کی بەرپرسیارە ژ دوبارەبوونا دێروکێ؟

heval hidayet

ئارمانج گوھەرزی

دڤان بویەرێن داوییێ دا کو ل شنگال چێبوین، پەیامەک دل ئیش بوو بو ھەر کورد پەروەرەکی، بیرا مروڤی ل وان تراژیدییێن دیروکی دھێت یێن کو ھێڤێنێ چێبوونا وان ژی ڤەدگەریت ژبۆ ھەژارییا رێبەرێن مە ل ھەمبەر سیاسەتێ و ھەژارییا گەل ژ ئالێ ھشیارییا نەتەوەیی ڤە د ئالێ ھەست و ھزرێ دا کو نەگەھشتییە رادەکی گرێدانەکا روحی دناڤبەرا ئاخێ و تاکێ کورد دا چێکەت داکو بەرژەوەندییا گشتی پێش ل بەر بەرژوەندییا ئالەکێ یان پارتەکێ گروپەکێ کەسەکێ بھێتە دیتن. ئەڤ بخوە ژی فاکتەرێن بنگەھینە ژ بلێ ئالێ ئابووری. ھەرچاوابە ئەم ناخوازین دێروکێ وەک قەدەر ببینین لێ وەک سەربور نابە نەھێتە  دیتن و ل سەر  رانەوەستین نەخاسمە ئالییێن وێ یێن شاش. ھەتا کو ئەڤ ئالییێ دێروکێ نەھێتە بێژینک کرن و نەکەڤیتە بەر رەخنە و داڤەکرنێ وێ کارەسات و ھەڤ ڤەقەتیان دناڤ گەلێ مە دا بەردەوام ببیت و ھەرتم لنگێن دوژمنان ل سەر پشتا مە بن. ژبەرکو ھەمی گەلێن جێھانێ یێن کو پێشداچوونە و گەھانە ئازادییێ مفا ژ شاشی و خەلەتیێن خوە وەرگرتینە نەک وەک مە پەردەپوش کرینە و کرینە ھێلا سۆر و ئایەتێن قورئانێ! د پرانیا گۆتار و پوستێن من دیتی ل سەر ڤان بویەران تەنھا دژاتی و ھەڤرکی بوو. بخوە ئەڤ ژی رامانا ھندێ ددەت کو ھێشتا گەل خوەدی چ ئیرادە و ھەلویستەکێ ئەقلانی بێژین ل سەر بنگەھەک راسیونال نینە. ل ڤر دیاردبیت کو گەل کونترۆل کرییە ژ لایێ پارتێن سیاسی ڤە بخوە ئەڤ ژی زولمە و شێوەکێ دکتاتوریێ یە کو ل گوری سیاسەتا خوە دچەرخینن یا دلئیشتر ژی ئەوە پرانییا وان ژی یێن خوە ب نڤیسەر و رەوشەنبیر دزانن د ھەمان بازنێ دا دزڤرن یان دێ پێشێ لایەنکێ ددەتە با یان ژی دێ لایەنکێ کەتە مەلائیکەت . وەک پرانییا گەل کو ل سەر بنەمایێ سیاسەتا پارتێن خوە ھەلویستی وەردگرن و دبنە خودان ھەلویست چ باش چ خراب چ دژی کوردینیێ بیت چ ژی د بەرژەوەندییا کوردینییێ دا نەبیت. ئەھا ل ڤی دەمی کارەسات روددن د سیاسەتێ دا کو ھەم تراژیدی چێدبن و ھەم ژی دکتاتور ژ دایک دبن و ھێدی ھێدی بەرەف مەزن بوونێ دچن. دێروک خوە دوبارە ب وان ئازاران ڤە نیشانی مە ددەت. ئەز قەت تێناگەھم ئەو چ کوڕدینییە مرۆڤ ئاخ و وەلاتی و گەلێ خوە قوربانی کومەکا مروڤان بکەت. کو نھا ژێرا دبێژن”پارت”؟! پارتێن مە تەنھا ئارمانجا وان ئەوە مە بەرەف ئازادییێ ببەن و گەلێ کورد بەرەف ئاسویەکێ رۆن ببەن. گەر کارێ وان ھەر دوبارەکرنا مێژوویا نەفرەتی یا مە بیت بلا بچنە جەھنەمێ ژ خوە ئەڤ گەلە ئەڤ ئاخە گەلەک پیروزترە ژ کۆمەکا مرۆڤان. شەرێن کوردکوژییێ چ پێدڤی فەیلەسوفەکی و سیاسەتمەدارکی ناکەت بھێت بۆ مە ل سەرباخڤیت و لایەنەکی راست دانیت و لایەنکی ژی ب خائین بزانیت، ئەڤ ترانەپێکرنە  د دێروکا مە دا پرن کو تا نھا ژی ئەم ھەژار باجا وێ ددەین و وەک سا ھەرتم ل بەر دەرگەھێن خەلککی رەورەوا مەیە بو نانەکێ ھشک. بەری دەست ب شەری بکەن ب ھزاران بەلگە و بەهانەیان دھینن ب ھزاران سیاسەتمەدارو فەیلەسۆفا ژی کۆم دکەن، لێ دەما ھەردو زەلیل و مەلیل دبن ھەرتشت تووشی ھەرفتنێ دھێت، سادە سادە دێ ھین و دبێژن ئەم گونەھبارین ژھەمبەر گەلی یانی چ! ب جەھنەم ھین گونەھبار بن یان نە ل وی دەمی گونەھبارییێ چ واتەیا خوە ھەیە. ل ڤر د ڤان قوناغێن ھەستیاردا کو رۆژھەلاتا ناڤین تێرا دەرباز دبیت پتر ھەر دەمەکێ دن مە چ وەک گەل و ھوون ژی چ وەک پارتێن سیاسی پێدڤی ئیکگرتنێ ھەیە . دەست ژ ڤێ ئەقلیەتێ و سیاستکرنا تونەکرنا ھەڤ دو بەردەن. ھەر کارەساتەکا ل پاشەروژێ ب سەرێ ڤی گەلی بھێت ھوون بەرپرسیارن نەک دوژمن. نە ئیدی ئەم ئیرانێ ناس دکەین نەژی تورکیا. بەروڤاژی ل جھێ وان ئیدی ئەمێ وە نفرت بکەین و وە ژ ھەر کارەساتەکێ بەرپرسیار بدانینن. یانی هەر جهەکێ خوە ب خوەدانێ کوردینیێ بزانیت، ژبەرکو وە ب خوە رەوشەکا پەیدا کری کو ھوون گەلن و گەل ھوونن. لەورا کەس ژ دەرڤەی وە بەرپرسیار نینە ژ ھەر رەوشەکا تراژیدی.

The post کی بەرپرسیارە ژ دوبارەبوونا دێروکێ؟ appeared first on وارمیدیا.

سه‌رچاوه‌ وارمیدیا
درێژه‌ی بابه‌ت http://waarmedia.com/%da%a9%db%8c-%d8%a8%db%95%d8%b1%d9%be%d8%b1%d8%b3%db%8c%d8%a7%d8%b1%db%95-%da%98-%d8%af%d9%88%d8%a8%d8%a7%d8%b1%db%95%d8%a8%d9%88%d9%88%d9%86%d8%a7-%d8%af%db%8e%d8%b1%d9%88%da%a9%db%8e%d8%9f/

Advertisements

وه‌ڵامدانه‌وه‌

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s