شنگال: پێشمه‌رگه‌ی به‌رفره‌هترین هێرشا داعشێ پاشڤه‌بر

admin

waar –  دهوك :

هێزێن پێشمه‌رگه‌ی، هێرشه‌كا به‌رفره‌ها داعشێ، هه‌ر ژ ئالیێ رۆژهه‌لات تا رۆژئاڤایێ شنگالێ پاشڤه‌بر، فه‌رمانده‌یه‌كێ پێشمه‌رگه‌ی ژی دبێژیت، ب ده‌هان كه‌له‌خێن تیرۆرستان ل به‌ره‌یێن شه‌ڕی ماینه‌.

مقه‌دم خالد هه‌مزۆ جێگرێ به‌ته‌لیۆنا تایبه‌ت ب وار راگه‌هاند؛ ئه‌ڤرۆ سات پێنجی سپێدێ، تیرۆرستێن داعشێ هێرشه‌كا به‌رفره‌هـ ب رێیا پیاده‌ و ترومبێلێن مینرێژكری، ب درێژاهییا رۆژهه‌لاتا شنگالێ تا رۆژئاڤایێ وی باژاری كره‌ سه‌ر سه‌نگه‌رێن پێشمه‌رگه‌ی، لێ پێشمه‌رگه‌یێن هێزا پشته‌ڤانییا ئێك و له‌شكه‌رێ دو یێ تایبه‌ت و فه‌رمانده‌یێن دهۆك و شنگال، ل هه‌موو به‌ره‌یان لێ هاتنه‌ ده‌ست و فرۆكه‌یێن هه‌ڤپه‌یمانان ژی ب به‌رده‌وامی ئاگربارانا تیرۆرستان دكر.

گۆت ژی: پشتی دو ساتێن شه‌ڕه‌كێ گران، هێرشێن تیرۆرستان بێی چو زیانێن گیانی ل هه‌موو به‌ره‌یان هاتنه‌ ژناڤبرن و سێ ترومبێلێن مینریژكری و بارهه‌لگرێن تیرۆرستان ب چه‌كێن گران و بۆمبه‌بارنێن هه‌ڤپه‌یمانان، هاتنه‌ ژناڤبرن و ب ده‌هان كه‌له‌خێن تیرۆرستان ل به‌ره‌یێن شه‌ڕی ماینه‌ و بریندارێن خوه‌ ژی بۆ بلێج و به‌عاج ره‌وانه‌كرینه و ب تنێ ل گوندێن كۆنریفی و رامبۆسیێ، پتری 20 كه‌له‌خێن تیرۆرستان ل مه‌یدانا شه‌ڕی ماینه و ل به‌ره‌یێن دی ژی، داعشێ چوار پیكاپێن پڕی كه‌له‌خ ژ مه‌یدانا شه‌ری برینه‌‌‌.

دا زانین ژی كو پشتی ئۆپه‌راسیۆنا مووسلێ ده‌ستپێكری و داعشی شكه‌ستن ئینایی، ده‌ست ب كۆمكرنا چوكداران كر و ل گوندێن ده‌ردوورا مووسلێ، هه‌ر كه‌سه‌كێ ژیێ وی د سه‌ر 15 سالیێ دا، بۆ ڤێ هێرشی كۆمكربوون و مه‌ره‌م ژێ تێكدانا به‌ره‌یێن شه‌ڕی و نیشاندانا هێزا خوه‌ بوون، لێ هه‌رزوو پلانا وان سه‌رنه‌گرت و هاتنه‌ شكاندن.

The post شنگال: پێشمه‌رگه‌ی به‌رفره‌هترین هێرشا داعشێ پاشڤه‌بر appeared first on وارمیدیا.

سه‌رچاوه‌ وارمیدیا
درێژه‌ی بابه‌ت http://waarmedia.com/peshmemrehshenaldasd/

Advertisements

وه‌ڵامدانه‌وه‌

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s