دەقی ووتاری ئەنجومەنی ناوەندی لە مەراسیمی چلەی ماتەمینی هەڤاڵی تێکۆشەر (لەتیفی حاجی فەرەج)

hawdin mahmod

ئیواره‌ی ئەمرۆ چوار شەممە 19/10/2016 بە ئامادەبوونی ژمارەیەک لە ئەندامانی مەکتەبی سیاسی و سەرکردایەتی و ژمارەیەکی زۆری ئەندامانی ئەنجومەنی ناوەندی و نوێنەری ئۆرگانەکانی یەکێتی خانەوادە و کەسوکار و هاورێی و هاوسەنگەرانی هەڤاڵ لەتیفی حاجی فەرەج و و حزب و لایەنە سیاسیەکان و که‌س وکاری سه‌ربه‌رزی شه‌هیدان مامۆستایانی ئاینی و مەراسیمی چلەی هەڤاڵ لەتیفی حاجی فەرج تێکۆشەری دێرین ئەندامی ئەنجومەنی ناوەندی لە هۆڵی تەوار لە شاری سلێمانی بەرێوەچوو.

سەرەتای مەراسیمەکە بە ساتێک وەستان بۆ رێزگرتن لەسەروەرانی نیشتیمان و گیانی پاکی هەڤاڵ لەتیفی حاجی فەرەج و سەرجەم شەهیدان و خەباتگێرانی رێگای رزگاری خوازی کورد و کوردستان دەستیپێکرد.پاشان چەند ئایەتێک لە قورئانی پیرۆز لەلایەن مامۆستا سامان شوانی قورئان خوێنی شەهیدان خوێندرایەوە.
تاجە گوڵینەی هەڤاڵ مام جەلال سکرتێری گشتی یەکێتی نیشتیمانی کوردستان و خاتوو هێرۆ ئیبراهیم ئەحمەد لەلایەن هەڤاڵ (سدیق خەراجیانی)یەوە دانرا.
ووتاری ئەنجومەنی ناوەندی یەکێتی نیشتیمانی کوردستان لەلایەن هەڤاڵ زوبێر عوسمان جێگری سکرتێری ئەنجومەنی ناوەندی خوێندرایەوە .
هەروەها ووتاری یەکێتی نیشتیمانی کوردستانیش لەلایەن هەڤاڵ عومەر فەتاح ئەندامی دەستەی کارگێری مەکتەبی سیاسیەوە پێشکەشکرا.
لە مەراسیمەکەدا وتاری بەرێز قوباد تاڵەبانی جێگری سەرۆکی حکومەتی هەرێم لەلایەن پشتیوانی گوڵپیەوە خوێندرایەوە.
چەندین پەخشان شیعر خوێندرایەوە کە ئاماژە بوون لە خەبات و تێکۆشانی هەڤاڵی خوالێخۆشبوو، هەروەها فیلمێکی فیلمێکی دۆکۆمێنتاری لەسەر وێستگەکانی ژیانی پڕ لە خەبات و تێکۆشانی هەڤاڵ لەتیفی حاجی فەرەج نمایش کرا، لەکۆتایشدا وتاری بنەماڵە لەلایەن لەلایەن حەمەشوانی کوری لەتیفی حاجی فەرەج خوێندرایەوە .

دەقی ووتاری ئەنجومەنی ناوەندی
خوشکى بەڕێزمان ( سوعاد ) خان ، هاوسەرى هاورێ و هاوسەنگەرمان کاک ( لەتیفى حاجى فرج ) ى نەمر
کاکە حەمە شوان ، خەندە خان ، لەنجە خان ، چرا خان – کوڕ و کچانى کاک لەتیفى شۆڕشگێڕ و قارەمان
خوشک و برا و کەس و کار و بنەماڵە و هاوڕێ و هاوسەنگەرانى کاکە لەتیفى کۆڵنەدەر و لەیاد نەچوومان

کەس و کارى سەربەرزى شەهیدان
هەڤاڵان ئەندامانى مەکتەبى سیاسى یەکێتی ى نیشتمانی ى کوردستان
هەڤاڵان ئەندامانى سەرکردایەتى یەکێتی ى نیشتمانی ى کوردستان
فەرماندە و ئەفسەر و پێشمەرگە قارەمان و گیان لەسەر دەستەکانى هێزى پێشمەرگەى کوردستان
کادیر و ئۆرگانەکانى یەکێتی ى نیشتمانی ى کوردستان
کەسایەتى و نوێنەرانى حزب و لایەنە سیاسیەکان
بەرپرسە حزبى و حکومیەکان
ماتەمگێڕانى بەڕێز – ئێوارەتان باش

میوانانى برا و هەڤاڵى سەرکردەمان کاک ( لەتیفى حاجى فرج ) ى نەمر بەخێربێن ، میوانانى ئەنجومەنى ناوەندى یەکێتى نیشتمانى کوردستان سەرچاومان هاتن – بەخێربێن بۆ کۆڕى چلەى ماتەمینى فەرماندە و پێشمەرگەى ماندوونەناسى کۆڕى خەباتى کوردایەتى کە زیاتر لە (51) ساڵ لە تەمەنى خۆى تەرخانکردبوو بۆ خزمەتکردنى گەل و ووڵاتەکەى و لە ساڵى ( 1965 ) و لە تەمەنى (16) ساڵیدا وەکو گەنجێکى پێشکەوتن خواز لە مەیدانى کوردایەتى ئەسپى شۆڕشگێرى و جوامێرى تاودا و چەکى شەرەفى کردە شان و لە ریزەکانى هێزى پێشمەرگەى کوردستان بوو بە پێشمەرگە.

کەسێک لە تەمەنى لاویدا هەستى کوردایەتى لەناخیدا چەکەرە بکات و تا دوا ساتەکانى ژیانیشى دەربڕى راستەقینەى خواستەکانى کورد و مافى رەواى گەل و ووڵاتەکەى بێت .

کەسێک کە پیشەنگى کاروانى خەباتى شۆڕشگێڕى و پێشمەرگایەتى و کادیرێکى شارەزا و لێزان بێت.
کەسێک پێشمەرگەیەکى شۆڕشگێڕى سیاسى چەکداربێت و لە پێناوى دیموکراسى و ئازادى و یەکسانى و عەدالەتى کۆمەڵایەتى و مافى چارەنوس بۆ گەلەکەى خەبات بکات .
کەسێک زیاتر لە ( نیو سەدە ) ئەزموونى هەبێت لە بوارى خەباتى ( نهێنى و رێکخراوەیى و ئیدارى و مافى مرۆڤ و چاودێرى و هەڵسەنگاندن و پێشمەرگایەتى و کاروبارى هێزە چەکدارەکان و ئەفسەرى – وە ئەفسەرێکى بەتوانا و ئازا – وە فەرماندەیەکى لێهاتوو بێت ، ئاستەمە هیچ کەسێک بتوانێت لە پەیڤێکى کورتدا لاپەڕە پرشنگدارەکانى دیرۆکى ئەو کەڵە تێکۆشەرە خاوەن ئەزموونە دوورو درێژە هەڵبداتەوە ، وە نازانێت لە کام بوارى ژیانى ئەو نەمرە دەست پێبکات.
ئایا باس لە وورە و خۆڕاگرى و کۆڵنەدانى بکەین وەکو سەرپەل لە لقى (4) یان یاریدەدەرى بەتالیۆن لە هێزى خەبات .
یان باس لە ئەزموون و پسپۆرى و خەباتى ئەو هەڤاڵە بکەین لە بوارى ئەفسەرى و فەرماندەیى و پێشمەرگانە و ئەمنى و ئیداریدا کە جارێک ئەرکى فەرماندەى فەرماندەیى سلێمانى لە هێزى پێشمەرگەى کوردستان و جارێکیش ئەرکى راوێژکارى ئەمنى سەرۆکایەتى کۆمارى عێراقى پێسپێردرابوو .

یان باس لە دوا سالەکانى ژیانى بکەین کە لە خەباتکردن بەردەوام بوو بۆ پارێزگاریکردن لە مافى مرۆڤ و یەکسانى و دڵنەوایى و هاوکارى و کارى جەماوەرى کە جارێک بەرپرسى کۆمسیۆنى مافى مرۆڤ و جارێکیش سەرپەرشتیار و کادیرى باڵاى راسپێردراوى هەڵبژاردنەکانى سلێمانى بوو .

ئێمە هەموو ئەو ئەزموون و لاپەڕە پرشنگدارانە بۆ مێژوونوسان و پسپۆران و ئەو هەڤاڵانە بە جێدەهێڵین کە لەو قۆناغانەدا هاوسەنگەر و هاوخەباتى کاکە لەتیفى نەمر بوون ، کە بێگومانین ناوى کاک لەتیفى حاجى فرج بەدرەوشاوەیى لە مێژووى گەلەکەمان وەکو ئەستێرەیەکى پرشنگدار لەگەڵ کاروانى تێکۆشەر و قارەمان و کەسایەتیە دیار و کاریگەرەکانى سلێمانى و کوردستانە و کاک لەتیف سیمایەکى نەتەوەیى و نیشتمانپەروەرێکى دیار بوو .
کاک لەتیف چل رۆژ لەمەوبەر ماڵئاوایى لێکردین بەڵام ورە بەرزى و رێبازى راستى فێرکردین ، ماڵئاوایى لێکردین بەڵام جەردەیەک لە مێژووى ئەزموونەکانى لەبوارە جیاجیاکان بۆ جێهێشتین کە هەر کەسێک بە ووردى ئاشنابێت بەوێستگەکانى خەباتى ئەو فەرماندە دلێرە دەبێتە شارەزا لە بوارە جیاجیاکان کە کاک لەتیف لە پێناوى تێدەکۆشا.
خوشک و برایانى خۆشەویست
وێستگەکانى خەباتى کاک لەتیف ئەوەندە زۆر و گرنگن تا قسەیان لەسەر بکرێت کۆتایى نایەت ، لێرەدا بە کورتى ئاماژە بە ئەنجومەنى ناوەندى دەکەم کە کاک لەتیف تێیدا ئەندام بوو ، براو هاوڕێ و هاوسەنگەرمان بوو ، وە یەکێک لە ئەندامە بە ئەزموون و شایستە و دڵسۆز و لێهاتووەکانى ئەنجومەنەکەمان بوو کە زۆر سوودى پێگەیاندوین ، بە هەڵوێستە راشکاوەکانى ، بە ئەزموونە گرنگەکانى ، بەبیرۆکە و پێشنیار و سەرنج و تێبینیەکانى ، بە چاودێریکردن ، بەتێڕوانینەکانى بۆ پرسە هەستیار و گرنگ و چارەنوسسازەکان ، هەمیشەش رەخنە و بۆچوونەکانى خۆى راشکاوانە خستۆتەروو ، هەربۆیە دۆسیەى کاک لەتیف ى برا و هاوڕێ ى خۆشەویستمان لە ئەرشیفى ئەنجومەنى ناوەندى پارێزراوە و بەرزراگیراوە و شوێنى تایبەت و شایستەى پێدراوە ، کە دوانوسراویشى ژمارە (14) یە لە (31/ئابى/ 2016) کە ئاراستەى سکرتاریەتى ئەنجومەنى ناوەندى کردووە وە تێیدا بۆ وەرزى کۆتایى ساڵى (2016) بەرنامەى کار و چالاکى کۆمسیۆنى مافى مرۆڤى بۆ پەسەندکردن بۆ ناردو ین ، کە مخابن مەرگ بوارى نەدا راپۆرتى وەرزى کۆتایى ئەمساڵ پێشکەش بە کۆبوونەوەى فراوانى ئەنجومەنى ناوەندى بکات ، بە هەمان شێوەش ناوى کاک لەتیف وەکو پێشمەرگە و جەنگاوەرێکى دێرین و وەکو چالاکوانێکى بوارى مافى مرۆڤ لە دڵ و دەرون و ناخ و هەستى هەر (100) ئەندامەکەى ئەنجومەنى ناوەندیدایە .

ئامادەبوانى بەڕێز
ئەم بۆنەیە بە هەل دەزانین کە رۆڵى فەرماندە و ئەفسەر و پێشمەرگە قارەمانەکان ، بەرگرى و فریاکەوتن ، هێزەکانى ناوخۆ ، ئاسایش ، دژەتیرۆر بەرز بنرخێنین وەستایشیان بکەین کە بە خوێنى گەش و ئاڵى شەهیدەکانیان ، بریندارەکان ، کەم ئەندام بووەکان ، سینگى خۆیان کرد بە قەڵغان بۆ پاراستنى خاکى کوردستان وە هەڵمەت دواى هەڵمەتیان برد هەر (لە خانەقین تا حەمرین تا کەرکوک و مخمور و بعشیقە و شەنگال) لە دوژمنانى نەتەوەى کورد و خاکى کوردستان ، لەدوژمنانى دیموکراسى و مرۆڤایەتى ، لە چەپەڵترین و دڕەندەترین گروپى تیرۆریستى لە مێژووى مرۆڤایەتى ناسراو بە داعش) یان پاککردەوە و ئێستاش لە ئۆپەراسیۆنى کۆنترۆڵکردنەوەى موێل رۆڵى کارا و کاریگەر دەبینن ، وە رۆڵى یەکێتى نیشتمانى کوردستان میحوەرى و کاریگەرە و بۆتە پردى پەیوەندى نێوان هەرێم و بەغداد بۆ چارەسەرکردنى کێشەکان لە پێشەوەشدا مووچەى موچەخۆران و بودجە و سەرجەم کێشە هەڵپەسێردراوەکان ، سەبارەت بە ناوخۆى یەکێتیش ئەنجومەنى ناوەندى لە رێگاى لیژنەى راسپێردراوى خۆى لە (1/ئەیلول) وە بەدەوام دەبێت لەسەر هەوڵەکانى بۆ لێکنەترازان وە پاراستنى یەکێتى ناو یەکێتى و چەپکە گوڵەکەى هەڤال مام جەلال وە مژدەتان پێدەدەین کەبەرەوپێشچوونى باش هەیە و ئاسۆى چارەسەر روونە ، ئەنجومەنى ناوەندى چاودێرى ووردى بارودۆخەکە دەبێت لەو ماوەیەشدا پرۆژەى خۆمان بۆ چارەسەرکردنى کێشە ناوخۆییەکانى (ى.ن.ک) رادەگەیەنین ، وە لەسەر هەمان ئاراستە و سیاسەت و رێبازى دروستى سەرۆک مام جەلال بەردەوام دەبین .

لە کۆتایدا جارێکى تر بەناوى ئەنجومەنى ناوەندى سەرەخۆشى لە خۆمان و خانەوادە و بنەماڵە و کەس و کار و هاوڕێ و هاوسەنگەرانى هەڤاڵ ( لەتیفى حاجى فەرەج ) نەمر دەکەین وە بە لەدەستدانى ئەو هەڤاڵە نەمرەشمان زیانێکى گەورە بەیەکێتى و ئەنجومەنى ناوەندى گەیشت ، باشترین وەفادارى بۆ ئەو فەرماندە خەباتگێڕ و قارەمانە درێژەدانە بە رێبازە پیرۆزەکەى و ، هەڵوێست و خۆراگرى و دڵسۆزى و یادەوەریەکانى لە ناو دڵ و دەروون و ویژدانماندا تا ئەبەد بە زیندوویى دەمێننەوە .
هەزاران سڵاو لە گیانى پاکى کاک لەتیفى حاجى فرج و سەرجەم شەهیدانى رێگاى رزگارى کورد و کوردستان .

 

ئەنجومەنى ناوەندى
یەکێتی ى نیشتمانی ی کوردستان

19/10/2016

سه‌رچاوه‌ PUK CENTRAL COUNCIL

درێژه‌ی بابه‌ت

وه‌ڵامدانه‌وه‌

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s