‌قی‌ ڕونكردنه‌وه‌كه:‌

رونكردنەوەیەك .. تەنها بۆ زانینی راستییەكان

ئەمشەو خاتو هێرۆ برایم ئەحمەد روونكردنەوەیەكی لەسەر هەڵوێستی خۆی بۆ یەكخستنی فراكسیۆنی یەكێتی‌ و گۆڕان، بڵاوكردەوە. بۆئەوەی راستییەكان، دوور لە پێخۆری هەلپەرستی بزانرێ‌، ئەوەی لەناو كۆبوونەوەكەدا باسی بڕیاری هەڤاڵ هێرۆی كرد، سەبارەت بە یەكخستنی فراكسیۆنەكان بەندەیە (مەلا بەختیار). هۆیەكەشی ئەمەی خوارەوەیە كە:

– لەكۆبونەوەی ئەنجومەنی سەركردایەتی یەكێتی (2017/4/26) كاتێك مشتومڕ لەسەر چۆنیەتی رێكخستنی فراكسیۆنەكانی یەكێتی‌و گۆڕان كرا، هەڤاڵ هێرۆ بۆچونی وا بوو كە، هەلومەرجەكە لەبار نییە بۆ ئەو یەكخستنە.

– دوابەدوای ئەو كۆبونەوەیە، كۆبونەوەی سەركردایەتی هاوبەشی یەكێتی‌و گۆڕان كرا، هەڤاڵ هێرۆ بەراشكاویی هەمان بۆچونی دوپاتكردبووەوە، كە كاتی نییە فراكسیۆنەكان یەكبخرێ‌.

– رۆژی (2016/6/15) سەعات (5)ی ئێوارە، لە دانیشتنێكدا، بەئامادەبونی هەڤاڵ بافڵ تاڵەبانی، دۆخی كوردستان‌و دۆخی ناو یەكێتیمان لەگەڵ هەڤاڵ هێرۆ تاوتوێكرد، بۆچونەكانی سەبارەت بە هەمان مەبەست‌و چارەسەركردنی كێشەكان لەگەڵ هەموو لایەنە سیاسیەكان، كە بگونجێ‌ لەگەڵ بارودۆخی كوردستان‌و یەكێتی‌و چۆنیەتی كاراكردنەوەی پەرلەمان‌و ریفراندۆم، هیچ ئاڵوگۆڕێكی بەسەردا نەهاتبوو. بەڵكو گەیشتینە ئەو ئەنجامەی كە لەكوردستان‌و لەناو یەكێتیشداو لەگەڵ تەواوی هەڤاڵانی مەكتەبی سیاسی‌و جێگرانی سكرتێری گشتیدا نەرمتر، هەنگاوی چارەسەر بنرێ‌.

– لەكۆبونەوەی (2017/6/18) كاتێك، قسەوباس هاتە سەر رێكەوتنامەی یەكێتی‌و گۆڕان‌و یەكخستنی فراكسیۆنەكان، لەنیوەی باسەكەدا، ه.هێرۆ كۆبونەوەی جێهێشت، وەكو راستییەك ئاماژە بەو بۆچونەی هەڤاڵ هێرۆ كرا، سەبارەت بە نەگونجاوی دۆخەكە بۆ یەكخستنی فراكسیۆنەكان. دوای شەن‌وكەوێكی هەمەلایەنە، ئەو بڕیارنامەیە پەسەند كرا كە لە راگەیاندنی رۆژنامەوانی ئەنجومەنی سەركردایەتیدا، دەقەكەی بڵاوكرایەوە.

ئەوەی مایەی سەیروسەمەرەیە، دوای پەسەندكردنی بڕیارەكەو بڵاوكردنەوەشی، دیارە هەیە، دڵی بەو بڕیارەش دانەكەوتووە‌و مەبەستی بووە ئاراستەی كۆبونەوەكە بئاڵۆزێ‌، بۆیە هەواڵی ناو كۆبونەوەكەی، بەوشێوەیەی لەگەڵ مەبەستەكانیا دەگونجێ‌، بەو رێگایانەی ئاسان بووە بۆی، گەیاندۆتە هەڤاڵ هێرۆ. تومەزە، ئەو هەڤاڵەی هەواڵەكەی بەمەبەست گەیاندووە، باشتر لە ئێمە دەزانێ‌، هەڤاڵ هێرۆ، دوای چونەدەرەوەی لە كۆبونەوەكە، بۆچونەكەی گۆڕدراوەو بڕیاری پێچەوانەی بڕیارەكانی كۆبونەوەی پێشوی سەركردایەتی داوە. تا ئێرە ئاساییە.

دەپرسین: مادام سەركردایەتی، بەبێ‌ ئەوەی تەنانەت هەڤاڵێكیش دژی بڕیارەكە رای دابێ‌، بڕیارەكە سەبارەت بەبزوتنەوەی گۆڕان، پەسەند كرابێ‌، ئیتر پێویستی دەكرد، ئەم گفتوگۆیەی ناو كۆبونەوەكە، بەمەبەست‌و لەپێناوی ژاوەژاوی چەواشەخوازی، بگەیەنن؟

ئایە، باشتر نەبوو، هەڤاڵ هێرۆ، دەستبەجێ‌، پێش تەوابونی كۆبونەوەكە، بەتەلەفۆن ئەزیەتی كێشاباو گوتبای: بیروڕام گۆڕیوەو ئێستا بۆچونم وایە، فراكسیۆنەكان یەكبخرێ‌؟

بەدڵنیاییەوە، تەلەفۆنێكی لەوجۆرە، ئامانجە سیاسی‌و حزبیەكانی باشتر دەپێكا، نەك رونكردنەوەیەكی بەیاننامەئاسا، كە چەندین جار كوردسات نیوزو كەناڵی دیكە، پەخشی بكەن‌و ناحەزانی یەكێتیش سودی

لێوەربگرن. هەلپەرستەكانیش بخاتە هەلەكەسەما!!

مەلا بەختیار

سه‌رچاوه‌ نوچە نێت
درێژه‌ی بابه‌ت http://www.nuche.net/?p=98800

Advertisements

وه‌ڵامدانه‌وه‌

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s